FILIPI 1:29 - Ngawm Bible

²⁹ Khrih na upnak uh bekah hi ngawlin ama ca na thuaknak uhah covo sepmi na hih uh hi, mi bawngpha hi uh ci.

FILIPI 1:29 Iomraidhean Croise

MATTHAI 16:17

Jesuh in, “Bar Jonah i capa Simon mi bawngpha hi ci: Itahim titale hi thuman hi mihing lak pen na ngahmi hi ngawlin vancung a um ka Pa i theihtikmi hi.

NUNGZUITU 14:22

Thu umtute thapia thah pepelin, upnak sungah muantak zetin um tukin so pepel haw hi. “Pathian Uknak sungah a tum tukmi ahi uh tale haksatnak tampi a tawh tuk hihim uhmi hi,” tin zilh pepel haw hi.

NUNGZUITU 14:27

Antiok khua a hen haw ten pawlpi mite cu hulawmin, Pathian in amuhte a mandan le Gentail mite Pathian thu um tukin lampi a honsaknakte hilh haw hi.

NUNGZUITU 5:41

Nungzuitute cu khonsil upa tei lak pen a tul haw ten lungdamzet haw hi; Itahim titale Jesuh min hangin minsiatnak thuak tukin Pathian i teksa hi tin ngaisung haw a hih hangin lungdam mahtak haw hi.

ROM Khua Khristian Tei Lakah Paul i Laikuat (Paul’s Letter to the Romans) 5:3

Haksatnak a thuak uh hei ten lungdam leleng hung hi; itahim titale haksatnakin thuak theihnak hengtik hi.

EFESA 2:8

Itahim titale nohte cu Pathian i hehpihnakin nunpatmi hi uh ci a, mah nunpatnak cu amah na upnak uh i hangin na ngah uhmi hi. Hi nunpatnak na ngahnak uh i hangin kuamah tuangkhawng tukmi hi ma hi, itahim titale a deh a bawl theihnak haw hangin ngahmi kha ma hi, Pathian i laksawng hi.

KOLOSE 2:12

Itahim titale tuiphumnak na ngahnak uhin, Khrih tuah vui langkhatmi hi uh ci, mahten tuiphumnak na ngah uhten thihnak pen Khrih a tholehtiktu Pathian huham cahnak mual na neihnak uh i hangin Khrih tuah thawhtikmi hi bok uh ci.

JAMES 1:2

U le naute nangmu lakah haksatnak a phunkim a hen ten mi bawngpha hung tin ngaisung un.

1 PETER 4:13

Khrih i thuaknak a thuakmi na hih uh hangin lungdam saw un hi; mahtibang na bawl uh tale, a sunloihnak a lang ten nohte cu lungdamnak tuah dim tuk uh ci.