FILIPI 1:7 - Ngawm Bible

⁷ Nangmuh cu ka lungmu sungah caam leleng uh ci. Nangmu humah hiti bang lungmu ka neihmi hi a nei tukin tak ing. Itahim titale atu thawnginn sung ka umah hihen, a pualamah luat zetin Thuthangpha tanpih lo in, khohkhah hen tin ka dehnakah hei hihen, Pathian i hehpihnak hangin ka comi ka dehvo ah na venghawng uhin tel leleng bok uh ci.

FILIPI 1:7 Iomraidhean Croise

NUNGZUITU 20:23

Khua hempoh ah thawngtaknakleh haksatnak bebekin ngak hi, tih cu Hawvang Thiangtho i ngallinnak a piaknak i hangin thei ing.

NUNGZUITU 21:33

Ngal bawipa cu Paul i lakah hawhin, a mat celh ten thik taicin pa nih tuah khih tukin thupia hi. Mahten mipi tei lakah, “Hi pa hi akua him? I sualnak kaw a bawl?” tin dong hi.

1 KORIN 13:7

Itnak cu lungkiam tih nei ma hi, a upnak, muansanmi le thinsaunak cu bo ni nei ma hi.

1 KORIN 9:23

Hi thu hempoh hi Thuthangpha hangin ka bawlmi hi. A muicu vang midang tei co bok tukin ka deihmi hi.

2 KORIN 3:2

Lai ken dang kulma ung hi, nangmuh hi ka lai uh hi toh uh ci; mi hempoh tei theih tuk le sial tukin keimu lungmu sung a ngatmi lai hi uh ci.

2 KORIN 7:3

Hitih bangin ka tih ten nohte cu misual ngeh hi uh ci, tin ka tihnak kha ma hi, itahim titale ni dang laihin ka ot zo bangin nohte ka ihzet uh hangin, nunah hei nung langkhatin, thihah vangin thi langkhat tuk hung hi.

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

EFESA 3:1

Mahti bang a hih hangin Jesuh Khrih ca in thawng a tami keimah Paul in, Gentail mi nangmuh tei ca in, Pathian nelah thungen li ing.

EFESA 4:1

Topa i nadehnak hangin thawngta mi keimah in; Pathian sapmi na hih uh bangin na nunnak uhah Pathian sammi na hihnak uh langtik un, tin so ing.

EFESA 6:20

Atu-in thawng sungah um naveng, Thuthangpha phuangtu palai ing. Thuthangpha cu ka phuan tuk a hih bangin ngalhang zetin ka phuan theihnak tukin thungetsak un hi.

FILIPI 1:12

U le naute aw, keima humah a hengmi thilte hi, Thuthangpha tangzalhtiktu lamin cang saw tihmi na theih tuk uhin deih ing.

FILIPI 1:13

Hitih bang thilte hangin kumpi inn cingtute le hilai a midangte hei in Khrih i sila ka hihnak hangin thawng a khiaknak haw khi thei khawng haw hi.

FILIPI 1:14

Mahten hi thawng ka taknak hin a u naupih uh a tam saw cu Topa a muannak haw khi khotikin, ngalpha sesemin le ngam zetin thu hilh haw hi.

FILIPI 1:5

Itahim titale thuthangpha nadehnakah a pat pepan, tuni tian nohte cu keimuh bawm lelengtu hi uh ci.

FILIPI 2:22

Amah cu itihzah muantakmi him tih nangmuh loli in, na theih uhmi hi. Keimah tuah Thuthangpha i hangin nadek langkhat haw tih khi mu zo uh ci.

FILIPI 4:14

Mahnaven haksatnak ka tawh hun ten kei na bop theih uh cu miphazet uh ci.

FILIPI 4:15

Nangmu Filipi khua miten na theih khawng sa uh hi. Thuthangpha phuangin nadeh ka pattung laih hawng khin Macedonia ngamsung pen ka tul ten keimah bawmtu pawlpi cu nangmuh bek uh ci. Ka sunnak le ka metnakah nohte hi a theihpihtubel hi uh ci.

FILIPI 4:3

Mahten nang, muantak, ka nadehpih, hi numei pa nihte hi keimah tuah nadek langkhat mite haw a hih hangin na bop tuk vang deih bok ing. Clement le Pathian i nunnak laibu sung a min khummi ka nadeh pih hempoh tuah Thuthangpha zaitik tuk keimah tuah nase zetin nadektu hi haw hi.

KOLOSE 4:18

Paul in nuksat ing hi tih hi keima khut loli tuah ka ngatmi hi. A khihnak haw thik taicin khi phawkngil pahsuh un! Pathian hehpihnak na hum uhah um tahen. Amen.

KOLOSE 4:3

Mahtin na nget uhten Khrih i thu-ip phuan theihnak hunpha cu Pathian lak pen a ngah theihnak tuk uhin keimu ca vangin thunget sak bok un hi. Atu thawnginn sung ka umnak hei hi, mah thu ka phuannak hangin hi.

1 THESALON 5:5

Nohte cu na venghawng uhin khuavaknak sungah a ummite uh ci. Sunlam i mihing hi uh ci. Thim sung ummi hi ma hung, zanlam mi hei hi ma hung hi.

2 TIMOTE 1:8

Ohtei Topa i thu cu, hilh tukin na zakca pahsun hi. Khrih ca in thawngta mi keimah hangin zakca in um pahsun. Pathian in thazaang a piak bangin Thuthangpha ca in cimnak thuak ngam saw in hi.

2 TIMOTE 2:9

Thuthangpha ka phuan hangin haksatnak thuak ing, mi suaksual bangin thik taicin tuah khih tawk ing. Mahnaven Pathian thu cu thik taicin tuah khih theihmi kha ma hi.

FILEMON 1:13

Thuthangpha hangin thawnginn sungah ka um laihtakin, nangma ai-in keimah cingkhawi tukin amah cu ka lakah um hih tukin deih ing.

HEBRU 3:1

Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

1 PETER 4:13

Khrih i thuaknak a thuakmi na hih uh hangin lungdam saw un hi; mahtibang na bawl uh tale, a sunloihnak a lang ten nohte cu lungdamnak tuah dim tuk uh ci.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

2 PETER 1:13

Ka nunsungin hi thute ka theihtik leleng hi a dikmi hi tin ngaisung ing.

1 JOHAN 3:14

Ohte cu thihnak zamsanin, nunnak sungah tum zo hung; tih thei hung hi. Mahtibang a theihnak uh cu a unau uhte a ih uh hangin hi; itnak a nei ngawltu cu thihnak sungah a tang hih laihmi hi.