DANIEL 9:5 - Ngawm Bible

⁵ “Kohte cu sual zo ung, mi suaksualte hi ung, khelhnak a bawltute ung. Ka thupiak bangin zui ngawlin, na thupiakmi cu lawlin, thudik pen lampial zo ung hi.

DANIEL 9:5 Iomraidhean Croise

2 KUMPI 18:12

Israel miten Topa a Pathian haw i thupiakmi a ngaih haw ngawl hangin Samaria cu Assiria miten la haw hi. Topa i sila Moses lak pen Israel mite tuah Topa i thutepnak a bawlmi cu siatsuah khawngin zui nuam haw ma hi. A thu ngai ngawlin a thutep vang zui haw ma hi.

2 KUMPI 21:15

Keima miphun hi haw naven, Izipt ngam pen a tul ni haw pepanin, tuni tian ka humah sual leleng haw hi. Ka thin a uktik leita haw toh hangin hi bangin, a hum hawah bawl tung,” ti hi.

EZRA 9:6

“Maw Pathian aw, zakca zetin, na mai hei zo ngam mang. Ka sualnak uh hi ka lu uh sangin sang saw in van khong hi.

SAAM LABU 106:6

A pu le a pa uhte bangin ohte vang sual zo hung; thilpha ngawlte bawlin misual ngangai hung hi.

SAAM LABU 119:102

Na thuzilh mite zulzaupih mang; A zilhtu nangmah na hih hangin hi.

SAAM LABU 119:176

A paimi tuu bangin vakvai ing; Hung inna, kei na sila hi zei in hi. Na thupiakmi zulzaupih mang hi.

SAAM LABU 18:21

Topa i lampi cu zui zo ing; Ka Pathian lak pen sual zetin taivawk awng mang

ISAIAH 53:6

A paimi tuu bangin vakvai khawng hung. Eimuh tei nuamnak lam tekah hawh thong hung. Mahnaven Topa i dantatnak cu a hum uhah hengtik hi. A thuak tuk uhmi sualman dantatnak tawk hung.

ISAIAH 59:13

Nangmah do in, kik ung. Zui nap ma ung. Midangte bawlsia in, na humah langpang ung. Ka ngaihsutnak uh camcawi thei ma, ka ot uhmi vang zolthu ngeh.

ISAIAH 64:4

Pathian a muan haw hangin amu ca in hitih bang a bawltu Pathian cu kuamah in mu awng haw ma, a theih hei in thei awng haw ma hi.

JEREMIAH 14:20

Topa aw, na humah sualzet zo ung. Na mai ah ka sualnak uh le, ka pu le pa tei sualnakte phuang ung hi.

JEREMIAH 14:7

Ka mite ka lakah au haw, ka sualzet uh hei in, na thutep bangin, Topa bawm zazalin hi. Na lak pen vei tampi tai zo ung a, na humah sual leita zo ung.

JEREMIAH 3:25

Zakca in, zau thong tuk hung a, mualphonakin khuh tahen. Eimuh hihen, a pu le pa uhte hihen, Topa a Pathian uh i humah a khangno laih uh pepan tusun tian a sual lelengtu hi hung. Itik hei ten ama thu ngai ngawltu hung hi,” tin ti uh ci.

JEREMIAH 30:14

A ngaitu ten phawkngil khawng zo haw toh hi. Imah kinmawh khaleh haw ma toh. Ngal bangin bawl ing. Bawlsiatnak na thuak uh hi nasezet hi. Itahim titale na sualnak uh tamin, na phat ngawlnak uh nase ngangai hi.

JEREMIAH 44:3

Ita mahtih bangin um kaw titale thil sual bawlin ka thin a uktik haw hang hi. Nohte hei cu na pu le pa ten hihen, na biak awng uh ngawlmi dawihte bia in, pathian dadang lakah biakpiaknak bawl haw hi.

KAH LA 1:18

Mahnaven Topa cu dik hi, a thu eltu ka hih zo hangin hi. Maw miphunte, hu ngai hih teh un, ka thuak daan hi zo hem un. Salmatnak mun ngam khua lapi ah ka leng le valte pai zo haw hi.

KAH LA 1:20

Topa aw, ka thuaknak le ka apthong dan hi zo hemin hi. Ka thinna in, ka lungmu keh hi, nang ka langpang sual hangin lampi humah thahdunnak umin, innsung hei ah thihnak heng.

KAH LA 3:42

“Topa aw, na mai ah sualin langpang zo ung; mahnaven ngaidam ma ci.”

EZEKIEL 5:6

Mahnaven Jerusalem in ka thupiakmi dodalin, ngamdangte sangin a phatngawl sawnak le a elkim ngamte sangin thu a ngaih ngawl sawnak haw cu langtik hi. Jerusalem in ka thupiakmi cu elin, ka daante vang zui nuam ma hi.

EZEKIEL 6:9

ngam hempoh ah salin cang haw tuk hi. Upnak nei ngawlin a lungmu sung haw pen kei cu zamsanin, keimah sangin milim a deih saw deuh haw hangin dantatin, mualpho in ka umtik cu mahlai pen thei in cing haw tuk hi. Thil pha ngawl le thil nawngkai a bawl haw hangin amuh le muh ningdelh duncop haw tuk hi.

DANIEL 9:11

Israel mi hempohin, na daante cu siatsuahin, na thungai ma ung. Mahti bangin na humah ka sual uh hangin na sila Moses i Daan sung a ummi tamsiatnakte cu ka hum uhah hengtik ci.

DANIEL 9:15

“Maw Topa kohtei Pathian na cahnak le na huham langtik inna, na mihingte Izipt ngam pen tultik ci a, na huham cu cing leng haw laih hi. Sual zo ung, khial leita zo ung.

DANIEL 9:9

Na humah langpang phun ka hi uh hei in, kohte cu ngaidamin hehpih ci.

HOSEA 1:2

Topa in, Hosea hum tawnin Israel tei lakah thu a hilh ten a masabelin, Hosea lakah zi huai inna, muantak ngawl zi a hih hangin na cate vang a nu sun haw tuk hi. Ka miphun ten zamsanin, numei pha ngawl phunah cang zo haw tin hilh hi.

MALAKHI 3:7

Nangmu laih ngawlin na pu le pa uhte bang lelengin nohte vang ka daan piakmi tei lak pen pialin, zui ma uh ci. Keima lamah hekkik unna, nangmu lam hek kikleh bok tung. Mahnaven noh ten, ‘Nangma lakah hek kikleh tukin i bawl tuk kam ung?’ tin dong uh ci.

HEBRU 3:12

Thu umtu u le naute, a nungmi Pathian zamsan a nuamtu, lungmu pha ngawl le umngawltu na hih ngawlnak tukin ngalling un hi.