Topa aw, thianthohnak le sunloihnak tuah na umnak vanhum khua pen zosuk zazalin hi. Keimu ca in deihsaknak na neihmi cu ilai ah kaw? Na ngilnak huham cu ilai ah kaw a um? Na itnak le na lainatnak ilai ah haw kaw? Zulzau thong pahsun hi!
“Israel, nang cu ka capa deihbelmi ci. Ka ihbelmi ka capa ci. Na min ka lawh sial ten itnak tuah ngaisung leleng ing. Ka lungmu hi nangmah ngawlin um thei ma hi. Hehpihnak na lakah nei leleng tung.
Ama Capa i Thuthangpha cu ka lungmu hempoh tuah hilhin, a na ka deh mite cu man hi tin Pathian in theihpih hi. Thu ka nget sial ten nangmuhte phawkngil awng mang tih cu Pathian in thei hi.
Ka hilhmi hi thuman hi. Khrih ta ka hih hangin zolthu son mang hi. A sia le a pha khenkhuai theihnak Hawvang Thiangtho i ukmi ka lungmu in zolthu ka son ngawlnak cu ciang zetin hilh hi.
Mahten Titas i hilhmi na venghawng un na bawl nuam uh dan le upatnak le kihcaknak tuah na muan dan uhte a sonpih pepel lih ten a itnak hi nisialin khangto dedeuh hi.
Khrih tuah na pehzomdun uhnak hangin na nunnak uh kho cuangin, a itnakin, na lung uh muangtik hi. Hawvang tuah pawlkomnak nei uh ci a, pa khat le pa khat humah hehpihnak nei si uh si maw?
Ka ihmi u le naute aw, nangmuhte ngaizet ing. Nohte hi keimah nemtu hi uh ci, ka ultunnak sui lukhuh hi uh ci. Ka ihmi u le naute aw, hi bangin Topa i sungah na nunnak uh cu khoh zetin ding lelengta un.
Nangmuh penpan Laodisia khua mitei ca le bulpakin keimah thei ngawltu midang tei ca tianin, itih zahta in nadek kam ing tih khi na theih tukin deih ing.
Noh cu Pathian i mihingte hi uh ci. Nangmuh it zetin, ama ca in, a tenmite hi uh ci. Mah hangin hehpihnak, niamkhiatnak, thinnemnak le thinsaunakte cu puan bangin silh un.
Nangmuh ten na theih uh bangin nangmu lakah ka hen uh laihin, nangmuh pahcoihnak thu awnkam mang ma ung hi. Na hampumnak uhte lang tuk ngawlin awnkam khat hei mang ma ung. Pathian in thei leng hi.