DANIEL 4:34 - Ngawm Bible

³⁴ “Kum salih a kim ten van khi zo ing a, ka lungmu cangkimleh hi. Cungnungbel Pathian cu thangphat ing, kumkhua a nungmi lakah upatnak le sunloihnak pia ing,” tin kumpi in ti hi. “Kumkhua in uk tuk hi. A uknak cu kumkhua in kho tuk hi.

DANIEL 4:34 Iomraidhean Croise

2 Samuel 22:31

Hi Pathian i na bawlte hi cangkim zetin, a thute cu iti zahin, muantak haw him! Ama humhimnak a zeitu tei ca in, amah cu ngal lumphaw bang hi.

1 KHANGSIALNAK 29:10

David in mipi mai ah Topa thangphat hi, a pu le pa uh Jakob i Pathian Topa, na min cu thangphatin um leleng hen.

1 KHANGSIALNAK 29:13

Atu-in ka Pathian uh, ka lungdamnak hilh ung a, na min thiangtho thangphat ung hi.

JOB Laibu (The Book of Job) 1:21

“Thacangin suak ing, thacang lengin thi tung. Topa in pia in, atu-in laleh hi. A min thangphat hi tahen,” ti hi.

SAAM LABU 10:16

Topa cu kumkhua in kumpi hi. Mah hangin Pathian thei ngawlte cu, a ngamsung pen paithong haw tuk hi.

SAAM LABU 102:24

Maw ka Pathian ka tek lai ngawlin, ka nunnak la hih pahsun. Topa aw, nang cu kumkhua in, a nungmi hi ci.

SAAM LABU 107:15

A thekdun awng ngawlmi a itnak le amu ca in nalamdang a bawlmi hangin Topa cu thangphat haw hen.

SAAM LABU 107:22

Biakpiaknak pia in, a lakah lungdamnak pia haw hen; lungdamnak la tuah a thil bawl mite cu phuang haw hen.

SAAM LABU 107:31

A khel awng ngawlmi a ihnak le amu ca in nalamdang a bawl hangin Topa cu thangphat haw hen.

SAAM LABU 107:8

A khel awng ngawl mi a itnak le, a ca haw in nalamdang thasiahhuai a bawl mite hangin Topa cu thangphat haw hen.

SAAM LABU 111:7

A thil bawlmi hempoh cu mi muantak hi haw in dik khawng hi. A thutiamte cu muantak hi.

SAAM LABU 121:1

Mualhum khi zoto ing; Ilai pen kaw bopnak ka lakah a hen tuk?

SAAM LABU 123:1

Topa aw, na uknak vancung ngam cu zoto ing!

SAAM LABU 145:13

Na uknak cu kumkhua in kho hi; Nang cu kumkhua in kumpi ci. Pathian cu a thutepmi hempoh kimtiktu hi. A bawlmi na hempoh ah pha hi.

SAAM LABU 146:10

Topa cu kumkhua in kumpi hi tuk hi; Maw Zion na Pathian in kumkhua in uk tuk hi. Topa cu thangphat un.

SAAM LABU 50:14

Na lungdamnak uh hi Pathian lak a na piak uhmi biakpiaknak hi saw hen. Mahten piak tuk tin na tepsa uhmi hempoh cu Cungnungbel lakah pia un.

SAAM LABU 66:7

A ngilnak tuah kumkhua uk lelengin, a mit tuah miphunte cu zo leleng hi. Iti bang ngal hei in amah dodalin, tho haw pahsuh hen.

SAAM LABU 7:17

Topa cu a diknak hangin, lungdam thu hilh tung hi. Cungnungbel Topa i lakah thangphatnak lasa tung.

SAAM LABU 9:2

Nangma hangin lungdam zetin lasa tung. Maw Cungnungbel, na lakah thangphatnak lasa tung.

SAAM LABU 92:1

Topa i nelah lungdamnak thu son le, Cungnungbel Pathian, na minthannak lasak hi a nop dan!

