DANIEL 7:8 - Ngawm Bible

⁸ A kite ka zoh lih laih takin a ki tei lak pen ki neuno a poto cu mu ing. Mah ki neuno in, a masa ki pa thum cu hong hi. Mah ki neuno in mihing mit le kam bang nei in pualthau zetin awn lawlok hi.

DANIEL 7:8 Iomraidhean Croise

SAAM LABU 12:3

Topa aw, a tuangkhawng li thei mi lei cu mengdentik inna, a tuangkhawng thei tei kamte cu hubinin hi.

DANIEL 11:36

“Siria kumpi in, ama nuam bangin bawl tuk hi. Iti bang pathian sangin ngeng saw ing, tin tuangkhawng li tuk a, Cungnungbel Pathian sang hei in, nase saw ing tin, tuangkhawng tuk hi. Pathian bawlsiatnak a tawk laihngawl sung cu mahti bangin ti pepel tuk laih hi. Mahnaven Pathian in, a tumtah bangkekin bawlsuak tuk hi.

DANIEL 7:19

Sahang pa linak cu sahang dang tuah a bangve ngawlmi, a lauhuai sahang, a ke tin daal le a ha thik tuah a matmi hempoh botkekin, sikpek litu i thu theinuam ing.

2 THESALON 2:4

Mi ngilo pa in midang tei Pathian a ngaihsut haw mi le biak tukin a ngaihsut haw mi hempoh do in, mah hempoh tei humah amah le mah koih cop tuk hi. Pathian Biakinn sung hei ah khung tumin, keimah hi Pathian toh ing, tin tituk hi.

2 TIMOTE 3:2

Mi tampi ten amu ca tuk bek ngaisung haw tuk, hampumzet haw tuk a, ultung zetin pualthauzet haw tuk hi. Mi nehsiah kawkawi in, a nu le pa tei thu hei el haw tuk hi. Lungdamnak tuk hei thei ngawlin biaknak vang imah in simsial haw tukma hi.

2 PETER 2:18

Pualthaunak le awn pha ngawlte awnin, nungcang sual sung pen a suak ca semmi sualnak thangah awkleh tukin a tisa nopnak khi mang haw hi.

JUDE 1:16

Himi ten phuciak lelengin, catngawl midang sonsia haw hi; a pha ngawlmi a tisa deihnak zui in, amuh le muh khaisangdunin, amu thuno in, ihempoh a bawl theihnak haw tukin midangte pahcawi li haw hi.

MANGMUHNAK 13:1

Mahten tuipi sung pen sahang pa khat a tul mu a, ki sawm khat le lu salih nei hi. A ki humah kumpi lukhu pa khat ten khu in, a lu humah Pathian zotsaknak min pa khat ten um hi.

MANGMUHNAK 9:7

Mah khaute cu ngaldo tukin a ngallingmi cipuh bang haw hi. A lu hawah sui lukhu bangmi khu haw in, a mai haw cu mihing mai bang hi.

1 SAMUEL 2:3

Ngal zetin, na tuangkhawnnak uhte cawl toh un; Pualthau zetmi na awnkam uhte cawl toh un. Itahim titale Topa cu ihempoh a theitu Pathian hi. Mihing tei bawlmi hempoh humah thukhentu hi.