DANIEL 2:44 - Ngawm Bible

⁴⁴ Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

DANIEL 2:44 Iomraidhean Croise

PIANPATNAK 49:10

A kumpi ngolh cawi in, a casuante cu uktu hi leleng haw tuk hi. Miphun tampi ten siah pia haw tuk a, upatnakin, a maiah kun haw tuk hi.

2 Samuel 7:13

Ka ca in biakinn sa tukin, a casuan cu kumkhua in kho tuk hi.

2 Samuel 7:16

Tu le casuan nei pepelin, na uknak cu a kumkhua in khotik tung hi. Na kumpi uknak cu bo awng tukma hi ti hi,’ tin hilhin,” ti hi.

SAAM LABU 145:13

Na uknak cu kumkhua in kho hi; Nang cu kumkhua in kumpi ci. Pathian cu a thutepmi hempoh kimtiktu hi. A bawlmi na hempoh ah pha hi.

ISAIAH 60:12

Mahnaven nangma na dek ngawltu miphun cu bo khawng haw tuk hi.

EZEKIEL 37:25

Ka nadektu Jakob lak a, ka piakmi ngam, a pu le pa tei umnak ngamah um haw tuk hi. Mahlai ah kumkhua umin, a canote le a casuante vang kumkhua in um haw tuk hi. Ka nadektu David kumpi bangin kumkhua uk tuk hi.

DANIEL 2:28

Mahnaven vancungah, nalamdang a hilhciang theitu Pathian um hi. Amah in kumpipa, na lakah mailam a piang tukmi thute hilh ham hi. Na hihbuh laih a, na matmi na mang cu hilh tung hi.

DANIEL 2:34

Mah milim cu na zoh lih laih takin kuamah i zen ngawlmi suangpi pa khat cu amahno in lum cawm a, thik le taklei tuah bawlmi a ke cu khiakin, keh let khawng hi.

DANIEL 2:35

Thakhatin thik, taklei, daal, ngun le suite cu keh noi khawngin, a khal hun ten cangngawinak mun a, leivul bangin suak khawng haw hi. Mah leivulte cu huihin, a them hei umngawl tianin mutvawk khawng hi. Mah suangpi cu khang pepelin mual ngengpi suak a, lei buppi khuh khawng hi.

DANIEL 2:37

Kumpi bawipa, nang hi kumpi hempoh lak pen a ngengbel le thawmngengbel ci. Vancung Pathian in kumpi hempoh lak pen a ngengbelah bawlin, huham, ngilnak le minthannak pia hi.

DANIEL 2:43

Na muh bangin thik cu taklei tuah cokhelmi hi. A sullam cu mah ngamuktu bawi ten hinnam khat le hinnam khat kopdunnak tukin hinnam dadang huaidunnak bawl haw tuk tihnak hi. Mahnaven, bawlsuak thei haw tukma, itahim titale thik le taklei cu cokheldun thei ma hi.

DANIEL 4:3

“Pathian i lakmi thasiahhuaite hi iti zahin thawmngeng hum! Nalamdang a bawlmi hi iti zahin kaw huham a neih! Pathian cu kumkhua in kumpi hi tuk a; uk leleng tuk hi.

DANIEL 4:34

“Kum salih a kim ten van khi zo ing a, ka lungmu cangkimleh hi. Cungnungbel Pathian cu thangphat ing, kumkhua a nungmi lakah upatnak le sunloihnak pia ing,” tin kumpi in ti hi. “Kumkhua in uk tuk hi. A uknak cu kumkhua in kho tuk hi.

DANIEL 6:26

Ka ngam sungah mi hempohin Daniel i Pathian cu upat le lau tukin thupia zo ing. “Amah cu a nungmi Pathian kumkhua in, a kho mi Pathian hi. A uknak cu siatsuah hi awng tuk ngawlmi le a huham cu bo ni nei tukma hi.”

DANIEL 6:27

“Mi pantu le mi humtu hi. Lei le van khua tihkimah, thasiahhuai nalamdang bawl hi. Kiosa kam sung pen Daniel pan hi,” tin ti hi.

DANIEL 7:27

Leihum uknak hempoh tei huham le thawm ngengnak cu Cungnungbel Pathian mihing tei lakah piak hi tuk hi. A co haw mi kumpi huham cu boleh awng tukma toh hi, leihummi uktu hempoh ten a nadeh sakin, upat haw tuk,” ti hi.

DANIEL 8:25

Mi zeltel a hih hangin mizolnak tuah tihtheihnak nei pepel tuk hi. Amah le mah muangdunzet tuk naven a phawhkhak ngawlin mi tampi siatsuah tuk hi. Kumpi lakah kumpi thawmngengbel tianin langpang tuk naven amah cu mihing ngilnak tel ngawlin siatsuahnak tawk tuk hi.

MIKAH 4:7

Ke bai haw a, inn pen ngam khawlapi ah um haw hi. Mahnaven a thakin dinpihleh tung a, miphun ngengpi in cang haw tuk hi. Zion mual pen mah hun pepanin, a kumkhua tiang keimah in uk tung,” ti hi.

HAGGAI 2:22

A ngam uknakte vawksak khawngin, a ngilnakte botik khawng tung hi. Cipuhleng le a mawngtute cu linglet khawng tung hi. Cipuhte cu thi in, a hum khungtute cu pa khat le pa khat thatdun haw tuk hi.

HAGGAI 2:7

Miphun hempoh vawk khawng tung, a sum haw le a lo le lamte cu hilai ah keng haw tuk hi; mahten hi Biakinn cu hauhnak tuah dim tuk hi.

MATTHAI 28:18

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

JOHAN 12:34

Mi honpi ten, “Keimuh Daan, ‘Khrih cu kumkhua catngawlin nung leng tuk hi,’ tin hilh hi. Mah ahimata iti bangin Mihing Capa cu khaitohin um tuk tin ti thei nge cim? Mihing Capa tihmi cu akua him?” tin ti haw hi.

HEBRU 12:28

Mahti bang a hih hangin lungdam thatui in um nung. Itahim titale hin theih ngawlmi uknak co hung hi. Pathian nelah a lungdamnak uh langtik nung inna, a lungdamtu zongin, amah cu upatnak tuah bia tuk hung.

MANGMUHNAK 11:15

Mahten a salihnak vancungmi in, a pengkul cu tum hi; van pen aw nging zetin hi bangin ti hi, “Leihumpi uk theihnak tuk huham cu ohtei Topa le Khrih i khut sungah um zo in kumkhua pen kumkhua tian aman uk tuk hi,” tin hilh haw hi.