FILIPI 2:1 - Ngawm Bible

¹ Khrih tuah na pehzomdun uhnak hangin na nunnak uh kho cuangin, a itnakin, na lung uh muangtik hi. Hawvang tuah pawlkomnak nei uh ci a, pa khat le pa khat humah hehpihnak nei si uh si maw?

FILIPI 2:1 Iomraidhean Croise

SAAM LABU 133:1

Pathian mihingte unau bangin munkhat a, um langkhat hi, itih zahin pha in, nop him?

ISAIAH 16:11

Moab le Kir Heres ca thasia in tau lawluang ing.

LUKA 2:25

Mah hunin Simeon a tih haw pa cu Jerusalem ah um hi. Amah in Israel tei nunpatnak a ngah haw tuk khi ngak leng hi. Hawvang Thiangtho cu a lakah umin,

JOHAN 14:18

Nangmuh nguakcang zamthong tuk mang hi. Nohtei lakah hungleh tuk laih ing.

JOHAN 14:27

Lungmuannak nohte zam ing. Keima lungmuannak tatak khi pia ing. Leihum mitei piakmi bangin pia kha mang hi. Lungmu tamin na umta pahsuh un hi. Thinsu li hei in, na umta pahsuh un hi.

JOHAN 17:13

Atu-in nangma lakah hung tuk toh ing a; leihumah hi thu ka hilhnak cu ka lungdamnak amu lungmu sungah cangkim zetin, a neih theihnak haw tukin hi.

NUNGZUITU 2:46

Ni khat nung ni khat Biakinn sungah tawkdun khawm haw in; a inn hawah ante kawmin, niamkhiatnak le lungdam thatuino in, ei langkhat haw hi.

NUNGZUITU 4:32

Thu umtute cu lungmu le ngaihsutnak luallemzetno in umlangkhat haw hi. Kuamah in, a neihmi thilte cu ka bulta hi, tin ti haw ma hi; a neih haw hempoh khi pa khat le pa khat mang kawmdun haw hi.

ROM Khua Khristian Tei Lakah Paul i Laikuat (Paul’s Letter to the Romans) 5:5

Hi muansannakin, a lung uh siatik ma hi, itahim titale Pathian in, a itnak cu Hawvang Thiangtho mangin eimu thin sungah buak zo hi. Mah Hawvang Thiangtho cu Pathian piakmi laksawng hi.

ROM Khua Khristian Tei Lakah Paul i Laikuat (Paul’s Letter to the Romans) 8:26

Mahti bangbok lengin oh cu a nawmtammi a hih uh hangin eimuh bawm tukin Hawvang heng hi. Itahim titale, itin kaw thunget tuk tih hei a theih uh ngawl laihin, awnah hei a tul thei ngawlmi a taunak uh cu Hawvangin Pathian nelah ngetsak hi.

1 KORIN 12:13

Mah bangin ohte vang Judah mi le Gentail mi tin le suakca le sal tin a um uh vangin a venghawng uhin mah pumpi pa khat sungah Hawvang pa khat i nipmi hung hi. A venghawng uhin mah Hawvang pa khat cu in tukin piak hi zo hi.

1 KORIN 15:31

U le naute aw, nisialin thi ing, Khrih Jesuh tuah a pehdunnak uh hangin nohte cu ka tuangkhawnnak hi uh ci. Mah hangin hi bangin awn thei ing.

1 KORIN 3:16

Nohte cu Pathian biakinn hi uh ci a, hawvang na sung uhah a um khi thei ma uh cim? Pathian Hawvang i umnak inn hi uh ci.

2 KORIN 2:14

Pathian nelah thangphatnak um tahen! Itahim titale Khrih tuah a pehdun uhnak hangin Khrih i nehnak puai sungah a hawhtu tukin Pathian in lamhuai ngut hi. Khrih i thu cu khua hempoh ah pak namtui bangin tangzalhtu tukin Pathian in kohte cu mang hi.

GALATI 4:6

Mahten a cate na hihnak uh langtiknakin Pathian in, a capa i Hawvang cu eimu lungmu sungah pia hi. Eimu lungmu sung pen, “Ka Pa, Ka Pa,” tin, a autu cu mah Hawvang hi.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

EFESA 4:4

Pathian in, a samnak sanbel a muansan uhmi cu pa khat a hih bangin pumpi pa khat um a, Hawvang pa khat um bok hi.

FILIPI 1:8

Khrih Jesuh i lungmu sung pen a hungmi itnak tuah nangmuhte itzet ing ka tihmi hi thutak hi tih a theitu Pathian um hi.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

KOLOSE 2:2

Hitih bangin ka dehnak cu kua hei hihen ngalphatnak tuah dimin le itnak tuah pa khat le pa khat komdunin, na co ngah uhmi muannak cu cangkim zetin, a co theihnak haw tukin ka deihmi hi. Mahti bangin Pathian i thu-ipmi Khrih amah cu thei ngah haw tuk hi.

KOLOSE 3:12

Noh cu Pathian i mihingte hi uh ci. Nangmuh it zetin, ama ca in, a tenmite hi uh ci. Mah hangin hehpihnak, niamkhiatnak, thinnemnak le thinsaunakte cu puan bangin silh un.

HEBRU 6:18

Hi thu pa nih hi thek thong theih ngawlmi a hih hangin Pathian hei in hi thu humah zolthu sonnuam ma hi. Mahti bang a hih hangin ama lak pen humhimnak a ngahtu cu ngalphatnak le thathonak ngengpi nei in, a mai uhah a koihsami muansannak cu khimzet pom hung hi.

1 PETER 1:2

Jesuh Khrih i thu na zuinak tuk uhin le ama thisan tuah a thiantikmi na hih theihnak tukin nohte cu Pa Pathian tuptahnak bangin tenmi le ama hawvangin mi thiangtho ah a bawlmi hi uh ci. Pathian hehpihnak le lemdaihnak cu nangmu lakah lawhting zetin um tahen.

1 JOHAN 3:24

Pathian thupiakmi a zuitu hempoh cu Pathian tuah umkawmin, Pathian vangin amu lakah um bok hi. Pathian i piakmi Hawvang hangin Pathian cu eimuh tuah umkawm tih thei hung hi.

1 JOHAN 4:12

Kuamah in Pathian cu a mit tuah mu awng haw ma hi. Mahnaven pa khat le pa khat a itdun uh tale Pathian pehzomdunnak tuah nungca in, a itnak cu eimu sungah cangkim hi.

1 JOHAN 4:16

Mahten eimuh loli in Pathian i eimuhte a itnak cu thei in um hung hi. Pathian cu itnak hi a, itnak tuah a nungtute cu Pathian sungah a nungmi hi. Pathian vang ama sungah nung bok hi.