DANIEL 5:7 - Ngawm Bible

⁷ Mitzial thiamte, aisan thiamte le aksi zothiamte sam tukin au het hi. A sam mite cu heng haw in, kumpi in, “Hi laingatmi a sial theitu le a sullam a hilh theitu cu kumpipa in puansan silhtik tuk hi, a ngawngah minphatnak suikhi hual ok tuk a, ka uknak sungah thuneihnak lamah pa thumnak hi tuk,” ti hi.

DANIEL 5:7 Iomraidhean Croise

PIANPATNAK 41:8

A zingten a lungnop viang ngawlin, Izipt ngamsung a, mitzial thiamte le micip hempoh sam khawng hi. A mang cu hilh khawng naven, a hilhciang thei kuamah um haw ma.

Esther 3:1

Hun a ngeideuh nungten, kumpi Xerxes in, Haman a tih haw mipa cu a khutnuai bawi hempoh lak pen upabel bawl hi. Haman cu Hammedatha i capa hi. Agag i casuan hi.

SUAHTULNAK 7:11

kumpipa in, a micip le a mitzial thiam samin, a mitzial thiamnak haw tuah Aaron i bawl bangin bawlbok haw hi.

THUPAUCAP 1:9

A hilh haw mi thu in, na ngamtat ziaza phatik tuk a na lu ah lupawng mawizet le, na ngawngah khi mawi zetin cang tuk hi.

SOLOMON LA 1:10

Mawi leita thong ka ngaihno, na saisam phek ngaihbaang lawlawm; na sui long-awh manpha suang tuah

ISAIAH 47:13

Iti bang zahin ngaihsutnak a pia li haw hei in, thil tihtheihnak imah nei lehma toh ci. Na thusiam pihmi ten nangmah pan haw hen. Aksi tei thu a cungtu le vanah lampi a theitute ha khat nung ha khat, i thu piang tuk him tih na humah a son theitute pantikin hi.

JEREMIAH 50:35

Topa in, “Babilon ah thihnak heng hi; Thihnak cu a mihingte, a mi ukte le a micip tei humah hi!

EZEKIEL 16:11

Numei na a himi cau le khi nguite vang lei sak ing.

DANIEL 1:20

Kumpi in iti bang thu haksa a suahpihin, a dong hei in, hi tangval pa li ten a ukmi ngam sung a, khutlam zothiam le mitzial thiamte sangin a let sawm bang thei saw haw hi.

DANIEL 1:4

Midiang, micip, zilnak a nei sa, mi pilvang le khut le ke himmi hi haw tuk a, kumpi innah nadek tuk a takmi hi haw tuk ti hi. Babilon awn, lai sial le ngan thiam a hihnak tukin Ashpenaz in zilh tuk hi.

DANIEL 2:2

A khutlam zothiamte, mitzial thiamte, mitzial thiamte le aksi zothiamte cu a mang lettu tukin sam hi. A lakah hungin, a mai ah ding haw hi.

DANIEL 2:27

Daniel in, “Kumpipa aw, na mang le a sullam a hilh theitu kuamah um haw ma hi; micipte hihen, mitzial thiamte hihen, khutlam zothiam le aksi zothiam hihen, kuamah um haw ma hi.

DANIEL 2:48

Daniel cu nadeh ngengzet pia in, laksawng mantamzet a piak nungten Babilon peng hotubelah bawl hi. Kumpi thudotmi tei lak pen hotubelin bawlbok hi.

DANIEL 2:6

Mahnaven ka mang i sullam na hilh thei uh tale laksawng le minphatnak pia tung. Mah hangin atu-in, ka mang i sullam cu hilh un,” ti hi.

DANIEL 4:14

Aw ngingzet tuah thuthanin, ‘Thingkung hi phuk unna, a kakte talh khawng un. A cehte heuh khawng unna, a ngahte khenkhek khawng un. A lak pen ngamsate le a kak pen vanote hawlvawk khawng un.

DANIEL 5:11

Na ngam sungah pathian thiangtho tei hawvang a neitu mi pa khat um hi. Na pa kumpi a hih laihin, mahpa in ngaihsutnak dik le theihnak a neihdante langtik zo in, a cihnakte cu pathian cihnak bang hi. Mah hangin na pa, kumpi Nebuchadnezzar in khutlam zothiamte, mitzial thiamte, kungkhai thiamte le aksi zothiam tei hotu in bawl hi.

DANIEL 5:15

Ngaihsutnak piatute le mitzial thiamte hi laingatmi sialtu tukin le a sullam hilh tukin pui haw naven a sullam thei zo hihim haw ma hi.

DANIEL 5:16

Thukuhte vang hilh thei in, kuamah i theih zawh ngawl thuthukzette hilh thei hi tih za zo ing. Hi laingatmi hi sialin, a tihnuam mi na hilh thei ngangai tale kumpi puansan silhin, min phatnak suikhi na ngawngah ot tuk ci a, hi ngamsung thuneihnak lamah pa thumnak hi tuk ci,” ti hi.

DANIEL 5:29

Thakhatin, Belshazzar in Daniel cu kumpi puansan silh tukin le a ngawngah suikhi ok tukin a nadektute thupia hi. Mahten a uknak sung a, thuneitubel a pa thumnakin bawl hi.

MIPUM SIALNAK 22:17

Laksawng tampi pia tung a, na hilhmi hempoh vang bawl khawng tung hi. Hung zazal inna, hi mite hi keima ai-in tamsiat sakin hi,” tin Balak i thucahmi cu hilh haw hi.

MIPUM SIALNAK 22:7

Mah bangin Moab hotu le Midian hotu cu tamsiat man piak tuk kengin tul haw a, Balaam lakah Balak i thucahmi cu hilh haw hi.

MIPUM SIALNAK 24:11

Atu manlangin innah kikin hi. Laksawng pia tukin tiam naveng Topa in, na laksawng ngah tuk cu kham,” ti hi.

1 SAMUEL 17:25

Pa khat le pa khat, “Zo kek un! Hi pa khi! A mi zuam dan cu ngai hem un! Hi pa a that theitu cu a kumpipa uhin, mihau in bawl loli tuk hi, a canu huaitikin, a pa i unaupihte cu kawl siah awlh khawng tuk hi,” tin tidun li haw hi.