DANIEL 6:4 - Ngawm Bible

⁴ hotu dang pa nih le ngamkhen uktu bawi ten Daniel in sualnak le khelhnak nei maw tih cu zei haw hi, mahnaven a sualnak mu haw ma hi, itahim titale Daniel cu mifel muantakzet a hih hangin, thil sual le muantak ngawl imah bawl awng ma hi.

DANIEL 6:4 Iomraidhean Croise

PIANPATNAK 41:38

kumpipa in amuh tei lakah, “A sungah Pathian hawvang umpihmi, Josef sangin mipha saw ituk mahten mu tukma toh hung,” ti hi.

PIANPATNAK 43:18

Josef i inn a hen haw ten a thinsuzet haw in, “Masa an a lei uh laihin, a sumpai uhte a dip sung uhah a um hangin hilai munah henpih haw hi. A sual uh zei in, upmawh khak ngawl pi in, salah manbelh haw tuk hi. A laak uhte vang lonsak khawng haw tuk hei,” tin ngaisung haw hi.

THUPAUCAP 29:27

Mipha, mi taituang ten mipha ngawl hua a, mipha ngawl ten mipha, mi taituang hua bok hi.

THUHILHTU 4:4

Mihingin, haksa zetin nadekin, a bawlsuah theihmi hempoh hi: a mihing pih a iksik hangin hi, tih mu ing. Hi hei hi phukthong, huih hil li bang thong hi.

JEREMIAH 18:18

Mahten mipi ten, “Jeremiah hi itih bangin kaw a suam theih tuk uh! Eimuh zilhtu tuk thiampi dang, thudot tuak tuk micip le Pathian i thu phuangtu tukin profet a dangte um leleng haw tuk poh. Mah hangin a humah thu zei nung inna, a thu ngaileh tuk mang tin ti haw ti.”

JEREMIAH 18:23

Mahnaven, Topa, ka sual a zeinak haw le thah a tumnak cu thei khawng leng poh ci. A phat ngawlnak haw cu ngaidam pahsun, a sualnak haw vang ngaidam pahsun hi. Na mitmuhin lum buabualtik inna, na thinuk laihin, siatsuah khawngin, tin ti ing.”

JEREMIAH 20:10

Mi hempoh ten a kuhno in son haw, “Mun hempoh ah lauthawngnak um hi!” Bawi upa tei lakah hi pa i thuson tung, a tih haw za ing. Ka maizah zetmi ka ngualcamte hei in, ka caksuk tuk cu ngakhelzet haw hi. Zol thei tuk poh hung, a man thei uh tale, phu laleh tuk hung,” tin ti haw hi.

JEREMIAH 29:7

Thawngta tukin ka hawhtiknak khuapi i phatnak tukin nadek un. Ama ca in, ka lakah thunget sak un hi. Itahim titale khangto in, mi neinung ahi haw tale nangmuh vang mi neinung hi bok tuk uh ci.

DANIEL 3:8

Mah hunin, Babilon miten Judah mite a sonsia haw tuk hun lemcangzet hi.

DANIEL 5:12

Thil tihtheihnak a cuangin nei hi; cip vang cip zetin mang i sullam vang hilh thei in, nalamdang bawl theihnak le thuthuk hilh theihnak lamah thiam ngangai hi. Mah hangin mahpa, kumpi in Belteshazzar tin min a sakmi, Daniel cu sam inna, amah in, a sullam hilh thei khawng tuk,” ti hi.

DANIEL 6:22

Pathian in kiosa tei kam huptu tukin a vancungmi hahin, pa khat hei in keimah siatsuah haw ma hi. Sualnak nei mang, kumpipa na humah mawhnak ka neih ngawl hangin,” ti hi.

MATTHAI 26:4

Jesuh khi a kuhno manin that tukin thu vaisiam kuh haw hi.

MATTHAI 27:18

Judah upa tei iksiknak hangin Jesuh cu a khut sungah hen haw tih thu Pilat in ciang zetin thei hi.

LUKA 20:20

Mah hangin a mat theih hawnak tukin hun lemcang zei haw a, khenkhat ten Jesuh mitmuhin mipha bang tiamhemin, a zokuhtu tukin nawhthuh pia haw hi. Mah tei lakah, ‘Miphazetno bangin um unna, Rom acozah ngamuktu bawi i nelah henpih theihnak tukin thudong unna, ama kam lala tuah thangsiahnakin mang unna, amah le mah awkdun cop tukin na zuam un hi,’ tin hilh haw hi.

LUKA 20:26

Mipi mai ah Jesuh i kam pen sual a mat theih haw ngawl hangin a thu dondante thasiah zetin dai diudeu haw hi.

LUKA 22:2

Thiampi upa le Daan zilhtute cu mipi a lau haw hangin Jesuh thahkuh den theihnak tukin lampi zei li haw hi.

JOHAN 19:4

Pilat cu tul lehin mipi tei lakah, “Ngai hem un! A humah thah tuk takin sualnak mu mang tih langtiknakin nangmu lakah hunpih tung,” ti hi.

2 KORIN 11:12

Nungzuitu hi bok ung a titu ten, “Amuhte bangbokin, na dek bok ung hi,” tin, a tuangkhawng theih haw ngawlnak tukin atu a, ka bawlmi hi pehzom sesem tung hi.

FILIPI 2:15

Mahtin na hi uh tale, hi leihum a mipha ngawl le misual tei lakah a ummi nohte cu a cangkimmi Pathian cate sual nei ngawl le mithiangin cang tuk uh ci. Van a, aksi vak bangin leihum mitei lakah vak un hi.

1 TIMOTE 5:14

Mah hangin khangno deuh meivongte cu pasal nei in le cano vang nei in, a inn haw cingkhawi hawleh tih khi deih ing. Mahti bangin ahi tale a ngal uhten eimuh zotsaknak hun nei thei haw tukma hi.

TITUS 2:8

Kuamah i sonsiat theih tuk ngawlin awnkam pha mang inna, a ngal uhten sonsia thei ngawlin amuh lehlam zakca saw haw tuk hi.

1 PETER 2:12

Pathian a um kha ngawl tei lakah zohteh tak tukin nung unna, phat ngawlnak a bawltu tin sual a nawn haw hei in, na ngamtat phatnak uhte mu in, Pathian a hunleh ni ten amah cu thangphat haw tuk hi.

1 PETER 3:16

A thudotmi haw na donleh uhten nemnak le upatnak tuah don un: lungmu thiangzetno in um un; mahtibang na um uh tale, Khrih zuitu na hih uh bang bokin, na ngamtat ziaza uh cu miten a sonsia haw hei in, na ngamtat dan uh pha hi tih khi amuh haw ten amuh lehlam zakca haw tuk hi.

THUKHENTUTE 14:4

Filistin mite do tukin Topa in hunpha a zei hangin, Topa in Samson cu hi bangin bawltik hi tih a nu le pa ten thei haw ma hi. Mahlai in Israel mi uktu cu Filistin mite hi.

1 SAMUEL 12:4

Israel miten, “Kuamah zol ma ci; zawnsak ma ci, kuamah i lak pen imah la awng ma ci,” tin ti haw hi.

1 SAMUEL 18:14

Topa cu a lakah a um hangin ngalte cu nehin, a thil bawlmi hempoh lawhting hi.

1 SAMUEL 22:14

Ahimelek in, “Na khutnuai a bawi hempoh lak pen David bang muantak akua him a um? Na makpa loli hi, nangmah cingkhawitu ngalkap tei bawi hi; mahten na khutnuai mi hempoh ten upat khawng haw hi.