DANIEL 4:3 - Ngawm Bible

³ “Pathian i lakmi thasiahhuaite hi iti zahin thawmngeng hum! Nalamdang a bawlmi hi iti zahin kaw huham a neih! Pathian cu kumkhua in kumpi hi tuk a; uk leleng tuk hi.

DANIEL 4:3 Iomraidhean Croise

SAAM LABU 104:24

Maw Topa na bawlmi hi tamzet hi. Cihnak tuah bawl khawng ci. Leihum cu na bawlmi nganhing tuah dim hi.

SAAM LABU 105:27

Pathian i nalamdangte bawl haw in, Izipt ngamah thil thasiahhuai bawl haw hi.

SAAM LABU 145:13

Na uknak cu kumkhua in kho hi; Nang cu kumkhua in kumpi ci. Pathian cu a thutepmi hempoh kimtiktu hi. A bawlmi na hempoh ah pha hi.

SAAM LABU 66:7

A ngilnak tuah kumkhua uk lelengin, a mit tuah miphunte cu zo leleng hi. Iti bang ngal hei in amah dodalin, tho haw pahsuh hen.

SAAM LABU 72:18

Topa Thangphat un; Israel Pathian cu! Amah bekin hiti bang thasiahhuai nalamdangte bawl hi.

SAAM LABU 77:19

Nang cu tuipi tanvawkin hawh ci; A thuk zetmi tuipi thuanthum vang kaltan vawk ci. Mahnaven na ke ngiah cu muh theih ma hi.

SAAM LABU 86:10

Itahim titale Pathian nangmah bek ngilzet ci. Nangmah bek nalamdang bawltu hi ci.

SAAM LABU 92:5

Topa aw, na thil bawl mite a thawmngeng daan! Na ngaihsutnakte thuk leita!

ISAIAH 25:1

Topa aw, nangmah cu ka Pathian hi ci, Upat tung a, na min thangphat tung. A lamdang thasiahhuai nate bawl zo ci; Tanglaih pepan na tupmite cu cangcian zetin bawl khawng ci.

ISAIAH 28:29

Hiti bang cihnak le thiamnak cu Cungnungbel Topa i piakmi hi. Pathian i cihnak tuah khuakhanmi a hih hangin lawhtinnak um leleng hi.

ISAIAH 9:7

A kumpi uknak le huham cu khangto pepel tuk; A uknak sungah kumkhua in lemdaihnak um tuk hi. David Kumpi ai-in uk tuk hi; Diknak le thuman tuah uk tuk, atu le kumkhua in uk tuk hi. Cungnungbel Topa in, hi thu hempoh hengtik tuk hi.

JEREMIAH 10:10

Mahnaven Topa, nang cu a dikmi Pathian hi ci. A nungmi Pathian hi ci. Kumkhua in kumpipa hei hi ci. Na thin a uk ten lei buppi hi hing khawng. Na thinuknak cu miphun ten thuak thei haw ma.

DANIEL 2:2

A khutlam zothiamte, mitzial thiamte, mitzial thiamte le aksi zothiamte cu a mang lettu tukin sam hi. A lakah hungin, a mai ah ding haw hi.

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

DANIEL 4:17

Hi cu a ngallingzettu vancungmi i soncatmi hi. Mah a hih hangin leihum khua hempoh ten thei haw hen: Cungnungbel Pathian in mihing i ngam uknak humah thunei in, mah ngam uknak cu a deihmi lakah pia hi, leihummi nautabel lak hei ah pia thei,” ti hi.

DANIEL 7:14

miphun, hinnam le awn hempoh tuah a awnmi ten ama nadeh theihnak tukin a lakah thuneihnak, minthannak, upatnak le kumpi huham hempoh cu piakin um hi. A thuneihnak cu kumkhua kho in, a uknak cu bo awng tukma hi.

DANIEL 7:27

Leihum uknak hempoh tei huham le thawm ngengnak cu Cungnungbel Pathian mihing tei lakah piak hi tuk hi. A co haw mi kumpi huham cu boleh awng tukma toh hi, leihummi uktu hempoh ten a nadeh sakin, upat haw tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 11:33

Pathian hehpihnak cu ngeng leita hi! A theihnak le a cihnak cu i bang lawlawm thuk him! A thusoncat mite akua in kaw a hilhciang thei tuk? A hawhnak lampi akua in kaw a theithei tuk?

DAAN PIAKLEHNAK 4:34

Topa na Pathian uhin, Izipt ngam a, a bawl bangin miphun pa khat cu ngam pa khat pen tulpihin, ama hinnamin, a bawl ngamtu Pathian dang ilai mun bekah um awng maw? Na mitmuh cikcek uhin a ngilnak le a huham cu langtikin, natsia le ngaldonak hengtik a, na lamdang le thasiahhuai tampi bawlin, a lauhuai na tampi hengtik hi.

1 TIMOTE 1:17

Kumkhua in Kumpi, thihnak i neh zawh ngawlmi le mitmuh theih ngawlmi Pathian, amah bek Pathian tatak hi a, a lakah upatnak le sunloihnak kumkhua in kho leng tahen! Amen.

HEBRU 1:8

Mahten a Capa i thu ah Pathian in, “Nangmah cu Pathian ci, na kumpi khunnak cu kumkhua in kho tuk hi!

HEBRU 2:4

Mah hun lengah Pathian in thasiahhuai le nalamdang a phuphunte bawlin, ama deihnak bangin Hawvang Thiangtho i laksawng khi sem ten hi.

1 PETER 4:11

Ihempoh humah Pathian in Jesuh Khrih hangin thangphatnak a ngah theihnak tukin thusontu ten Pathian i thu son unna, nadektu ten Pathian piakmi thazaang tuah dek un hi. Sunloihnak le huham hempoh cu kumkhua in amata hi. Amen.

MANGMUHNAK 11:15

Mahten a salihnak vancungmi in, a pengkul cu tum hi; van pen aw nging zetin hi bangin ti hi, “Leihumpi uk theihnak tuk huham cu ohtei Topa le Khrih i khut sungah um zo in kumkhua pen kumkhua tian aman uk tuk hi,” tin hilh haw hi.