DANIEL 8:8 - Ngawm Bible

⁸ Mah keelcang cu pualthau dedeuhin, a ngil laih takin a ki cu ek hi. Mah ki pa khat ai-in, a lang ciang zetmi a ki pa li tul hi; a ki pa lite cu saklam, hanglam, nisuah lam le nitumnak lam hek tek haw hi.

DANIEL 8:8 Iomraidhean Croise

2 KHANGSIALNAK 26:16

Mahnaven kumpi Uzziah cu huham neizet a hih ten mi uangkho thei zetin suak, mah a ultunnakin, amah cu dok vawk hi. Topa a Pathian a langpang hangin Biakinn sungah hawhin, namtui halnak biaklandawhah namtui haal hi.

Esther 9:4

Kumpi innah Mordekai cu thuneitu hi in, a thuneihnak khang dedeuh tih cu Persia ngam sungah zak tenmi hi.

JEREMIAH 49:36

Mun tihkim pen Elam humah huihpi theutik tung a, mun tihkimah a mihingte cu khenkhek khawng tung. A mihing tei ngaltai ngawlnak mun le ngam pa khat hei um tukma hi.

JEREMIAH 5:27

Sakap theizet pa in, a inn sungah vano a dimtik bangin, misual ten a inn sung hawah mi thil a lonsak haw mi tuah a inn sung dimtik haw hi. Mah hangin hi; mihau le thunei zetin, a can haw cu!

EZEKIEL 16:7

A dam zetmi thingkung bangin khangtik ing. Khangto in, tha nei zetin khanglai hi ci. Na samsau in, na nawibawk a, mahnaven thacangin um ci.

EZEKIEL 28:9

Nangmah that tukin a hun haw tuk ten pathian pah ing cuh ti leleng ni cim? Nangmah a thattute tuah na tawhdun uhten pathian hi ngawlin mihing hi thong tuk ci.

DANIEL 11:4

Mahnaven a huham neih hun laihtakin, a ukmi ngam cu lengkekin, khen li suak tuk hi. Ama casuan ahi ngawlmi ten kumpi dek haw tuk naven amah zahin kuamah in huham nei haw tukma hi.

DANIEL 4:31

A ot khawng laih ngawlin van pen aw ngingin, “Kumpi Nebuchadnezzar, ka hilhmi hi ngai in! Na kumpi huham cu na lak pen laksak hi zo hi.

DANIEL 5:20

Mahnaven mahtih bangin pualthau in, lungmu ngoltolin le hehpihnak nei ngawlin a um hangin a kumpi khunnak cu lonsak hi a, upatnak dinmun co ngah ma hi.

DANIEL 7:2

hi bangin hi. Khua hempoh pen huihtheu in, tuipi thuanthum tuite mut hi.

DANIEL 7:6

Mahti bangin ka zoh laihin sahang dang pa khat na tul hi. Tavang bang naven a ngumzaang humah ha pa li nei hi, a ha cu vano ha bang hi. Lu vang pa nih nei hi. A mel zoh ten thuneizet tuk bang hi.

DANIEL 8:22

Ki pa khat a ek nungten ki pa li a tul lehmi cu ngam a khenkhuai nung haw ten a tul tukmi uknak pa li i hi; hi uknak pa lite hi masa uknak bangin ngil haw tukma hi.

DANIEL 8:5

Iti bang ka tih tuk heng tin ka ngaihsut laihtakin, nitumnak lam pen keelcang pa khat tai li cu mu ing hi; a tai cak leita in, a ke in lei tawngkha man ma hi. A mit le mit laklawhah a langciang zetmi ki pa khat nei hi.

DANIEL 8:7

A thinuk leita in tuucang cu nase zetin, a ki pa nih ekvo in khi li hi. Tuucangin khikleh theihnak tha imah nei ma hi. Lei ah lumin, keelcangin sikpek hi. A pan theitu kuamah um haw ma hi.

MATTHAI 24:31

A nging zetmi pengkul tum haw tuk a, lei ningli ah a vancungmite tiikin, van mawk khatlam pen khatlam mawk tianah a ummi a tensate cu hulawm haw tuk hi.

MARKA 13:27

Leihum mawk khatlam pen mawk khatlam tian a ummi Pathian i tensate cawmkhawm tukin lei ningli ah vancungmite tiik tuk hi.

DAAN PIAKLEHNAK 31:20

A pu le pa tei lak a, ka thutepnak bangin hi ngampha le ngamnop, khuinawi le khuaitui luannak ngamah henpih tung hi. Mahlai pen a deihzah haw in, an eih tuk nei haw tuk a, nop zetin um haw tuk hi. Mahnaven nunghekin pathian dang bia haw tuk hi. Kei cu zamin ka thutepte siatsuah haw tuk a,

MANGMUHNAK 7:1

Mahceng ten lei ningli a dingmi vancungmi pa li mu ing. Mah vancungmi pa li ten leihum le tuipi humah le thingkungah huihtheu tuk ngawlin kham haw hi.