DANIEL 8:11 - Ngawm Bible

¹¹ Van ngalkap hotu bawi hei dodalin; nisialin, a piak haw mi biakpiaknak cu khaktanin, Biakinn nawngkaitik hi.

DANIEL 8:11 Iomraidhean Croise

ISAIAH 37:23

Na zotsakmi le na tam lihmi pa cu akua hum tin ngaisung kam? Israel i Pathian Thiangtho keimah ing hi!

ISAIAH 37:29

Na thinuknak thu le la vang thei zo toh ing a, na tuangkhawnnak ka theih khawng zo toh tak atu-in, na naalah sio khaih tung; na kamkalh tung a, na hunnak lampi pen kiktik tung,” tin ti hi.

JEREMIAH 48:26

Topa in, Moab cu zukhamtik un, itahim titale keimah dodaltu hi. Moab cu ama luaksa mi lakah lum kawkawi tuk a, miten nuihsan haw tuk hi.

JEREMIAH 48:42

Ka humah ultung zetin, a um hangin, Moab cu siatsuah khawng hi tuk a, hinnam pa khat suakleh thei haw tukma toh hi.

EZEKIEL 46:14

Mah hum pen zingsialin, sangvut pawng li le lang, a loih tukmi olif thau pawng khat tuah piak hi tuk hi. Topa i lakah piakmi hi biakpiaknak tukin daante cu kum tuanin, zuimi daan hi tuk hi.

DANIEL 11:22

Amah dodaltu cu Pathian i Thiampi Sang ahi hei in, vawktul le lawltul hi tuk hi.

DANIEL 11:31

A ngalkap khenkhat ten biakinn nawngkaitik haw tuk hi. Nisial biakpiaknak cu botikin, ningdelhhuai le mullinghah koih haw tuk hi.

DANIEL 12:11

“Nisial biakpiaknak cawlhsan haw, mah ningdelhhuai mullinghah a bawl pat haw pepan, ni thawng khat le za nih le sawm kuah liam tuk hi.

DANIEL 5:23

Vancung Topa dodalin, na bawlmi Biakinn pen na puakmi khuat le kuangte cu hilai ah keng khawng ci. Nangmah le na laitate, na zi le na zineu ten mah khuat tuah zu in haw a, sui le ngun, daal le thik, thing le suang tuah bawlmi khuazingte thangphatnak pia uh ci. Khua mu thei ngawl, imah thu thei zo ngawl le theihnak a nei ngawlmi pathian dangte cu pahcawi tawtok uh ci. Na nunnak uh le thihnak humah thuneitu, na bawlmi hempoh humah thuneitu Pathian saw cu upatnak pia ma uh ci.

DANIEL 7:25

Cungnungbel Pathian sonsia tuk a, Pathian mihingte bawlsia tuk hi. A biaknak daante le puaite thek tum tuk hi; Pathian mihingte cu kum thum le a lang sung a khutnuai ah koih tuk hi.

DANIEL 8:12

Mahlai ah nisial biakpiaknak bawl ai-in, mihing ten sualnak bawl haw hi; biaknak dik cu leihumah vawksukin um hi. A bawlmi hempoh ah mah ki cu lawhting hi.

DANIEL 8:24

Ngil dedeuh tuk naven a ngilnak cu ama tihtheihnak hang kha tukma. Siatsuahnak nase zetin piangtikin, a bawlmi hempoh ah lawhting tuk hi. Mi ngilzet le Pathian i mihing tei humah siatnak tampi hengtik tuk hi.

DANIEL 8:25

Mi zeltel a hih hangin mizolnak tuah tihtheihnak nei pepel tuk hi. Amah le mah muangdunzet tuk naven a phawhkhak ngawlin mi tampi siatsuah tuk hi. Kumpi lakah kumpi thawmngengbel tianin langpang tuk naven amah cu mihing ngilnak tel ngawlin siatsuahnak tawk tuk hi.

DANIEL 9:25

Hi thu hi phano in cing inna, komno ngaisungin hi. Jerusalem tungdingleh tukin thupiak hun a hih hangin Pathian i tenmi hotu a hen laklawh kum salih i let salih phat tuk hi. Jerusalem cu lampi ngengpi le kulhtian khozet tuah tundinleh hi tuk a, kum sawm luk le kum nih i let salih sung ding tuk hi; mahnaven hi hun cu haksatnak le buainak hun hi tuk hi.

MIPUM SIALNAK 28:3

Topa i lakah an luih biakpiaknak na piak tuk uhmi cu hite hi, hi: nisialin halkang biakpiaknak tukin sonbang ngawl kum khat kim tuucangno pa nih,

LUKA 21:24

Khenkhat cu namsau tuah that haw tuk hi. Khenkhat cu ngam tihkimah salin, kai kawkawi haw tuk a, Jerusalem cu Pathian thei ngawl ten a hun haw a kim laklawh a ke nuai ah cilpek haw tuk hi,” tin hilh hi.

2 THESALON 2:4

Mi ngilo pa in midang tei Pathian a ngaihsut haw mi le biak tukin a ngaihsut haw mi hempoh do in, mah hempoh tei humah amah le mah koih cop tuk hi. Pathian Biakinn sung hei ah khung tumin, keimah hi Pathian toh ing, tin tituk hi.

HEBRU 2:10

Mi tampi ten Pathian sunloihnak co theihnak tukin, ihempoh bawltu le a nungtiktu Pathian in haksat thuaknak sung pen Jesuh cu mi cangkimin, a bawl cu a manmi hi. Itahim titale Jesuh amah cu nunpatnakah amuhte lamhuaitu hi.

MANGMUHNAK 17:14

Amuh ten Tuuno do haw tuk hi, mahnaven Tuuno le a sammi, a tenmi le amah a muangtu ten neh haw tuk hi; itahim titale, Tuuno cu bawi hempoh lak pen bawibel, kumpi hempoh lak pen kumpibel na hi tin ti hi.