DANIEL 9:4 - Ngawm Bible

⁴ Topa ka Pathian lakah thungenin ka mihing tei sualnakte phuang ing. Keimah in, “Topa Pathian, nang cu a maksanmi ci, upat ngangai ing. Na thutepmi humah muantakzet hi ci, nang a deihtu le na thukham a zuitu humah a khomi itnak nei ci.

DANIEL 9:4 Iomraidhean Croise

1 KUMPI 8:23

“Topa aw, Israel i Pathian, vanah hihen, lei ah hihen, nang bang Pathian imah lai ah umma hi. Na thutepmi cu kimtik leleng ci, lungmu tak tuah a zuitu na mihing tei humah a cat awng ngawlmi itnak langtik ci.

2 KHANGSIALNAK 7:14

ka lakah lungmu sihkiknak tuah thungenin, ka mitmai zei in thilpha ngawl a bawlnak haw pen a kikleh haw ahi tale van pen a thungetnak haw cu za tung a, a sualnak haw cu ngaidam tung, a ngam haw cu ngampha in suaklehtik tung hi.

EZRA 10:1

Ezra cu kapthahin le sual phuangin, Biakinn mai ah thu a nget lih laihin, Israel mipi cu a lakah pano, numei le naupang tian hungin nase zetin kap haw hi.

NEHEMIAH 1:5

“Maw, Topa, Van a Pathian! Nang cu maksanmi hi ci, kihca ngangai ung. Nang cu a ngeng zetmi hi ci a, nangmah a ittu le na thupiakmi a zuitu tei humah, na thutep cu kimtik leleng ci.

NEHEMIAH 9:32

“Maw Pathian aw, Ihempoh tithei Pathian, A lauhuaimi le ihempoh bawl theitu Pathian; Na thutepmi cu cangkim zetin kimtik khawng ci. Assiria kumpi tei a bawlsiat pen pan, Tuni tian ka thuak uhmi hi, Thu neuno in ngaihsut sak zal pahsun. Ka kumpi uhte le ka hotu uhte, Ka thiampi uhte le ka profet uhte, Ka pu le pa uhte le ka mipi tei thuakmi, Hi tizah ka thuak uhmi hi hu theihsak zalin hi.

SAAM LABU 32:5

Na lakah ka sualnak cu phuang ing; ka bawl sualmi pa khatmah im mang. Ka sualnakte na lakah phuang tukin ka khencat bek ten Topa in ka sualnak hempoh cu zah hi.

SUAHTULNAK 20:6

Mahnaven keimah a deihtu le ka thukham a zuitu i humah ka ihnak cu khang thawng tampi tianin lak tung.

JEREMIAH 3:13

Topa na Pathian lakah sual zo toh navecin, amah na donakte a ciangno in, phuang vanglakin hi. Ka thukhamte zui ngawlin thingcam nuai hempoh ah ngamdang tei khawhuai biakmi na ngaihnak thu phuang khawngta pohin hi. Keimah, Topa in hilh zo toh ing tin,” ti hi.

JEREMIAH 32:23

Mahnaven hi ngam sungah hengin, a luahtum haw ten na thukham zui ngawlin le na thuzilh bangin nungsih haw ma. A bawl haw tukin na thupiak hempoh imah bawl haw ma hi, mah hangin hitih bang siatsuahnak cu a hum hawah hengtik ci.

DANIEL 6:10

Kumpi in, a min khen zo tih Daniel in, a theih ten a innah pin hi. A inn humta khanah Jerusalem lam hekin tukvelh um hi. Mahlai ah a bawl leleng bangin a hongmi tukvelh pa khat elah a khukdinin ni khatah vei thum Pathian nelah thungen hi.

DANIEL 9:3

Topa Pathian nelah lungmu tatak tuah ancang thungen ing a, thangkhau puan silhin, vut lakah khungin ngen ing.

LUKA 1:72

A pu le pa tei lakah, “Hehpihnak nei tung a, ka thutiam thiangtho phawkngil tuk mang,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 8:28

Ihempoh ah Pathian in amah a ittu le ama tuptahnak bangin a sammi tei ca in, a phatnak haw tukin nadek hi tih cu thei hung hi

DAAN PIAKLEHNAK 5:10

Mahnaven keimah a ittu le ka thu a zuitu tei humah san thawng khat tian, a kho mi ka itnak cu langtik ing.

DAAN PIAKLEHNAK 7:12

Hi thupiakmi cu ngai a, komno in, na zui uh tale na pu le pa tei lakah thu a tep bangin Topa na Pathian uhin, a thutep khotikin, a kho mi a itnak cu na hum uhah langtik tuk hi.

DAAN PIAKLEHNAK 7:21

Mah hangin hi mite cu lau pahsuh un; Topa na Pathian uh cu na lak uhah um hi; Amah cu thawmngengmi Pathian hi, amah cu lau saw tukmi hi.

DAAN PIAKLEHNAK 7:9

Topa na Pathian uh cu Pathian tatak hi a, amah a ittu le a thupiakmi a zuitu hempoh tei humah san thawng khat tian a catngawlmi itnak langtik tuk hi.

JAMES 1:12

Thiathazohnak a tawh hun ten khim zetin a ding theitu cu mi lungdammi hi. Itahim titale mahtibang haksatnak a neh theih hangin Pathian in amah a ittu tei ca in, a tepsami nunnak cu laksawngin co tuk hi.

JAMES 2:5

Ka ihmi u le naute aw, ngai hih un, Pathian in, mi ca-ngah hi upnak lamah mi hausa hi tukin le amah a ittu tei lakah a tepsami a uknak cotu tukin teng hi.