DANIEL 3:1 - Ngawm Bible

¹ Kumpi Nebuchadnezzar in, a tunglam pi sawm kuah le a vang pi kuah milim ngengpi cu sui tuah bawlin Babilon peng Dura munlawnah koih hi.

DANIEL 3:1 Iomraidhean Croise

1 KUMPI 12:28

Ngeithim a ngaihsut nungten, sui tuah khuicang zuk pa nih bawlin a mihing tei lakah, “Pathian bia tukin Jerusalem na hawh uh hi ngei zo hi. Maw Israel mite, Izipt ngam pen nangmuh a suahtu pathiante cu hilai ah um haw hi.”

Esther 1:1

Xerxes cu kumpi dekin Persia ngam khuapi Susa kumpi khunnakah khungin, India pepan Ethiopia tian ngam khen za le sawm nih le salih uk hi.

SAAM LABU 135:15

Miphun dadang tei milimte cu sui le ngun tuah bawlmi hi. Mihing khut tuah bawlmite hi.

SUAHTULNAK 20:23

Noh ten keimah tuah na biak kop tuk uhin sui le ngun pathian bawl pahsuh un.

SUAHTULNAK 32:31

Moses cu Topa i lakah hawhin, “Maw Pathian aw, itizah sualnak ngeng hum mipi ten a bawl haw tih cu thei leng ci. Amu ca in sui tuah pathian bawl zo haw hi.

ISAIAH 2:20

Mah ni a hen ngangai ten sui le ngun tuah a bawl haw mi milimte cu taisan khawngin, zuphul le baak tei lakah vawk khawng haw tuk hi.

ISAIAH 30:22

Sui le ngun tuah bawlmi na milim uhte cu buak bangin vawkin; “Muleh nuam ma toh ung,” tin tituk uh ci.

ISAIAH 46:6

Miten a sumbawm hongin, a sui bung haw, A ngun cu a cuai in teh haw hi. Sui sektute sapin, milim bawltik haw; Mah milim mai ah kunin bia haw!

JEREMIAH 10:9

A milimte cu Spain ngam a ngun le Ufaz ngam a sui tuah tuamin, khutzung thiam ten sek haw in, Sandup le mepian puanin thuamtik haw hi. Thiamtak tei tahmi puan tuah thuam bok haw hi.

JEREMIAH 16:20

Mipi ten amuhno pathian bawl thei haw a ni maw? Bawl thei ma; a bawl thei lelei haw hei in, pathian ngangai hi tukma hi,” ti haw tuk hi.

DANIEL 2:48

Daniel cu nadeh ngengzet pia in, laksawng mantamzet a piak nungten Babilon peng hotubelah bawl hi. Kumpi thudotmi tei lak pen hotubelin bawlbok hi.

DANIEL 2:49

Daniel i ngetsaknak hangin Shadrak, Meshak le Abednego cu Babilon peng sung thu vaihawmtu in bawl hi. Daniel cu kumpi innah nadektu in umcih nom hi.

DANIEL 3:14

A hun haw ten, “Shadrak, Meshak le Abednego; ka pathian bia nuam ngawlin le ka sui milim bawlmi mai ah kun nuam haw ma hi tin, a tih haw hi thungai a maw?

DANIEL 3:30

Kumpi in Shadrak, Meshak le Abednego tei pa thum cu Babilon peng sungah a nadeh haw kaitik hi.

DANIEL 5:23

Vancung Topa dodalin, na bawlmi Biakinn pen na puakmi khuat le kuangte cu hilai ah keng khawng ci. Nangmah le na laitate, na zi le na zineu ten mah khuat tuah zu in haw a, sui le ngun, daal le thik, thing le suang tuah bawlmi khuazingte thangphatnak pia uh ci. Khua mu thei ngawl, imah thu thei zo ngawl le theihnak a nei ngawlmi pathian dangte cu pahcawi tawtok uh ci. Na nunnak uh le thihnak humah thuneitu, na bawlmi hempoh humah thuneitu Pathian saw cu upatnak pia ma uh ci.

DANIEL 5:4

sui le ngun, daal le thik, thing le suangte tuah bawlmi khuazingte cu thangphat tawtok haw hi.

HOSEA 2:8

Ama lakah an, sabit, olif thau le Baal biaknakin, a manmi sui le ngunte a piatu cu keimah ing hi tih hi thei awng ma hi.

HOSEA 8:4

“Ka miphun ten amu thuno in kumpi teng haw hi. Ka lungkimnak um ngawlin lupi tuk vang ten haw hi. A sui le ngun haw suahin, amu siatnak tuk milim bawl haw hi.

HABAKKUK 2:19

A bothal zo ci! Thingtum lakah, “Khanglo toh in!” ti ci; suangpeek lakah, “Tho in!” ti ci. Milim in, na nelah a lak theihmi i nei kaw? Sui le ngun tuah tuammi hi naven a sungah nunnak umma hi.

NUNGZUITU 17:29

Mahti bangin Pathian i cano a hih uh bangin thil thiammi le zuksuai thiam tei sui le ngun milim le suang milim a bawlmi haw hi pathianin a ngaihsut hihim tuk ngawl uhmi hi.

NUNGZUITU 19:26

Mahnaven atu-in Paul a tih haw mi pa in, iti bangin nadek him tih cu nangmuh loli in, na muh uhmi le na zak uhmi hi. Mihing tei bawlcopmi pathiante cu pathian kha haw ma hi, ti in, Efesa khua le Asia ngam venghawng awndiak, mi tampi tei thin sungah a hilhmi thu cu tum ngah hi.

DAAN PIAKLEHNAK 7:25

A milim haal khawng un hi, mah milim humah sui le ngunte vang hawza pahsuh unna, a la hei la kha pahsuh un. Na la uh tale nangmuh awk kha tuk hi. Itahim titale milim bia cu Topa i huatbelmi hi.

MANGMUHNAK 9:20

Hi mihing siatsuahtu pulhnat phun thum tei thah ngawlmi mihing ten amu bawlcopmi thil zamsan nuam cuang haw ma hi. Khawhuai biaknak, sui, ngun, daal, suang le thingtuah bawlcop milim, imah zak theih ngawl, muh thei ngawl, vak theih ngawlnak le awn thei ngawlmi biaknakte cawl cuang haw ma hi.