ISAIAH 13:11

Topa in, leihum buppi humah siatnak hengtik tung a, misualte cu a phat ngawlnak haw i hangin bawlsia tung. Mi ultungte vatvawk tung a, mi pualthau le hehpihnak nei ngawlte cu dantat tung.

ISAIAH 2:11

Mihing tei uangthuannak cu bo in, mihing tei pualthaunak cu siatsuah khawng ni heng tuk hi. Topa bebek pahcoih hi tuk hi.

ISAIAH 24:15

nisuahnak lamah a ummi ten thangphat haw tuk hi. Tuipi thuanthum mawk tuan a um ten Israel i Pathian Topa pahcawi haw tuk hi.

JEREMIAH 10:10

Mahnaven Topa, nang cu a dikmi Pathian hi ci. A nungmi Pathian hi ci. Kumkhua in kumpipa hei hi ci. Na thin a uk ten lei buppi hi hing khawng. Na thinuknak cu miphun ten thuak thei haw ma.

KAH LA 3:38

Cungnungbel thupiakmi bangin, a sia le pha co ten haw hi.

DANIEL 12:7

Vancungmi in, a khut pa nih van lamah zakin, Kumkhua Pathian min salin thutepnak bawl hi. Amah in, “Kum thum le lang um tuk hi. Pathian mite bawlsiatnak a bo ten hi thu hempoh cu kim khawng tuk a tihmi za ing.”

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

DANIEL 4:2

Cungnungbel Pathian in ka lakah langtikmi thasiahhuai nalamdangte hi ngaisung ten un hi.

DANIEL 4:26

Thingbul cu leihumah zamta tukin vancungmi in thupia hi. A tihnuam mi cu Pathian in leihum buppi uk hi, tih na theih ngah ten, kumpi hileh tuk ci, tihnak hi.

DANIEL 4:3

“Pathian i lakmi thasiahhuaite hi iti zahin thawmngeng hum! Nalamdang a bawlmi hi iti zahin kaw huham a neih! Pathian cu kumkhua in kumpi hi tuk a; uk leleng tuk hi.

DANIEL 4:32

Mihing umnak khua le ngam pen hawlvawk hi tuk ci; hampa lak ngamsa tei lakah umin, kum salih sung khuicang bangin hampa ei tuk ci. Cungnungbel Pathian in mihing ngam uknak humah thunei in, mah ngam uknak cu ama nuammi lakah pia thei tih cu thei tuk ci,” ti hi.

DANIEL 4:36

“Ka lungmu a cangkimleh ten, ka minthannak, ka thawm ngengnak, ka sunloihnak le ka ngam uknakte cu ka lakah piak hileh khawng hi. Ka khutnuai a, bawite, ka mi upa uhten cosang lehin, ka kumpi thuneihnakte cu masalam sangin nase saw in ka lakah pialeh hi.”

DANIEL 5:18

“Cungnungbel Pathian in, na pa Nebuchadnezzar cu kumpi thawmngeng le huham neizet tukin bawlin mi thupi ah suaktik hi.

DANIEL 5:21

Mihing umnak khua le ngam pen hawlvawkin, a lungmu cu ngamsa lungmu bangin um hi. Hampalak laak tei lakah umin, khuicang bangin hampa ei in, humtu le pantu kuamah nei ngawlin lenkolhah zau in, a humah daita hi. Nungdawlbel ten Cungnungbel Pathian in mihing ngam uknak humah thunei in, mah ngam uknak cu a deihmi lakah pia thei hi tih cu thei ngah hi.

DANIEL 6:26

Ka ngam sungah mi hempohin Daniel i Pathian cu upat le lau tukin thupia zo ing. “Amah cu a nungmi Pathian kumkhua in, a kho mi Pathian hi. A uknak cu siatsuah hi awng tuk ngawlmi le a huham cu bo ni nei tukma hi.”

