DANIEL 9:16 - Ngawm Bible

¹⁶ A bosa hun sungin nang cu kohte pantu hi leleng ci, mah hangin Jerusalem humah na thinuk zal toh pahsun. Jerusalem cu nangma khuapi le na mual thiangtho hi. Keimu sual hangin le ka pu le pate a sual haw hangin a elkim ngammi hempoh ten Jerusalem le na mihingte cu nautat haw hi.

DANIEL 9:16 Iomraidhean Croise

NEHEMIAH 9:8

Muantakin, na muh hangin, Amah tuah thutepnak bawl ci. Kanaan ngam pia tukin thutiam ci. Hit mi, Amor mi, Perez mite, Jebus mi le Girgash mitei ngam cu a casuan tei umnak ngam tuk hi ti ci. Na thutepmi bangin kimtik ci a, muantakmi na hih hangin hi.

SAAM LABU 143:1

Maw Topa ka thungetnak ngai inna, Hehpih ka ngetnak theihpih zalin hi. Nang cu a dikmi na hih hangin donleh zalin hi.

SAAM LABU 31:1

Topa aw, na lakah belhnak zei in hung ing, zakca in umtik pahsun. Nang cu a dikmi Pathian na hih hangin, kei hu pan zalin hi.

SAAM LABU 41:13

Topa Israel i Pathian cu thangphat un. Amah cu tu le kumkhua in thangphat un. Amen, Amen!

SAAM LABU 71:2

Na Dikcangnak tuah bawm inna, hupin hi. Ka kutnak ngai inna, pan zalin!

SAAM LABU 79:4

Elkim a um miphun dang hempoh ten cekpan bawlnak mangin, nuihsanin nautat haw hi.

SAAM LABU 85:4

Maw Pathian aw, pantu kikleh inna, kohtei humah lungdam ngawlin umleh toh pahsun.

SAAM LABU 89:51

Maw Topa na ngal ten na tensa mi kumpi cu zawnsak leita haw si! A hawhnak hempoh ah zawnsak haw hi.

SUAHTULNAK 20:5

Milim bia pahsuh un; a maiah na lu uh hei kun pahsuh un, itahim titale keimah cu Topa na Pathian uh ing hi a, micing thei Pathian ing. Keimah a haw tu tei humah a sualnak haw hangin dantat tung a, a casuan tei khan, khang thum khang li tian dantatnak hengtik tung hi.

ISAIAH 5:25

A mihing tei humah Topa cu a thinukin, bawlsia tukin a khut dangto zo. Mualte hing dudum khawng haw tuk a, mi luang cu buak bangin lamtuanah lum teptup haw tuk hi. Mah hei ten Topa i thinuknakin bawlsia tukin a khut dangto tuk laih hi.

JEREMIAH 24:9

A hum hawah dantatnak nasezet hengtik tung a, leihum minam hempoh ten lauthawng khawng haw tuk hi. Miten cekpan le nuihsuak bawlnakin mang haw tuk hi. Nautatin, a min haw cu ka thehkehnak mun tihkimah a sia lam tehkipnakin mang haw tuk hi.

JEREMIAH 29:18

Ngaldonak, pamnak le natnak tuah zui tung a, mahmi cu leihummi tampi in amuh haw ten thinsuzet haw tuk hi. Ka khen kehnak ngamdang a ummi ten a hum hawah a hengmi thil amuh haw ten amthong le lau zetin um haw tuk hi. Miten cekpan bawlnakin mang haw tuk a, a min haw cu mite tamnakin mang haw tuk hi.

JEREMIAH 32:31

Hih khuapi sungmi ten khuapi cu din pan haw ni pepan ka thinuktik haw hi. Siatsuah tukin khencat zo ing.

JEREMIAH 32:32

Itahim titale Judah mi le Jerusalem miten a kumpi le a hotute, a thiampi le a profet tuah thil siasuak bawl haw hi.

EZEKIEL 22:4

Mithatin, na bawlcawmmi na milimte tuah na nawngkaitik duncop hangin na hun cu bo pal tuk hi. Mah hangin miphun tei cekpan bawlnakin le ngam tampi tei zotsak tukin bawl ing.

EZEKIEL 5:14

Na elkim uh a um miphunte na lak uhah a hawh haw ten noh cu nautatin pial haw tuk hi.

DANIEL 11:45

A kumpi puanbukte hei cu tuipi le Biakinn dinnak mual laklawhah sa tuk hi. Mahnaven mahlai ah kuamah bawmtu nei ngawlin thi tuk,” ti hi.

DANIEL 9:20

Ka sualnak le Israel tei sualnak phuangin, thungen leleng ing, ama Biakinn thiangtho cu masa laih bangin a tundin lehnak tukin Topa Pathian lakah catngawlin ngen ing.

JOEL 3:17

Keimah cu, Topa na Pathian ka hihlam thei tuk uh ci; ka mual thiangtho Zion ah a ummi ing. Jerusalem cu khua thiangtho hi tuk a, ngamdangmi kuamah in neh thei haw tukma hi.

ZEKHARIAH 8:3

Kikleh tung a, ka khuapi thiangtho Jerusalem ah um tung. Muantak khuapi tin thei haw tuk a, Cungnungbel Topa i mual cu mual thiangtho tin sam haw tuk hi.

2 THESALON 1:6

Pathian in, a manmi bawl tuk hi. Haksatnak a piatu tei humah haksatnak henglehtik bok tuk hi.

1 JOHAN 1:9

Mahnaven Pathian nelah a sualnak uh a phuang uh tale amah cu muantak le a dikmi a hih bangin a khelhnak uhte zah tuk a, a sualnak uh hempoh thiangtik tuk hi.

1 SAMUEL 2:7

Mi khenkhat ca-ngahtikin, a khenkhat hautik hi. A khenkhat mi nauta cangtikin, a dangte mi thupi in cangtik hi.