DANIEL 8:3 - Ngawm Bible

³ mah ngunpi mawkah tuucang pa khat ki saupi pa nih neimi mu ing; a ki pa khat cu a dang ki sangin sau in dawn deuh hi.

DANIEL 8:3 Iomraidhean Croise

1 KHANGSIALNAK 21:16

David in, a zoh ten van le lei laklawhah Jerusalem siatsuah tukin namsaupi cawi in, vancungmi dingleng na mu hi. David le Israel mi hotute cu thangkhau puan silhin, a mai haw lei tawngkha tian kuun haw hi.

EZRA 1:2

A thusuahmi sungah hi bangin ngan hi: “Hi thu hi Persia kumpi Sairas i thupiakmi hi. Topa, Van a Pathian in keimah cu leihum buppi uktu tukin bawl zo a, Judah ngam Jerusalem khua ah ama ca in biakinn sa tukin dehvo pia hi.

EZRA 4:5

Biakinn sak cawltik haw hen tin Persia cozah bawite cu nawhthuh pia in, a tuptah haw mi bawlsuak thei tuk ngawlin le a lung haw bing tukin kumpi Sairas in, a uksung ngam hempoh le kumpi Darias bawi a deh tianin mahti bangin thilpha ngawl bawl haw hi.

Esther 1:3

Kumpi a deh kum thumnakin, a khutnuaite le a ngam khen uktu bawi tei ca in an eih puai ngengzet pa khat bawlsak hi. Mah puai ah Persia le Media ngalkapte, ngam khen uktu bawite le mi upa tampi tel haw hi.

ISAIAH 13:17

Topa in, “Babilon do tukin Median mite so ing. Amuhte cu sui a deih ngawltu le ngun a simsial ngawlte haw hi.

ISAIAH 21:2

Lauhuai thu hengmi ah muhnak nei ing a, sonsiatnak le siatsuahnak nguak cang hi. Elam ngalkap bu, do un! Midian ngalkapte khua umcip khawng un! Babilon tei hentikmi haksatnak le thuaknakte cu Pathian in botik tuk toh hi.

ISAIAH 44:28

Sairas lakah, ‘Nangmah cu keimah ai-in uktu tuk ci. Dehtik ka nuammi cu dek tuk ci; Jerusalem cu sakleh tukin thupia ing, Biakinn cu taw panleh tukin thupia tuk ci ti ing! tin hilh hi.’ ”

JEREMIAH 51:11

Topa in, Babilon siatsuah a tum hangin Media kumpite cu tokpil hi. A Biakinn a siattik haw hangin mahti bangin phu lak a tumnak hi. Ngalkapte hotu ngalbawi in, “Na thalcang uh tat hiam un! Na lumphaw uh keng unna, mansa lengin um un.

DANIEL 10:5

Khua cuan ing a, mihing bang pa khat, nimzang ma neu tuah tahmi silhin, sui phabel taikhap a khaptu mu ing.

DANIEL 2:39

Na nungten ngam uknak um tuk laih naven, nangma uknak zahin nase tukma. Mah nungten ngam uknak pa thumnak um tuk a, lei buppi uk tuk hi. Mahmi cu daal ngam uknak hi tuk hi.

DANIEL 5:31

kum sawm luk le kum nih a kimmi Media mi Darias in Babilon ngam cu la hi.

DANIEL 6:28

Daniel cu Darias uksung le Persia mi kumpi Sairas uk sungah mi neinung zetin um hi.

DANIEL 7:5

A pa nihnak sahang cu vom bang hi a, nunglam ke in ding hi. A ha tuah naknguh pa thum petin, a lakah, “Na eih theih zahin ei li pohin hi,” tin aw pa khatin ti hi.

DANIEL 8:2

Mah ka muhnakah Elam peng kulhtian upmi Susa khuapi sungah umin theidun ing. Ulai Ngunpi mawkah ding ing a,

DANIEL 8:20

“Ki pa nih a neimi tuucang na muhmi cu Media le Persia uknak ai hi.

ZEKHARIAH 1:18

Muhnak pa khat umlehin, khuicang ki pa li mu ing.

ZEKHARIAH 2:1

Muhnak a dang pa khatah, mi pa khat cu na tehnak khau a khutah a cawi mu ing.

ZEKHARIAH 5:1

Ka zohleh ten huih lakah laizial leng mu ing.

ZEKHARIAH 5:5

Vancungmi cu langlehin, “Zo in! Thildang pa khat heng tuk tin,” ti hi.

ZEKHARIAH 5:9

Ka zoh leng sungin, vaca ha bang, huham neizet mi, numei pa nih cu keima lamah a leng mu ing. Bawm cu lentul pih hawta hi.

ZEKHARIAH 6:1

Muhnak a dang pa khat neileh ing a, mual pa nih laklawh pen cipuh leng pa li a tul lih haw cu mu ing. Mah mual pa nih cu daal mual hi haw hi.

MIPUM SIALNAK 24:2

Israel mite a hin haw tekin, ngiak haw tih mu hi. Pathian i hawvang cu a lakah hengin,

JOSHUA 5:13

Joshua cu Jerikho khua elah hengin, khua a zoh ten, namsau a kawng sung pen dawhsa cawi in, a maiah pano pa khat ding mu hi. Joshua in mahpa cu nekin, “Keima mihing cim maw? Ka ngalte uh cim?” tin dong hi.

MANGMUHNAK 13:11

Mahten a dang sahang pa khat leisung pen tul khi mu ing. Mahmi sahangin Tuuno bangin ki pa nih nei a, ngulpi bangin awn hi.

MANGMUHNAK 5:6

Tuuno pa khat cu kumpi khunnak laizangah dingin sahang pa li le upa ten a kawnin, kiilin mu ing. Tuuno cu thahsa a thi mi bang hi. Ki salih le mit salih nei hi, mahmi mit salih cu leihum khua hempoh ah hahmi Pathian i hawvang salihte hi haw hi.