DANIEL 5:12 - Ngawm Bible

¹² Thil tihtheihnak a cuangin nei hi; cip vang cip zetin mang i sullam vang hilh thei in, nalamdang bawl theihnak le thuthuk hilh theihnak lamah thiam ngangai hi. Mah hangin mahpa, kumpi in Belteshazzar tin min a sakmi, Daniel cu sam inna, amah in, a sullam hilh thei khawng tuk,” ti hi.

DANIEL 5:12 Iomraidhean Croise

SAAM LABU 16:3

Topa i mi thiangthote cu itih zahin kaw a mawi haw! Amuh tuah um cu ka lungdamnakbel hi.

THUPAUCAP 12:26

Midik cu ngualcam tei lamhuaitu hi, mahnaven mipha ngawl pai lampi cu ngualcamte lampialtik hi.

THUPAUCAP 17:27

Micip ten kamtam haw ma, mengdenno in, a umtu cu thudik mutute haw hi.

EZEKIEL 28:3

Daniel sangin cip saw ing, ka lak pen sel theihmi thukuh umma, tin ngaisung ci.

DANIEL 1:17

Pathian in, hi tangval pa lite cu cihnak, lai thiam theihnak le ngaihsut thiamnak pia hi. Mah hum pen Pathian in Daniel cu muhnak le mang hilhciang theihnak pia hi.

DANIEL 1:7

A bawi upabelin, Belteshazzar, Shadrak, Meshak le Abednego tin min thak pia hi.

DANIEL 2:26

Kumpi in, Belteshazzar tih vangin a sam haw mi Daniel lakah, “Iti bang mangman ing hum tih le a sullam hilh thei ni cim maw?” tin dong hi.

DANIEL 4:19

Mahmi a zak ten Belteshazzar tihvangin sammi Daniel cu a thinsu in imah awn thei ma hi. Kumpi pa in, a lakah, “Belteshazzar, ka mang le a tihnuam mi in, na thinsutik pahsuh hen,” ti hi. Belteshazzar in, “Kumpipa, na mang le a sullam hi nangma ca hi ngawlin na ngalkap tei ca hi ahin, deih na veng.

DANIEL 4:8

Daniel hung hi. (Daniel cu ka pathian min suangin Belteshazzar tih hei in sam hi.) Pathian hawvang thiangtho cu a sungah umin, a lakah ka mang cu hilh ing.

DANIEL 5:14

Pathian hawvang thiangtho cu na sungah umin, thiamnak, theihnak le cihnak nei ci tih za ing.

DANIEL 5:16

Thukuhte vang hilh thei in, kuamah i theih zawh ngawl thuthukzette hilh thei hi tih za zo ing. Hi laingatmi hi sialin, a tihnuam mi na hilh thei ngangai tale kumpi puansan silhin, min phatnak suikhi na ngawngah ot tuk ci a, hi ngamsung thuneihnak lamah pa thumnak hi tuk ci,” ti hi.

DANIEL 6:3

A ngei ngawlin Daniel cu hotu a dang pa nihte sangin le ngamkhen uktu bawi dangte sangin a nadeh pha saw tih cu lang hi. Midang sangin a cuangcung saw deuh hangin kumpi in, a ngam buppi uktu tukin Daniel cu ngaisung hi.

DANIEL 6:4

hotu dang pa nih le ngamkhen uktu bawi ten Daniel in sualnak le khelhnak nei maw tih cu zei haw hi, mahnaven a sualnak mu haw ma hi, itahim titale Daniel cu mifel muantakzet a hih hangin, thil sual le muantak ngawl imah bawl awng ma hi.

KOLOSE 1:29

Ahi cu deksuak tukin amah Khrih i piakmi cahnak, ka sung a, nadektu mangin nase zetin thuaklo in, nadek li ing.