DANIEL 5:2 - Ngawm Bible

² Mahti bangin zu a in haw laih takin Belshazzar in, Jerusalem Biakinn pen a pa Nebuchadnezzar in sui khuat, ngun khuat le kuangte a puakmi latik hi. Amah le a bawi upate, a zite le a zineu tei zu a innak tukin a cahmi hi.

DANIEL 5:2 Iomraidhean Croise

2 Samuel 9:7

David in, “Na thinsu pahsun. Na pa Jonathan i keimah a ihnak hangin na humah hehpihnak nei ing. Na pu Saul i leingam hempoh cu pialeh khawng tung a, nangmah cu ka lakah an ei leleng tuk ci,” ti hi.

2 KUMPI 24:13

Topa i Biakinn le Kumpi inn a ummi sui le ngunte cu Babilon ah pua khawng hi. Topa i hilh hamsanak bangin Nebuchadnezzar in Topa i Biakinn a, man tukin Solomon in sui tuah a bawlmi nate cu sukeh khawng hi.

2 KUMPI 25:15

Mah hum pen sui le ngun tuah bawlmi na hempoh, maihum neunote le meiling cawinak kuangte la haw hi.

2 KHANGSIALNAK 11:20

Mah nungten Absalom i canu Maakah huai in, capa pa li: Abijah, Attai, Ziza le Shelomith nei haw hi.

2 KHANGSIALNAK 15:16

Kumpi Asa i pi Maakah in pathiannu Asherah milim a bawl hangin kumpipa i nu a hihnak pen Asa in vawk hi. Asa in milim cu phukin, a talh khawng ceng ten Kidron Hawkluamah mei tuah halkang khawng hi.

2 KHANGSIALNAK 36:10

Phalbi hun bo in, khuakhal hun a hen ten kumpi Nebuchadnezzar in man a, Babilon ah pui hi. Topa i Biakinn na manphate pua khawng hi. Nebuchadnezzar in Jehoiakhin i unau Zedekiah cu Judah le Jerusalem kumpi in bawl hi.

2 KHANGSIALNAK 36:18

Babilon kumpi in, Topa i Biakinn simin, nate sum le saw, kumpi le a khutnuai bawite, na manpha hempoh la in, Babilon ah pua khawng hi.

EZRA 5:14

Mah hum pen Nebuchadnezzar in Jerusalem biakinn pen la in, Babilon biakinn ah a koihmi sui le ngun, beel le kuangte cu kumpi Sairas in Judah hinnam uktu tukin a bawlmi Sheshbazzar lakah pia hi.

JEREMIAH 27:7

Miphun hempoh ten a na dek haw tuk a, a capa le a casuan tianin, a miphun haw a kiamsuk hun tian a nadek leleng haw tuk hi. Mah nungten a miphunin miphun dangte le a ngilmi kumpi tei na cu dekleh bok haw tuk hi.

JEREMIAH 50:35

Topa in, “Babilon ah thihnak heng hi; Thihnak cu a mihingte, a mi ukte le a micip tei humah hi!

JEREMIAH 52:19

Sui le ngun tuah bawlmi na hempoh vang la khawng haw; kuang kumte, meiling laknak kuangte, biakpiak ten sathi khawlnak maihumte, vut koihnak kuangte, mei-inn khuamte, namtui halnak kuangte le sabittui biakpiaknak bawl ten sabittui koihnak maihumte vang la khawng haw hi.

DANIEL 1:2

Topa in, Kumpi Jehoiakim cu mantikin, Biakinn na le na manpha khenkhatte cu latik hi. A matmi le nate cu Babilon ngam, a pathian dang tei biakinn na koihnak khanah koih hi.

DANIEL 5:11

Na ngam sungah pathian thiangtho tei hawvang a neitu mi pa khat um hi. Na pa kumpi a hih laihin, mahpa in ngaihsutnak dik le theihnak a neihdante langtik zo in, a cihnakte cu pathian cihnak bang hi. Mah hangin na pa, kumpi Nebuchadnezzar in khutlam zothiamte, mitzial thiamte, kungkhai thiamte le aksi zothiam tei hotu in bawl hi.

DANIEL 5:13

Manlang zetin Daniel cu kumpi mai ah hawhpih haw a, kumpipa in, a lakah, “Daniel hi cim maw? Judah sal matmi, ka pa kumpi i Judah ngam pen a pui mi Daniel hi a cim maw?

DANIEL 5:18

“Cungnungbel Pathian in, na pa Nebuchadnezzar cu kumpi thawmngeng le huham neizet tukin bawlin mi thupi ah suaktik hi.

DANIEL 5:23

Vancung Topa dodalin, na bawlmi Biakinn pen na puakmi khuat le kuangte cu hilai ah keng khawng ci. Nangmah le na laitate, na zi le na zineu ten mah khuat tuah zu in haw a, sui le ngun, daal le thik, thing le suang tuah bawlmi khuazingte thangphatnak pia uh ci. Khua mu thei ngawl, imah thu thei zo ngawl le theihnak a nei ngawlmi pathian dangte cu pahcawi tawtok uh ci. Na nunnak uh le thihnak humah thuneitu, na bawlmi hempoh humah thuneitu Pathian saw cu upatnak pia ma uh ci.

DANIEL 5:3

A cah bangin man lang zetin sui khuat le kuangte cu hunpih haw a, zu innakah mang haw hi.

DANIEL 5:30

Mah zan loli ah Babilon kumpi Belshazzar cu thatin,

DANIEL 5:4

sui le ngun, daal le thik, thing le suangte tuah bawlmi khuazingte cu thangphat tawtok haw hi.