FILIPI 1:11 - Ngawm Bible

¹¹ Jesuh Khrih bek i piak theihmi ngamtat pha ngangai cu na nunnak uhah dim tuk a, mahmi cu Pathian thangphatnak le sunloihnak tukin hi.

FILIPI 1:11 Iomraidhean Croise

SAAM LABU 1:3

Amah cu lui tui luang mawk a, po mi thingkung, a hunkim ten ngah a ngahmi le a cehte a thim awng ngawlmi bang hi. A dehmi hempoh ah pitung tuk hi.

ISAIAH 5:2

Lei cekin, suangte teng khawng limlem, Sabit kung phabelte phut. Huan cinnak tukin buk sa in, Sabit ngawinak tukin kua co hi. Sabit ngah mintuk ngak hi, mahnaven a sabit ngahte cu a venghawngin thuk khawng hi.

ISAIAH 60:21

Na miten a manmi bawl haw tuk a, hi ngam cu a kumkhua in luah haw tuk hi. A venghawng haw humah ka thawm ngengnak langtik tukin ka phutmi le ka bawlmi hi haw hi.

ISAIAH 61:11

A thammi um ngawlin a poto mi le a khangto mi anci bangin Topa in, a mite cu pan tuk hi. Topa cu miphun hempohin thangphat haw tuk hi.

ISAIAH 61:3

Zion pen a tauli tei lakah thasiatnak ai-in, lungdam thatuinak Khaw-ngaihnak ai-in, thangphatnak la hentu tukin keimah hah zo hi. Topa ama phutmi thingkung bang hi haw tuk hi. A venghawng haw in, a manmi bawl haw tuk a Pathian cu a thil bawlmi hangin thangphat hi tuk hi.

MATTHAI 5:16

Mahtibang bokin na vaknak uh cu mitei mai ah vaktik saw unna, thilpha na bawl uhmi amuh haw ten van a ummi na Pa uh thangphat haw tuk hi.

JOHAN 15:16

Noh ten keimah teng kha ma uh ci. Keimah in nangmuhte teng saw ing hi. Mah hangin ka minin, na nget uhmi hempoh pa in pia tuk hi.

JOHAN 15:2

Ngah a ngah ngawl a kung hempoh cu talh khawngin, ngah a ngahmi a kungte cu tam sesemin, a ngahnak tuk thiang siuhseuhno in bawl hi.

JOHAN 15:8

Noh ten ngah tampi na ngahnak uh i hu le thawm hangin ka Pa i sunloihnak na langtik uh hangin ka nungzuitu na hih theihnak uh hi.

ROM Khua Khristian Tei Lakah Paul i Laikuat (Paul’s Letter to the Romans) 15:28

Hi nadeh cengin, amu ca piakmi sumpi kimno in amu khut sungah ka ap celh ten Spain ngam hawh tukin tul tung a, nangmu lakah leng vawk thah tung hi.

ROM Khua Khristian Tei Lakah Paul i Laikuat (Paul’s Letter to the Romans) 6:22

Mahti bangin thil sual i thaman cu thihnak hi! Mahnaven atu-in sualnak pen luattik hi zo uh ci, Pathian i sila in cang zo uh ci. Na met uhmi cu Pathian nelah nunnak na ap khawng uhmi nunnak thiang hi, mahmi i a suahpihmi cu kumkhua nunnak hi.

1 KORIN 10:31

Hi zuh hi; iti bang nate na bawl uh hei in, na eih uhten hei hihen, na in uhten hei hihen, a venghawngin Pathian sunloihnakin bawl un hi.

2 KORIN 9:10

Mahten pawi tuk anci a piatu le eih tuk an a piatu Pathian in, na kul uhmi anci hempoh pia tuk hi. Mahten phal zetin, na piak uh hangin na ankungte uh vang khangtikin, an tampi ngah tuk uh ci.

EFESA 1:12

Mah hangin Khrih sungah muansannak a nei masabeltu oh ten Pathian nelah sunloihnak pia nung hi.

EFESA 1:14

Pathian in, a mitei lakah a tepsami ngah loli tuk hung tih langtiknakin, mah Hawvang Thiangtho cu thutepnak na hi. Mihing tei lakah luatnak cangkimin pia tuk tih a theihciannak uh hei hi bok hi. A sunloihnak cu thangphat hi tahen.

EFESA 2:10

Ohte cu Pathian i bawlmite hung a, eimu ca in, a tuptahsami thilpha cu bawlsak tukin Khrih Jesuh tuah a pehzopnak uh i hangin semsuah thakmi hi zo hung hi.

EFESA 5:9

Itahim titale phatnak phunkim, dikcangnak le thutak a piangtiktu cu vaknak hi.

FILIPI 4:17

Ka deihmi cu na laksawng uh ngah tuk bek hi kha ma hi; nangmu cazin sungah a met um bok hen tih hi lak nuam ing.

KOLOSE 1:10

Mahten Topa i deihnak bangin nung thei tuk uh ci, amah lungdamtik leleng thei tuk uh ci. Mahten na nunnak uhin ngah pha a phunkim ngah tuk a, Pathian na theihnak uhah khangto pepel tuk uh ci.

KOLOSE 1:6

Pathian i hehpihnak na theih masakbel ni uh pepan atu tian, Thuthangpha in muicu cu nohtei lakah henpihin leihum khua hempoh ah zaitik hi.

2 THESALON 1:12

Mahten Topa Jesuh min cu, nangmu lak pen sunloihnak ngahin, Pa Pathian le Topa Jesuh Khrih i hehpihnak thawmin nangmuhte vang sunloihnak co bok tuk uh ci.

TITUS 3:14

A mihing uhte cu na pha bawlnakah a hun le can haw mang haw hen; mahtin a bawl haw tale, a kulnakah mi bawm thei haw tuk hi. Muantak ngawlin umthong tukmi kha ma hi.

HEBRU 12:11

Dantatnak a thuak laihtak uhin, a lung uh damtiktu hi ngawlin thasiatiktu hi. Mahnaven dawllam ten mahtih bangin dantatnakin nunhilhnak a tawktute cu a nunnak hawah diknak le lemdaihnak laksawng ngah haw tuk hi.

1 PETER 2:12

Pathian a um kha ngawl tei lakah zohteh tak tukin nung unna, phat ngawlnak a bawltu tin sual a nawn haw hei in, na ngamtat phatnak uhte mu in, Pathian a hunleh ni ten amah cu thangphat haw tuk hi.

1 PETER 2:5

Nangmuhte vang hung bok unna, a nungmi suang bangin Hawvang biakinn saknak tuk Pathian i manmi suang hi un. Mahlai ah thiampi thiangtho nadeh dek tuk uh ci; co takmi Hawvang biakpiaknak khi Jesuh Khrih hangin Pathian nelah pia tuk uh ci.

1 PETER 2:9

Mahnaven nohte cu tensa miphun, Kumpipa i thiampi, miphun thiangtho, Pathian i miphun hi uh ci. Khuathim sung pen thasiahhuai vaknak sungah a samtu Pathian in nalamdang a bawlmite tangau pih tukin a tenmi hi uh ci.

1 PETER 4:14

Khrih nungzuitu na hihnak uh hangin miten a zawnsak haw tale na lungdam un; Itahim titale Hawvang sunglawi, Pathian Hawvang cu nangmu humah um tihnak hi.