DANIEL 7:11 - Ngawm Bible

¹¹ Ka zoh laih takin, ki neuno cu tuangkhawng li in le pualthau zetin, a otlih cu za ing. Ka muh laih loli in sahang pa linak cu thatin, a luang cu mei sungah vawk haw in bota hi.

DANIEL 7:11 Iomraidhean Croise

DANIEL 11:45

A kumpi puanbukte hei cu tuipi le Biakinn dinnak mual laklawhah sa tuk hi. Mahnaven mahlai ah kuamah bawmtu nei ngawlin thi tuk,” ti hi.

DANIEL 7:12

Adang sahangte cu a huham neihmi hempoh laksak haw hi, mahnaven a nunnak haw cu hun comno sung khawih hi.

DANIEL 7:8

A kite ka zoh lih laih takin a ki tei lak pen ki neuno a poto cu mu ing. Mah ki neuno in, a masa ki pa thum cu hong hi. Mah ki neuno in mihing mit le kam bang nei in pualthau zetin awn lawlok hi.

DANIEL 8:25

Mi zeltel a hih hangin mizolnak tuah tihtheihnak nei pepel tuk hi. Amah le mah muangdunzet tuk naven a phawhkhak ngawlin mi tampi siatsuah tuk hi. Kumpi lakah kumpi thawmngengbel tianin langpang tuk naven amah cu mihing ngilnak tel ngawlin siatsuahnak tawk tuk hi.

2 THESALON 2:8

Hun a kim ten mi ngilo pa cu lang tuk hi. Mahnaven Topa Jesuh a hen ten, a kam sung pen a tulmi haihawh tuah thatin, a vak selsulmi a sunloihnakin siatsuah tuk hi.

2 PETER 2:18

Pualthaunak le awn pha ngawlte awnin, nungcang sual sung pen a suak ca semmi sualnak thangah awkleh tukin a tisa nopnak khi mang haw hi.

JUDE 1:16

Himi ten phuciak lelengin, catngawl midang sonsia haw hi; a pha ngawlmi a tisa deihnak zui in, amuh le muh khaisangdunin, amu thuno in, ihempoh a bawl theihnak haw tukin midangte pahcawi li haw hi.

MANGMUHNAK 18:8

Hitih bang a hih hangin, ni khat sungin a humah pulhnat tung tuk a, natnak, khaw-ngaihnak le paamnak le mei tuah halnak tawk tuk hi. Itahim titale a thu a khentu Topa Pathian cu Cungnungbel hi,” ti hi.

MANGMUHNAK 19:20

Sahang cu manin, thawng khia haw a, a mitmuhin profet man ngawl tampi nalamdang bawl theite vang mancih haw hi. (Mahmi nalamdang a bawlnakin sahang melciknak tacik neitute le a milim biatute cu na zol ngah hi). Sahang le profet cu kaat mei tuah a alh langkhatmi meipi sungah a nungcungin vawk haw hi.

MANGMUHNAK 20:10

Mahten amuhte zoltu Satan cu sahang le profet manngawl a vawknak haw tuiting bangin a tingmi meipi le kaat mei sungah vawk haw hi. Mahlai ah sun le zan haksa le bawlsia in um cimit haw tuk hi.

MANGMUHNAK 20:12

Mahceng ten a thi sate a neu a ngengin, kumpi khunnak mai ah a din haw mu ing. Laibu kau haw in; mahceng ten a dang laibu pa khat, nunnak laibu tihmi kau lehleu haw hi. Mithi sate cu mah laibu sungah khum sa mi a nadehnak haw bangin a thu haw khenin um hi.

MANGMUHNAK 20:4

Kumpi khunnakte le a hum a khungtu, thukhen theihnak a hum haw a piakmite mu ing. Jesuh i phuanmi thutak le Pathian thu a phuan haw hang thah thuaktu tei hawvang mu ing. Mah mite in sahang bia haw ma hi; a milim vang bia haw ma hi. Sahang melciknak cu a baan hawah hei hihen, a cal hawah hei hihen nei haw ma hi. Nungleh haw in, kumpi bawi bangin Khrih tuah kum thawng khat sung uk haw hi.