FILIPI 1:1 - Ngawm Bible

¹ Khrih Jesuh i sila Paul le Timote in, Khrih Jesuh tuah a pehzommi Filipi khua a Pathian i mihing tei lakah le nangmu pawlpi sung a lamhuaitu le bawmtu tei lakah laikuat ung hi.

FILIPI 1:1 Iomraidhean Croise

MARKA 13:34

Ituah bangve hum ti ahin, mi pa khat cu khualzintuk tulin a umlawhte khi a nadeh haw tuk celzet le kim zetin thupia in, kongka cingtupa vang hihbu sung ngawlin, kongka cingtiktu inn neitu pa bang hi.

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

NUNGZUITU 1:20

Peter in, “Itahim titale Saam laibu sungah, ‘A inn cu thacang henna, a sungah kuamah um haw ma hen,’ tin ngatsami um hi. Mahten mundangah, ‘Midang ten a nadeh cu la haw hen,’ tin um bok hi.”

NUNGZUITU 20:28

Mahti bang a hih hangin nangmuh le nangmuh cingkhawi thiam unna, Hawvang Thiangtho in, na khut sung uhah a koihmi tuuhon khi phano in cingkhawi un hi. Pathian in, a Capa i thihnak i hangin amata in, a bawlsami Pathian i pawlpi cingkemtu na hita un!

NUNGZUITU 9:13

Ananias in, “Topa, hi pa i thu hi mi tampi ten hilh li zo haw toh hi, Jerusalem khua a, na mihing tei humah thilpha ngawl a bawl lihte vang hilh haw hi.

ROM Khua Khristian Tei Lakah Paul i Laikuat (Paul’s Letter to the Romans) 1:1

Pathian in, a Thuthangpha phuangtu tukin a tiikmi le a tenmi, Khrih Jesuh i sal, nungzuitu keimah Paul in laikuat ing hi.

ROM Khua Khristian Tei Lakah Paul i Laikuat (Paul’s Letter to the Romans) 1:7

Mah hangin Rom khua a um Pathian i ihmi le ama mihingte hi tukin a sammi na venghawng uh lakah hi laikuat hi ngan ing. Pa Pathian le Topa Jesuh Khrih in hehpihnak le lemdaihnak cu nohte pia tahen.

1 KORIN 16:10

Nohtei lakah Timote a heng tale phano in, na zo un. Itahim titale amah vang keimah bangin Pathian nadektu hi.

2 KORIN 1:1

Khrih Jesuh nungzuitu, Pathian i lungkimin tenmi, keimah Paul le a unau pih uh Timote in Korin Khua ummi Pathian i pawlpite le Akhaia ngamsung a khua hempoh ah a ummi Pathian i pawlpi hempoh na venghawng uh lakah laikuat ung hi.

GALATI 1:10

Hitih bangin ka tih ten mihing tei lungkimnak a zei li bang ing maw? Ka tupmi cu mihing tei lungkimpihnak hi ma hi, Pathian i lungkim pihnak saw hi. Mihing tei thangphat tuk zei ing maw? Mihing tei mai ah minphatnak zei ka hi tale Khrih i nadektu hi tuk mang hi.

GALATI 3:26

Upnak hangin na venghawng uhin Pathian i cate hi uh ci a, Khrih Jesuh tuah pehdun zo uh ci.

GALATI 3:28

Mah hangin Judah mi le Gentail mi tin deidat dunnak umleh ma toh hi; sal le a luatmi, numei le pano ah hei hihen deidat dunnak umleh ma toh hi. Na venghawng uhin Khrih Jesuh tuah pehzop dunnak sungah pa khat hi uh ci.

EFESA 1:1

Pathian i lungkimnak bangin Khrih Jesuh i kamtai keimah Paul in Efesa khua ah a ummi Pathian i mite, Khrih Jesuh tuah na pehzop dunnak uhah muantakin, a nungmi, nangmu lakah hilai hi kuat ing.

EFESA 1:15

Topa Jesuh na upnak uh le Pathian i mitei hum a itdunnak na neih uh ka theih pat tung pepan,

EFESA 6:24

A catngawlmi itnak tuah a Topa uh Jesuh a ittu na venghawng uh lakah Pathian hehpihnak cu kho zal tahen.

FILIPI 2:19

Pathian i lungkimnak ahi tale, na thu la uhte ka theih ten tha ngah tung tin muansannak ka neih hangin a ngei ngawlin Timote cu noh tei lakah hawhtik nuam ing hi

FILIPI 2:5

Na lungputdan uh cu Khrih Jesuh i lungputdan bangin hihen.

FILIPI 3:12

Hitih bangin ka tih ten, heng tukin ka tuptahnak lamah heng zo ing ka tihnak hi ma hi; cangkim zo ing ka tihnak hei kha ma hi. Khrih Jesuh in ama ca in, a mat ngah zo toh hangin keima ca a koihmi zuam man laksawng co tukin mailamah a nawt li mi ing.

FILIPI 3:3

Amuhte hi ngawlin eimuh saw lehlam hi a manmi vunceptalhnak a cotu hi saw hung hi; itahim titale Hawvang i hangin Pathian bia hung a, a nunnak uh cu Khrih Jesuh tuah a pehzop uhnak hangin lungdamnak dim hi. A pualam bawlnak i humah imah muan tuk nei ma hung.

