FILIPI 1:27 - Ngawm Bible

²⁷ Atu-in, a thupimi cu Khrih Thuthangpha i deihnak bangin na nundan uh cu ahi thei ahin, nangmuhte ka tawk vang ka tawk thei ngawl vangin hihen, tuptahmi pa khatah khozet dingin Thuthangpha i ca in munkhatah thinkhatno in ngaldo langkhat uh ci tih cu thei ing.

FILIPI 1:27 Iomraidhean Croise

1 KHANGSIALNAK 19:12

Joab in Abishai lakah, “Siria ngalkap ten kei a neh haw tale hu bawmin hi. Ammon ngalkap ten nang a neh haw tale bawm tung hi.

SAAM LABU 122:3

Jerusalem khuapi cu mawitik lehmi le leplehmi hi.

SAAM LABU 133:1

Pathian mihingte unau bangin munkhat a, um langkhat hi, itih zahin pha in, nop him?

THUPAUCAP 22:23

Itahim titale Topa in, a thu haw panpih tuk a, Amuhte a siatsuahtu tei nunnak cu siatik tuk hi.

JEREMIAH 32:39

A nunnak haw a, a tuptah haw mi ah kumkhua in keimah cu upatnak pia haw tuk hi.

MATTHAI 12:25

A lungmu sung hawah a ngaihsut haw mi cu Jesuh in, a theih ten amuh tei lakah, “I lai ngam hei ah hihen khendunin, mah le mah a dodunmi cu ngei phat haw tukma hi. Khuapi hei hihen, innkua hei hihen, khendunin mah le mah a dodunmi cu khenkek khawng haw tuk hi.

NUNGZUITU 2:46

Ni khat nung ni khat Biakinn sungah tawkdun khawm haw in; a inn hawah ante kawmin, niamkhiatnak le lungdam thatuino in, ei langkhat haw hi.

NUNGZUITU 24:24

Ni dawm ngei nungten Felix cu a zi Drusilla tuah hung haw hi. Drusilla cu Judah mi hi. Paul cu a sam ten Paul in, Jesuh Khrih upnak thu khi hilhmi cu ngai haw hi.

NUNGZUITU 4:32

Thu umtute cu lungmu le ngaihsutnak luallemzetno in umlangkhat haw hi. Kuamah in, a neihmi thilte cu ka bulta hi, tin ti haw ma hi; a neih haw hempoh khi pa khat le pa khat mang kawmdun haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:16

Thuthangpha cu zahcak pih hihim mang hi. Itahim titale Pathian i huham hangin umtu hempoh ten nunpatnak ngah haw hi. A masa in Judah mitei ca hi, mahten Gentail mitei ca hei hi bok hi.

ROM Khua Khristian Tei Lakah Paul i Laikuat (Paul’s Letter to the Romans) 1:5

Khrih Amah hangin mite sangin a thu a zui theihnak haw tukin Pathian in nungzuitu hihnak covo keimah pia hi.

ROM Khua Khristian Tei Lakah Paul i Laikuat (Paul’s Letter to the Romans) 1:9

Ama Capa i Thuthangpha cu ka lungmu hempoh tuah hilhin, a na ka deh mite cu man hi tin Pathian in theihpih hi. Thu ka nget sial ten nangmuhte phawkngil awng mang tih cu Pathian in thei hi.

ROM Khua Khristian Tei Lakah Paul i Laikuat (Paul’s Letter to the Romans) 10:8

A hilhmi ngangai cu, “Pathian i phuanmi thu cu na elah um, na mukah umin, na lungmu ah vangin um,” ti hi. Mahmi cu ka phuan uhmi upnak i thu hi.

ROM Khua Khristian Tei Lakah Paul i Laikuat (Paul’s Letter to the Romans) 15:16

Gentail mite cu Pathian nelah cosan takmi biakpiaknak bang a hihnak haw tukin le Hawvang Thiangtho i thawmin Pathian lakah apmi a hihnak haw tukin Pathian lak pen a hengmi Thuthangpha ka phuan ten thiampi bangin dek ing.

ROM Khua Khristian Tei Lakah Paul i Laikuat (Paul’s Letter to the Romans) 15:29

Nangmu lak ka hen ten Khrih i thupha muicu cangkim cu sel thei tung tih thei ing.

1 KORIN 1:10

U le naute aw, nangmu sungah khenkheknak um tuk ngawlin na lungmu uh ailemno in um un, tin a Topa uh Jesuh Khrih minin ngen ing. Lemdunzet le lungmu munkhatno in tuptahnak bangtenno in, na um un.

1 KORIN 15:58

Mah hangin ka ihmi u le naute, lum thong tuk ngawlin khozet ding un. Pathian na cu sonbang tuk ngawlin dek leleng un. Topa i nadeh cu thawnthong awng ma hi tih cu thei uh ci.

2 KORIN 13:11

Atu-in u le naute damno in um zal un. Cangkimzet tukin zuam un. Ka ngetnakte khi ngai un, pa khat le pa khat thinkhat le lemdunno in um unna, itdunnak le lemdaihnak Pathian cu nangmuh tuah um kawm tuk hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

2 KORIN 9:13

Hi na nadehnak uhin, a langciangtik hangin Khrih i Thuthang na pom uhte khohkhah zetin, na din theihnak uh hangin hihen, na bop uhmi le midangte tuah phal zetin, na neih uhmi na piak kawmnak uh hangin hihen mi tampi ten Pathian nelah lungdam thu hilh haw tuk hi.

