DANIEL 9:9 - Ngawm Bible

⁹ Na humah langpang phun ka hi uh hei in, kohte cu ngaidamin hehpih ci.

DANIEL 9:9 Iomraidhean Croise

2 Samuel 24:14

David in, “Ka ngaihsut hakzet ing! Mihing khut sung hen sangin Topa i khut sungah hen saw nang. Itahim titale Topa cu mi hehpih thiam hi,” ti hi.

1 KUMPI 8:30

Keimah hihen, ka mihingte hihen, hi munah thu ka nget uhten hu ngai zalin hi. Vancung na umnak pen hu ngai inna, kohte cu thei in, ka sualnak uhte ngaidam zalin hi.

NEHEMIAH 9:31

Mahnaven na hehpihnak a ngeng hangin, lawlthong ngawlin le siatsuah khawng ma ci; Nang cu hehpihnak neitu Pathian hi ci!

SAAM LABU 130:4

Mahnaven ka sualnakte ngaidam ci; Mah hangin nangmah upat tuk ung hi.

SAAM LABU 130:7

Israel, Topa cu muangin; Itahim titale a ihnak cu khel awng ma hi; mi pat nuamnak vang nei leleng hi.

SAAM LABU 62:12

A mi ihnak cu kheel awng ma hi. Topa aw, mi hempoh cu a dehnak haw bangin a dehman haw pia ci.

SAAM LABU 86:15

Maw Pathian aw, nang cu itnak, hehpihnak tuah a dimmi Pathian hi ci. Thinsau in hehpihnak nei leleng tu hi ci. Mi hehpihin muantak hi ci.

SAAM LABU 86:5

Maw Topa nang cu pha in misual ngaidam ci; Na nelah thu a ngentu tei ca in itnak tuah dimtik ci.

ISAIAH 55:7

Mipha ngawl ten a ziaza haw zamin, a ngaihsut dan haw khel hen. Topa a Pathian uh i lakah kikleh haw henna, ngaidam paih zen tuk hi. Amah cu mi hehpihtu hi.

ISAIAH 63:7

A pelh awng ngawlmi Topa i itnak thu son tung hi; Eimu ca a dehnak hangin amah cu thangphat ing. A hehpihnak le a thek awng ngawlmi a itnak i hangin Israel mite cu cangkim zetin thupha pia hi.

JEREMIAH 14:7

Ka mite ka lakah au haw, ka sualzet uh hei in, na thutep bangin, Topa bawm zazalin hi. Na lak pen vei tampi tai zo ung a, na humah sual leita zo ung.

EZEKIEL 20:13

Mahnaven phillawn ngam sungah vang keimah langpang leleng haw hi. A zuitu tei lakah nunnak a hengtiktu ka daante siatsuahin ka thupiakmite lawlin Sabbath ni palcat haw hi. Phillawn ngamah ka thinuknak nasezet a thuak hawnak tukin le amuhte siatsuah tukin ngaisung zo ing.

DANIEL 9:5

“Kohte cu sual zo ung, mi suaksualte hi ung, khelhnak a bawltute ung. Ka thupiak bangin zui ngawlin, na thupiakmi cu lawlin, thudik pen lampial zo ung hi.

DANIEL 9:6

Na minin ka kumpi uhte, ka uktu uhte, ka pu le pa uhte le ka miphun venghawng tei lakah na profet ten thuhilh haw naven na nadektu tei thu cu ngai nuam ma ung.

DANIEL 9:7

Topa aw, nangin, a dikmi bawl leleng navecin, kohten ka hum uhah zahcaknak bebek hengtik ung. Judea, Jerusalem khua a khawla le a nainak mun hempoh ah khenkhekmi Israel mi hempoh ka venghawng uhin mualpho khawng zo ung hi.

DANIEL 9:8

Ka kumpi uhte, keimuh uktute le ka pu le pa uhte cu zahcakhuai le ningdelhhuai in nung haw in, Topa, na humah sual zo ung.

JONAH 4:2

Topa nelah thungenin: “Topa aw, ka ngam sungah ka umlaih pepan hiti bang tukin ti hamsa mang maw! Hi hangin hi ven Tarshish khua ah ka tainak cu! Mi hehpih thei le mi it thei Pathian, thinsau mi le a kho mi itnak neitu Pathian, mi na siatsuah nuam hei in, a sikleh lelem theitu Pathian na hihnak cu thei zo ing.