FILIPI 3:8

Hi thil bek hei kha ma hi; thildang hempoh hei hi ihempoh sangin a sunglawi saw mi ka Topa Khrih Jesuh ka theihnak hangin sunnak tawp khawk, tin ngaisung ing.

1 THESALON 1:1

Paul, Silas le Timote, Thesalon khua a ummi pawlpi, Pa Pathian le Topa Jesuh Khrih i ta a himi, nangmu lakah laikuat ung hi. Pathian hehpihnak le lemdaihnak cu noh tei lakah um zal tahen.

1 THESALON 2:2

Thesalon khua ka hen uh laih ngawlin Filipi khua ah bawlsiatnak le zotsaknak tawk zo ung tihte vang thei uh ci. Mahti bangin dodalnak tampi um naven Pathian in ngalhannak pia in, ama Thuthangpha cu nangmuh tei lakah phuang ung hi.

2 THESALON 1:1

Paul, Silas le Timote ten Thesalon khua a ummi pawlpi, ohtei Pa Pathian le Topa Jesuh Khrih ta a himi, noh tei lakah laikuat ung hi.

2 THESALON 1:10

a hunleh ni ten a muhte cu a huham sunloihnak le Topa i mitmai mu tuk ngawlin, hawlvawk haw tuk hi. Mahten nohte cu nangmu lakah ka phuan uhmi Thuthangpha na up uh hangin Topa a sunloihtu le upatnak a piatu tei lakah tel bok tuk uh ci.

1 TIMOTE 1:2

upnak sungah ka capa ahi ngangai mi Timote na lakah laikuat ing. A Pa uh Pathian le a Topa uh Jesuh Khrih in hehpihnak le lemdaihnak thupha pia zal tahen.

1 TIMOTE 3:8

Pawlpi upa cu ziaza pha neimi le lungmu manmi hihen, zu a in ngawlmi le tangka lamah hampum leita mi hi haw ma hen.

TITUS 1:1

Pathian nadektu le Jesuh Khrih kamtai palai keimah Paul in laikuat ing. Pathian in, a tenmi a mihing tei umnak haw kho deuhtik tukin le eimu biaknak thudik sungah pui tukin, Pathian in tengin hah hi.

TITUS 1:7

Itahim titale pawlpi lamhuaitu cu Pathian na dehvo a neitu a hih hangin mawhsiatnak tuk a nei ngawlmi hihen; mi pualthau le mi thincom, zukham misil, mi ngilo le sum deih leita mi hi ma hen.

FILEMON 1:1

Khrih Jesuh hangin thawngta mi keimah Paul le a unau uh Timote ten a ngualcam uh le ka nadehpih uh Filemon le,

HEBRU 13:23

A unau uh Timote cu thawnginn pen suakleh zo toh hi tih khi theitik nuam ing. A heng man tale nangmuh tawk tukin ka hun ten pui thah tung hi.

JAMES 1:1

Pathian le Topa Jesuh Khrih i sila keimah James in leihum khua hempoh ah a lengkekmi Pathian mihing nangmuh tei lakah laikuatin nuksat ing.

1 PETER 2:25

Lampaimi tuu bangin lampai zo uh ci; mahnaven atu-in nangmu hawvang khaltu le cingkhawitu Topa i lakah kihlehtikmi hi zo uh ci.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

MANGMUHNAK 1:1

Hi thu hi Jesuh Khrih i phuanmi hi: A hengpal tukmi nate, a sila tei lakah langtik tukin Pathian in, a lakah a phuanmi hi. Mahmi cu Khrih in, a vancungmi pa khat hahin, a sila Johan lakah a theihtikmi hi.

MANGMUHNAK 1:20

Ka taklam khut a na muhmi aksi salih le sui meivaknak salih tei sullam thu-ip cu hitih bangin hi. Aksi salih cu pawlpi salih tei vancungmite hi haw a, mei vaknak salih cu pawlpi salih hi haw,” ti hi.

MANGMUHNAK 19:10

Mahten amah bia tukin a ke bulah kun ing; mahnaven amah in, “Mahtin kun pahsun, kei vang nangmah bangbokin, a nadektu ing hi. Jesuh i phuanmi thutak a pom ngahtu na unaupih tei lak pen pa khat hi bok ing hi; Pathian bek biak tukmi hi,” ti hi. Profette lungthotiktu cu Jesuh i phuanmi thutak khi hi.

MANGMUHNAK 2:12

“Pergamum pawlpi i vancungmi lakah hi bangin nganin hi. “Namsau lang nih hiam neitu i thucahmi cu hi bangin hi.

MANGMUHNAK 2:8

“Smyrna pawlpi i vancungmi lakah hi bangin nganin hi. “A bulpatnak le tawpnak, thi naven a nunglehmi i thucahmi cu hi bangin hi.

MANGMUHNAK 22:9

Mahnaven amah in, “Bia pahsun! Kei hei nangmah bangin le na unau profette le hi laibu sung a ngatmi thu a zuitute bangin Pathian i nadektu hi bok ing hi. Pathian bia saw in hi,” tin ti hi;