DANIEL 2:5 - Ngawm Bible

⁵ Kumpipa in, a lak hawah, “Ka mang le a tihnuammi na hilh tuk uh ka tupmi le ka khencat zomi hi. Na hilh thei uh ma tale na khut le ke uh botbal khawng tung a, na inn uhte vang buak khukin cangtik khawng tung hi.

DANIEL 2:5 Iomraidhean Croise

2 KUMPI 10:27

Baal biakinn le Baal suangphutte siatsuah khawngin zun le ek sannak munah mang haw a, tusun tian mangta haw hi.

EZRA 6:11

Hi ka thupiakmi a zui ngawltu cu a inn kaan zum hiam unna, a lek na zup celh uhten amah cu sun un.

SAAM LABU 50:22

Keimah a simsial ngawl tute Hi thu hi komno in ngai un; Mahma tale, nohte cu siatsuah khawng tung. Kuamah pantu nei tukma uh ci.

SAAM LABU 58:7

A kangmi tui bangin pai khawng hawta henna, lampi a sihpekmi hampa bangin thim khawng tahen.

DANIEL 2:12

Mah bek ten, kumpipa cu a thinukin, Babilon ngamsung a, kumpi ngaihsutnak piatute hempoh that khawng tukin thupia hi.

DANIEL 3:29

“Mah hangin atu-in thupia ing hi: Akua bang miphun le nam ahi haw hei in, iti bang awn mangtu ahi haw hei in, Shadrak, Meshak le Abednego tei Pathian upat ngawlin a awntu a um haw tale amuh cu a khut le a ke haw bawhkek khawngin le a inn haw cu buak vawknakin cang tuk hi. Hiti bangin mi humhim theitu pathian dang ilai hei ah umma,” ti hi.

DANIEL 4:9

Belteshazzar, khutlam zothiamte hotu, na sungah Pathian hawvang thiangtho a um hangin nalamdang le thuthukte thei ci, tih thei ing. Ka mang cu hi bangin hi, a sullam hilhin hi!

DAAN PIAKLEHNAK 13:16

Khua sungmi tei neihmi na hempoh cu khuasung khopnak munah khawm khawng un hi. Topa na Pathian uh lakah na bawl uhmi biakpiaknak tukin mah khua le a sung a, ummi hempoh cu haal khawng un hi. Mah khua cu kumkhua sialalta in tundinleh hi tukma toh hi.

JOSHUA 6:26

Mah hun lelengin Joshua in tamsiatnak tuah: “Hi Jerikho khua dinleh tukin a tumtu cu Topa i tamsiatnak tawk tahen; Hi khuapi tungdingleh tukin khuam khuk a cotu cu a capa upabel thi tahen. Hi khuapi kongkhah a bawl lehtu cu a capa nautabel thi tahen,” ti hi.

1 SAMUEL 15:33

Samuel in, “Na ngalnamin numei tampi ca nei ngawlin a bawl bangin atu-in, na nu vang cano nei ngawlin suak bok tuk hi,” ti hi. Gilgal biaklandawh mai loli ah Agag cu Samuel in thatin satcen khawng hi.