FILEMON 1:22 - Ngawm Bible

²² Mah i humah inndat pa khat vang koihsak hamin hi. Itahim titale Pathian in, na venghawng uh i thungetnak cu sangin, nangmu lakah hengtik leng tuk hi tin muansannak nei ing.

FILEMON 1:22 Iomraidhean Croise

NUNGZUITU 27:24

‘Paul, lau pahsun hi, Rom kumpipa i mai ah na din kul hi! Pathian na humah a phat hangin nangmah tuah a hawhtute cu pa khatno hei thi ngawlin a nunnak haw khawih khawng tuk hi,’ tin ti hi.

NUNGZUITU 28:23

Mah hangin Paul tuah a ni khiahdunin, Paul i umnakah mipite hung haw hi. Zing pen taklam tian, Pathian Uknak thu cu hilhciang a, Moses Daan laibu sung pen profet tei laingat mite la in, Jesuh i thu khi a lungmu sung hawah a tum tukin hilh hi.

ROM Khua Khristian Tei Lakah Paul i Laikuat (Paul’s Letter to the Romans) 15:24

tu tum cu nangmuh tawk tukin ngaisung ing. Spain ngam ka hawh ten tawk thah vawk nuam ing a, nangmu lakah huncan dawmlaih ka man ceng ten, mahlai a hawhnak tukah vang na bopleh tuk uh deih ing.

2 KORIN 1:11

Pathian humah muannak nei ung hi. Mahten keimu ca na thungetnak uhte cu Pathian in sangin, thupha pia tuk hi. Mahten keima ai-in mi tampi ten Pathian nelah lungdam thu son haw tuk hi.

FILIPI 1:19

Itahim titale nangmu thungetnak le Jesuh Khrih i Hawvang lak pen a hengmi bopnak i thawmin miluat hi tung tih cu thei ing.

FILIPI 2:24

keimah loli nangmu nelah heng palleh thei tung tin Topa muannak tuah um ing.

HEBRU 13:19

Nangmu lakah Pathian in, a henleh paltik theihnak tukin, nasezetin thungen un, tin kun ing.

HEBRU 13:23

A unau uh Timote cu thawnginn pen suakleh zo toh hi tih khi theitik nuam ing. A heng man tale nangmuh tawk tukin ka hun ten pui thah tung hi.

JAMES 5:16

Mah a hih hangin na sualnak uhte pa khat le pa khat phuangdun unna, thungen langkhat un. Mahten damnak ngah tuk uh ci. Midik tei thungetnak cu mual nei hi.

2 JOHAN 1:12

Son tuk tampi nei ing; mahnaven lai le laitui tuah hilh tuk mang. A lungdamnak uh a cangkim theihnak tukin nangmu lakah zinin bulpak otpih nuam ing.

3 JOHAN 1:14

Zinleh paih tukin ngaisung ing, mahten cangcian zetin hilhleh tung hi.