DANIEL 9:11 - Ngawm Bible

¹¹ Israel mi hempohin, na daante cu siatsuahin, na thungai ma ung. Mahti bangin na humah ka sual uh hangin na sila Moses i Daan sung a ummi tamsiatnakte cu ka hum uhah hengtik ci.

DANIEL 9:11 Iomraidhean Croise

2 KUMPI 18:12

Israel miten Topa a Pathian haw i thupiakmi a ngaih haw ngawl hangin Samaria cu Assiria miten la haw hi. Topa i sila Moses lak pen Israel mite tuah Topa i thutepnak a bawlmi cu siatsuah khawngin zui nuam haw ma hi. A thu ngai ngawlin a thutep vang zui haw ma hi.

2 KUMPI 22:16

Topa i awn cu hi tih hin hi tin na hilhta un: “Kumpi i a sial zomi laibu sung a, ummi bangin Jerusalem le khuasung mite bawlsia tung hi.

ISAIAH 1:3

Khui in, a neitu thei hi; laak hei in, a bawipa i an piaknak kuang thei hi. Mahnaven ka mihing Israel miten mahti bang hei thei haw ma. Imah thei bikbek haw ma hi.”

ISAIAH 43:28

Na ngamuktu ten ka mun thiangtho cu nawngkaitik haw hi; Mah hangin Israel humah siatsuahnak hengtik ing; Midang tei zotsak tukin, ka mihingte a bawltu cu keimah ing,” ti hi.

JEREMIAH 16:11

Keimah, Topa i hilhmi cu hilhin; “Na pu le pa ten keimah zamin, pathian dang tei nadekin bia haw hi. Nunghekin ka thu zilhmi zui nuam haw ma.

JEREMIAH 2:29

Ka hum a na phuk lih cu i na tihnak kaw? Ita kei langpang nge cim?

JEREMIAH 30:14

A ngaitu ten phawkngil khawng zo haw toh hi. Imah kinmawh khaleh haw ma toh. Ngal bangin bawl ing. Bawlsiatnak na thuak uh hi nasezet hi. Itahim titale na sualnak uh tamin, na phat ngawlnak uh nase ngangai hi.

JEREMIAH 32:23

Mahnaven hi ngam sungah hengin, a luahtum haw ten na thukham zui ngawlin le na thuzilh bangin nungsih haw ma. A bawl haw tukin na thupiak hempoh imah bawl haw ma hi, mah hangin hitih bang siatsuahnak cu a hum hawah hengtik ci.

JEREMIAH 40:3

atu-in, a hilh hamsa bangin heng ngangai hi. Na mihingte sualin, Topa i thu a ngaih nuam haw ngawl hangin, hitih bangin, a piannak hi.

JEREMIAH 44:22

Tuni tianin, na ngam uh cu calubuak bangin mihing kuamah um haw ma. Mullinghahin, na thil sual bawl uhmi le thilpha ngawl na bawlmi uhte cu Topa in, a sup theih ngawl toh hangin na ngam min uh cu miten tamsiatnakin mang haw hi.

JEREMIAH 44:23

Topa i thupiakmi zui ngawlin pathian dadang lakah biakpiaknak na piak uh hangin hiti bang siatlalnak cu na hum uhah heng hi,” tin ti ing.

JEREMIAH 6:19

Maw leihum, ngai hemin! Ka thungai ngawlin, ka thu zilhmi a el haw hangin le hitih bang thil a tuptah haw hangin a hum hawah siatsuahnak hengtik tung a, bawlsia tung.

DANIEL 9:13

Moses Daan sung a ummi bawlsiatnak hempoh cu ka hum uhah hengtik khawng ci. Mahtibang hi leng napi in, Topa aw, ka Pathian, ka sualnak uh sikkikin le thudik zui in, na lungdamtik tuk tum ma laih ung.

DANIEL 9:5

“Kohte cu sual zo ung, mi suaksualte hi ung, khelhnak a bawltute ung. Ka thupiak bangin zui ngawlin, na thupiakmi cu lawlin, thudik pen lampial zo ung hi.

ZEKHARIAH 1:6

Ka nadektu profet mangin, na pu le pa tei lakah thukham le ngallinnak pia ing. Mahnaven imah a simsial haw ngawl hangin haksatnak tampi tawk haw hi. Siklehin, a humah bawl tukin ka ngaihsutmi cu amu nungcang hum tawnin dantatnak a tawh haw ten Cungnungbel Topa ka hihlam phawkleh haw hi.

ZEKHARIAH 7:12

a lungmu haw cu suangtum bangin cang hi. Kum ngeipi laih a, ka hahmi profet tei thuzilhmite a ngaih nuam haw ngawl hangin amu humah ka thinukzet ing.

ZEKHARIAH 8:13

Judah mi le Israel mite! Ni dang laih cu ngamdang mite pa khat le pa khat a tamdun haw ten Judah le Israel tei humah a hengmi siatnak cu na hum uhah heng bok hen tin, tamdun haw hi. Mahnaven keimah in pan suak tung a, ngamdang ten Judah le Israel tei co mi muicu cu co ngah bokin, tin pa khat le pa khat tidun li haw tuk hi. Mah hangin ngalhang unna, imah lau pahsuh un,” ti hi.

DAAN PIAKLEHNAK 8:20

Topa i thu na zui uh ma tale mailamah na not dedeuh uh hun ten hi ngam a minamte a paih laltik khawng bangin nohte vang paih laltik hi bok tuk uh ci.