GALATI 1:7

Thuthangpha a dang, a um ngangai hangin ka tihnak hi kha ma hi; na lungmu uh a nautiktu le Khrih i Thuthangpha thek tum litu mihing a um haw hangin ka tihmi hi.

EFESA 1:13

Nangmu lakah nunpatnak a hentu Thuthangpha a manmi thuthang cu na zak uhten nangmuh vang Pathian i mihing bok uh ci. Khrih sungah um uh ci a, Pathian in amata na hihnak uh langtiknakin nangmu humah melciknak pia hi; mahmi melciknak cu pia tukin a tepsami Hawvang Thiangtho khi hi.

EFESA 1:15

Topa Jesuh na upnak uh le Pathian i mitei hum a itdunnak na neih uh ka theih pat tung pepan,

EFESA 4:1

Topa i nadehnak hangin thawngta mi keimah in; Pathian sapmi na hih uh bangin na nunnak uhah Pathian sammi na hihnak uh langtik un, tin so ing.

FILIPI 1:5

Itahim titale thuthangpha nadehnakah a pat pepan, tuni tian nohte cu keimuh bawm lelengtu hi uh ci.

FILIPI 2:12

Mah hangin, ka ihmi ngualcamte aw, nangmu lak ka umlaih a, ka thu na man leleng uh bangin le mah sangin a thupi saw laihmi cu nangmu lak ka um ngawl vangin ka thu na zui tuk uh khi hi. Nunpatnak cangkim na ngahnak tukin upat le lauthawng thahno in dek li poh un hi.

FILIPI 2:24

keimah loli nangmu nelah heng palleh thei tung tin Topa muannak tuah um ing.

FILIPI 3:18

Hi thu hi a laih ngawlin vei tampi hilh ham zo naveng atu-in hitui tuah notleh tung hi; mi tampi cu a nundan haw in, Khrih thinglamtehah thihnak ngalin cang haw hi.

FILIPI 3:20

Mahnaven a ngam ngangai uh cu vancung khi hi a, eimuhte a Pantu, Topa Jesuh Khrih vancung pen a hun tuk khi ngak hung hi.

FILIPI 4:1

Ka ihmi u le naute aw, nangmuhte ngaizet ing. Nohte hi keimah nemtu hi uh ci, ka ultunnak sui lukhuh hi uh ci. Ka ihmi u le naute aw, hi bangin Topa i sungah na nunnak uh cu khoh zetin ding lelengta un.

KOLOSE 1:10

Mahten Topa i deihnak bangin nung thei tuk uh ci, amah lungdamtik leleng thei tuk uh ci. Mahten na nunnak uhin ngah pha a phunkim ngah tuk a, Pathian na theihnak uhah khangto pepel tuk uh ci.

KOLOSE 1:4

Ita lungdamnak thu hilh kam ung titale Khrih Jesuh na upnak uh le Pathian i mihing hempoh tei lakah itnak na neih uh khi ka zak uh hangin hi.

1 THESALON 3:6

Atu-in Timote cu hengin upnak le itnak nei uh ci tihmi thupha sel hi. A son phatnak thu kohten ka muh nuam uh bang bokin nangmuh hei in mu nuam bok tuk uh ci, tih thu hilh bok hi.

1 THESALON 4:1

A dawlbelin, ka u le ka naute aw, Pathian i deihdanin, na nun theihnak tuk uhin, itin nuntuk tih cu keimu lak pen cung zo toh uh ci. Mahtin na nun sesem theihnak tuk uhin, Topa Jesuh i minin sosuah ung hi.

1 TIMOTE 1:11

Mahti bang zilhdunnak cu keima lakah theitik tukin a zilhmi Thuthangpha umin, mah Thuthangpha cu sunloih le upatmi Pathian lak pen a hengmi hi.

1 TIMOTE 1:19

lungmu thiang nei in, na upnak khohtikin hi. Mi khenkhatte cu a sia le pha khen theihnak thu a ngaih nuam haw ngawl hangin a upnak haw siatik mek haw hi.

2 TIMOTE 4:7

Tai zuamnakah a tawpnak tian tai zo ing. Ka upnak vang hah suah ngawlin khimzet len zo ing.

TITUS 2:10

Mahten nate vang ngu haw pahsuh hen. Mipha a hihnak hawleh muantak a hihnak haw langtik saw haw tahen na, mahten a bawl haw mi hempoh ah nunpantu a Pathian uh thu a zilh uhmi humah thangphatnak hengtik haw tuk hi.

FILEMON 1:5

Itahim titale, Pathian mihingte na itnak le Topa Jesuh na upnak thu za ing.

JAMES 3:18

Mahten lem bawltu tei lemdaihnak tuah a cinmi anci pen a lak haw mi a ngah cu phatnak hi.

2 PETER 3:11

Hitih bangin ihempoh a siat khawng tuk hangin na nunnak uh cu a thiangthomi, Pathian nelah piak tukmi hihen hi.

2 PETER 3:14

Mah hangin ka ih mite mah Ni na ngak lih uh laihin, Pathian mai ah sualnak nei ngawl le a thiangmi hi tukin zuam unna, amah tuah a lemdunmi hi un.

JUDE 1:3

Ka ihmi u le naute aw, a venghawng uhin, a pom ten uhmi nunpatnak thu hi ka theihzahno in, nangmu lakah lai tuah ngan ing hi; Pathian in, a mihing tei lakah kumkhua phaat tukin a piakmi upnak thu ah thasuahin tang unna, zuam un tin, a dang saw deuhin, sosuah nuam ing.