DANIEL 3:7 - Ngawm Bible

⁷ Mah hangin tummi aw a zak haw bek ten mi phun le nam, awn tihkim a mangtu hempoh ten a lu haw kunin, kumpi Nebuchadnezzar i sui milim cu bia duaduam haw hi.

DANIEL 3:7 Iomraidhean Croise

JEREMIAH 51:7

Babilon cu ka khut sung a, sui khuathai, leihum buppi a nguitiktu bang hi. Ngamdang ten a zu cu in haw a, lungmu cawvol khawng zo haw hi.

DANIEL 2:46

Mahten kumpi Nebuchadnezzar cu lei ah bokin, Daniel lakah biakpiaknak le adang piaknakte bawl tukin thupia hi.

DANIEL 3:10

Bawipa nangma thupiak bangin awn mawi a tum bek haw ten akua hei hihen lu kunin sui milim bia haw tuk hi.

DANIEL 3:4

thuthantu pa khatin aw ngingzet tuah “Miphun, hinnam le awn tihkim a mangtu hempoh ngai un hi!

DANIEL 3:5

Pengkul tum na zak uh bek ten mun khatin pheveu, lemlawi, baiza, tingtang le a nging thei mi hempoh a tumtute zo tuk uh ci. Mah ti bangin awn mawi a tum haw ten, na lu uh kunin, kumpi Nebuchadnezzar i bawlmi sui milim cu bia un hi.

DANIEL 3:6

Lu kungawltu le a bia ngawltu cu manlang zetin mei alh sungah khiak hi haw tuk,” ti hi.

DANIEL 3:8

Mah hunin, Babilon miten Judah mite a sonsia haw tuk hun lemcangzet hi.

NUNGZUITU 14:16

Ni dang laihin, akua hei hihen amu nuammi lampi zui tukin hon hi.

1 JOHAN 5:19

Leihum buppi cu Satan in uk naven ohte cu Pathian ta hung hi tih thei hung.

MANGMUHNAK 12:9

Ngulpi ngengpi, tanglaih ngulpi, Dawi ahimata Satan tin sammi, lei buppi zoltu cu van pen vawksukin um zo a, a vancungmite vang amah tuah um haw hi.

MANGMUHNAK 13:14

A pa khatnak sahang i umlaih loli in nalamdang bawl theihnak khuan piak a hih tak cu leihum a ummi hempoh cu zol thei hi. Namsau tuah liam naven a nung lengmi sahang upat piaknakin ama zuk bawl un tin thupia hi.

MANGMUHNAK 13:3

Sahang i lu pa khat cu thihpih takin nase zetin liam naven a meima cu damleh zo hi. Leihum buppi in lamdangsa in mah sahang cu zui haw hi.

MANGMUHNAK 13:8

Thahnak thuaktu Tuuno i nunnak laibu sungah leipi pian laih ngawlin min khumsa mite sial ngawl, leihummi hempoh ten mahmi sahang cu bia haw tuk hi.

MANGMUHNAK 17:8

Hi na muhmi sahang cu nung awng naven atu-in nungleh ma toh hi, taw nei ngawl khuk sung pen tul tuk a, siatnak le lalthongnakah letvawk tuk hi. Leihum mihing, leipi pian laih ngawlin nunnak laibu sungah a min a ngat khak ngawl ten mahmi sahang a zoh haw ten lamdangsazet haw tuk hi. Nung awng naven atu-in nungleh ma toh; mahnaven langleh tuk laih hi.

MANGMUHNAK 19:20

Sahang cu manin, thawng khia haw a, a mitmuhin profet man ngawl tampi nalamdang bawl theite vang mancih haw hi. (Mahmi nalamdang a bawlnakin sahang melciknak tacik neitute le a milim biatute cu na zol ngah hi). Sahang le profet cu kaat mei tuah a alh langkhatmi meipi sungah a nungcungin vawk haw hi.