FILIPI 1:6 - Ngawm Bible

⁶ Mah hangin nangmu sung a nadeh pha a pantu Pathian in, Khrih Jesuh i Ni a hen laklawh tian nangmuh tei humah dek suak tuk hi tin muang ing.

FILIPI 1:6 Iomraidhean Croise

SAAM LABU 138:8

Na tepmi hempoh cu kimtik khawng tuk ci. Topa, na ihnak cu kumkhua in kho hi. Na patsami na nadeh cu kimtik zalin hi.

JOHAN 6:29

Jesuh in, “A tiikmi pa cu um un. Mahmi cu Pathian in nohte a dehtik nuammi nadeh hi,” tin don hi.

NUNGZUITU 11:18

Mahmi a zak haw ten a sonsiatnak haw cu cawl haw a, Pathian thangphatin, “Pathian in Gentail mitei lakah vangin sualsikin le nung tukin hun pia bok hi,” tin ti haw hi.

NUNGZUITU 16:14

Amu lak pen ka thu uh a ngaitu pa khat cu Thiatira khua mi, puan sandup zuaktu Lidia hi. Pathian biatu a hih hangin Paul i thuhilhmi cu phano ngai tukin Topa in, a lungmu kongka hong hi.

1 KORIN 1:8

A tawpnak tian Amah in cingkhawi tuk a, mahten a Topa uh Jesuh Khrih i Ni ten sualnak nei ngawlmi hi tuk uh ci.

2 KORIN 1:15

Hi thu hi ka theih cangcianzet hangin vei nih thupha co haw hen tin, a masa in nangmu lakah zintuk tum ing.

2 KORIN 2:3

Mah hangin ka laikuatmi sungah ka lung a damtiktu nangmuh ten ka thasiat tikleh lamsangin zinleh tuk mang tin ngaisung ing. Itahim titale kei ka lung a dam ten nohte vang lungdam bok uh ci, tin um ing.

2 KORIN 7:16

Ka lungmu hempoh tuah ka muan theihnak hi lungdam mahtak ing.

2 KORIN 9:4

Mah kei ka hun ten Macedonia ngam a, ka ngualcam ten, a zui kha thawthong haw bang ahin, ngalling ham ngawlin na tawk kha uh tale, nangmuh tei zahcak tuk sial ngawl, keimuh hihim itih zahin zakca tuk kam ung?

GALATI 5:10

Mahnaven nohtei humah muansannak nei leng laih ung. A Topa uh sung pen a pehzopnak uh i hangin na lungmu uh lamdang tukma tih cu muangzet poh ing. A nawngkaitiktu, kua hei hi tahen, Pathian i thukhennak tawk tuk poh hi.

EFESA 4:12

Hitih bangin laksawng a piaknak cu; Pathian i mite Khristian nadeh dek thei in, Khrih i pumpi a khantohtik theihnak tukin hi.

FILIPI 1:10

Mahtin na khangto uh tale, a phabelmi khi teng thiam tuk uh ci. Jesuh Khrih i Ni ten nawngkainak le mawhsiatnak hempoh pen thiang tuk uh ci.

FILIPI 1:29

Khrih na upnak uh bekah hi ngawlin ama ca na thuaknak uhah covo sepmi na hih uh hi, mi bawngpha hi uh ci.

FILIPI 2:12

Mah hangin, ka ihmi ngualcamte aw, nangmu lak ka umlaih a, ka thu na man leleng uh bangin le mah sangin a thupi saw laihmi cu nangmu lak ka um ngawl vangin ka thu na zui tuk uh khi hi. Nunpatnak cangkim na ngahnak tukin upat le lauthawng thahno in dek li poh un hi.

FILIPI 2:13

Itahim titale ama tuptahmi deih tukin le nadek suak tukin Pathian cu nangmu sungah nadek hi.

FILIPI 2:16

Nunnak Thuthangpha phuan laihin mahtih bangin vak un hi. Mahti bangin na hi uh tale, Khrih Ni ten maitainak nei tung a, ka nadehnak le teimak ka suahnak hempoh khi thawnthong a hih ngawlnak langtik tuk hi.

KOLOSE 2:12

Itahim titale tuiphumnak na ngahnak uhin, Khrih tuah vui langkhatmi hi uh ci, mahten tuiphumnak na ngah uhten thihnak pen Khrih a tholehtiktu Pathian huham cahnak mual na neihnak uh i hangin Khrih tuah thawhtikmi hi bok uh ci.

1 THESALON 1:3

Itahim titale na upnak uh nisial na nundan uh pen a langmi itdunnak na neih uh hangin nase zetin, na nadehnak uh thu le, a Topa uh Jesuh Khrih sungah muansannak na neih uhmi a khodan thu thungetnak tuah a pa Pathian uh lakah hilh leleng ung hi.

2 THESALON 1:11

Mah hangin nangmuh tei ca in catngawlin ka thungetnak hi. Pathian i sam nuam sanbelmi nunnak tuah a kaihin, na nun theihnak tuk uhin Pathian nelah ngen leleng ung hi. A huham i thawmin, na deih uhmi hempoh cu phatnak lamah kimtikin, na upnak uh hangin nadehnak uh cu amah in pitungtik tahen.

2 THESALON 3:4

Nangmuh ka muansannak lungmu cu Topa in pia in, ka zilh uhmite atu zui in mailam hun hei ah zui tuk uh ci tin um ung hi.

FILEMON 1:21

Hi lai ka ngat laihin, ka ngetmi bawl tuk ci tin um ing. Ka ngetmi sangin tam saw bawl tuk ci tih thei ing.

HEBRU 10:35

Mah hangin thinkham pahsuh unna, ngalphatnak na neih uhmi paitik pahsuh un, laksawng ngengpi ngah tuk uh ci.

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

2 PETER 3:10

Mahnaven Topa i Ni cu phawhkhak ngawl pi in, nguca bangin heng tuk hi, mah ni ten van cu thum dudumin, paithong haw tuk a, van a ummi ni le aksi le hade vang kangin, sia khawng haw tuk hi, mahten leipi hum a ummi na hempoh pai khawng tuk hi.