DANIEL 7:14

miphun, hinnam le awn hempoh tuah a awnmi ten ama nadeh theihnak tukin a lakah thuneihnak, minthannak, upatnak le kumpi huham hempoh cu piakin um hi. A thuneihnak cu kumkhua kho in, a uknak cu bo awng tukma hi.

DANIEL 7:27

Leihum uknak hempoh tei huham le thawm ngengnak cu Cungnungbel Pathian mihing tei lakah piak hi tuk hi. A co haw mi kumpi huham cu boleh awng tukma toh hi, leihummi uktu hempoh ten a nadeh sakin, upat haw tuk,” ti hi.

DANIEL 9:14

Topa ka Pathian in, a dikmi na bawl leleng hangin le na thu ka ngaih nuam uh ngawl hangin keimuh bawlsia tuk tumin, na tum bangin bawlsia tatak ci.

JONAH 1:14

A dawltabel ten Topa nelah au in, “Maw, Topa hi mihing pa khat hangin ka thih khawng tuk uh phal pahsun. Sualnak nei ngawl kohtei humah thisan luang tuk ngawlin hehpih zazalin hi. Maw, Topa nangmah in, na deih babangin ihempoh piangtik ci,” tin thungen haw hi.

MIKAH 4:7

Ke bai haw a, inn pen ngam khawlapi ah um haw hi. Mahnaven a thakin dinpihleh tung a, miphun ngengpi in cang haw tuk hi. Zion mual pen mah hun pepanin, a kumkhua tiang keimah in uk tung,” ti hi.

LUKA 1:33

Jakob casuan tei humah kumkhua in kumpi hi tuk hi. A uknak cu bo awng tukma,” ti hi.

LUKA 18:13

“Mahnaven siahkhontu cu khawla thimah dingin van hei dakto ngam ngawlin a awmcumin, ‘Maw Pathian aw, kei hehpih zalin; kei cu misual, mikhial ing,’ tin ti hi.

JOHAN 5:26

Pa amah loli khi nunnak bulpi hi. Mah hangin Capa vang nunnak bulpi in bawl zo hi.

DAAN PIAKLEHNAK 32:4

Topa cu nangmuh nunpantu a ngilbel hi. A bawlmi hempoh cu dikcangin, cangkim hi. Na Pathian uh cu a dikmi le muantak hi. A dikmi le a manmi bek bawl hi.

1 TIMOTE 1:17

Kumkhua in Kumpi, thihnak i neh zawh ngawlmi le mitmuh theih ngawlmi Pathian, amah bek Pathian tatak hi a, a lakah upatnak le sunloihnak kumkhua in kho leng tahen! Amen.

1 TIMOTE 6:16

Amah bek hi a thi thei ngawlmi Pathian hi; a umnak mun cu vak leita in kuamah in zuan zo haw ma hi. Amah cu kuamah in mu awng haw ma hi; Kumkhua ngilnak, huham le upatnak cu ama lakah um leleng tahen! Amen.

MANGMUHNAK 10:6

Kumkhua a nungmi Pathian, van le leipi, tuipi le a sungah a um hempoh a bawltu Pathian min salin thutiamnak bawl hi. Mahten vancungmi in, “Ngei tukma toh!

MANGMUHNAK 11:15

Mahten a salihnak vancungmi in, a pengkul cu tum hi; van pen aw nging zetin hi bangin ti hi, “Leihumpi uk theihnak tuk huham cu ohtei Topa le Khrih i khut sungah um zo in kumkhua pen kumkhua tian aman uk tuk hi,” tin hilh haw hi.

MANGMUHNAK 4:10

Mahti bangin la a sak haw ten kumpi khunnak humah a khungtu mai ah upa sawm nih le pa li ten kunin, kumkhua in kumkhua tian a nungmi cu bia haw hi. A sui lukhu haw cu kumpi khunnak mai ah koihin;

MANGMUHNAK 4:9

Sahang pa li ten kumpi khunnak humah khungin, kumkhua pen kumkhua tian a nungmi lakah sunloihnak, upatnak le lungdamnak lasa haw hi.