FILEMON 1:16 - Ngawm Bible

¹⁶ Atu-in sila hi tih tuk hi lehma toh hi. Sila hi ngawltohin, Khrih sungah itmi unau hi zo hi. Ka ca in manpha zetmi hi. Nangmah vangin sila a hih bek hi ngawlin Topa sungah unau a hih zo hangin deih sesem tuk ci.

FILEMON 1:16 Iomraidhean Croise

MATTHAI 23:8

Mahnaven noh ten, ‘Sazapa’ tin, a sam haw tuk nuam pahsuh un! Itahim titale nohte cu unau noh ten hi uh ci, ‘Sazapa’ tin na sam tuk uh Khrih pa khat bek nei uh ci.

NUNGZUITU 9:17

Mahten Ananias cu hawh a, Saul i umnak innah tumin, Saul i lu humah a khutnga in, “Unau pa Saul, hilai lam na hun laihin, lampi pen nangma lakah a langmi Jesuh Topa amah loli in, na lakah tiik hi. Khua na muhleh theihnak tukin le Hawvang Thiangtho tuah na dim theihnak tukin nangma lakah tiik hi,” ti hi.

1 KORIN 7:22

Itahim titale Topa i sammi sal cu Topa i mi suakca hi. Mahti bang bok lelengin mi suakca sa Khrih i sam mite cu Khrih i sal hi.

KOLOSE 3:22

Silate, ihempoh ah na Topa tei thu ngai un hi. A mitmuhnak haw bekah a lung haw kim hen tin, a thu haw ngai ngawlin; Pathian na launak uh saw ah, na lungmu ngangai uhin, a thu haw ngai un hi.

1 TIMOTE 6:2

A to haw cu Khristian ahi tale sila ten, “Khristian a unau ten poh ung,” tin zawnsak haw pahsuh hen. A nadeh haw pha sesemin, a deh haw tuk saw mi hi. Itahim titale a nadeh haw mi nemcuamnak a cotu cu a ih haw mi thu umtute haw hi. Thu na hilh uhten hitih bangte hi hilh un hi.

HEBRU 3:1

Pathian i sambokmi Khristian unaupihte, eimu upnak ca in, Thiampi Sang hi tukin Pathian i tiikmi Jesuh i thu hi ngaisung hem un!

1 JOHAN 5:1

Kua hei hihen, Jesuh cu Khrih hi tin, a umtu cu Pathian ca hi. Kua hei hihen Pa a ittu in, a cate vang it hi.