DANIEL 2:23 - Ngawm Bible

²³ Ka pu le pa tei Pathian, nangmah cu thangphatin upat ing. Cihnak le ngilnak pia ci; ka thungetnak ngai in, kumpi lak a hilh tukmi vang hilh zo ci,” ti hi.

DANIEL 2:23 Iomraidhean Croise

PIANPATNAK 18:17

Topa in, “Thil ka bawl tukmi hi Abraham lak pen sel thei ma toh ing.

PIANPATNAK 31:42

Ka pa i Pathian, Abraham i Pathian le Isaak i biakmi Pathian ka nelah a umma ahin, ka khut thacangin hawlvawk zo tuk ci. Pathian in ka cimkhamnak le ka nadehmi amuh hangin dantatin nangmah liat,” ti hi.

1 KUMPI 18:36

Sunhelin biakpiaknak bawl hun ten profet Elijah cu biaklandawh elah hawhin, “Topa aw, Abraham, Isaak le Jakob i Pathian, nangmah cu Israel Pathian hi tihnak cu atu-in langtikin hi; keimah vang hi na sila ing hi, hi nate hi nangma thupiaknak bangin ka bawlmi hi tihvang langtikin hi.

1 KUMPI 8:57

Topa a Pathian uh cu a pi le pu tei lakah a um bang bokin ohtei lakah vang um zal hen. Nunghekin zamsan thong pahsuh hen.

1 KHANGSIALNAK 29:10

David in mipi mai ah Topa thangphat hi, a pu le pa uh Jakob i Pathian Topa, na min cu thangphatin um leleng hen.

1 KHANGSIALNAK 29:13

Atu-in ka Pathian uh, ka lungdamnak hilh ung a, na min thiangtho thangphat ung hi.

2 KHANGSIALNAK 20:6

nging zetin thungen hi: “Topa aw, ka pu le pa tei Pathian, na umnak van pen leihum hinnam hempoh nangmah in uk khawngin, cahnak le huham hempoh nangmata hi haw in, nang a langpang theitu kuamah um haw ma hi.

SAAM LABU 21:2

Nehtu na hihtik hangin lungdamnak tuah dimin, a lungtupmi pia in; A ngetmi hempoh el ma ci.

SAAM LABU 21:4

Nunnak a ngetmi cu na piak bek sialngawl a bo thei ngawl kumkhua nunnak pia zo ci.

SAAM LABU 25:14

Topa cu a thu zuitu tei ngualcam hi in, a thutepmite na zilh hi.

SAAM LABU 50:14

Na lungdamnak uh hi Pathian lak a na piak uhmi biakpiaknak hi saw hen. Mahten piak tuk tin na tepsa uhmi hempoh cu Cungnungbel lakah pia un.

SUAHTULNAK 3:15

Israel tei lakah, Topa in, na pu le pa tei Pathian, Abraham, Isaak le Jakob tei Pathian in, na lak uhah hah hi, tin hilhin hi. Hihi a kumkhua in ka min hi tuk hi; mailam khan a, mihing hempoh vangin hiti bang hin sam haw tuk hi.

THUPAUCAP 21:22

A cipmi ngalbawi in mi ngil tei cinmi khuapi cu la thei in, A muansan haw mi khua upnak kulhtianpi vang siatik thei hi.

THUPAUCAP 24:5

Tha ngilnak sangin cihnak pha saw hi, thangilnak sangin theihnak thupi saw hi.

THUPAUCAP 8:14

Tuptah hamnak nei ing a, deksuak khawng ing. Theih theihnak nei ing a, ka tha vang ngil hi.

THUHILHTU 7:19

Khua hotu upa sawm khat ten khua ca in, cahnak a piak haw sangin, cihnakin, micip pa i lakah cahnak tam saw pia hi.

THUHILHTU 9:16

“Cihnak cu Thangilnak sangin pha saw,” ti ing. Mahnaven mi ca-ngahpa i cihnak cu imah simsial ngawlin, a ot hei kuamah in, ngai kha nuam haw ma.

THUHILHTU 9:18

Cihnak cu ngal hiamnam sangin pha saw in, misual pa khatin thilpha tampi siatsuah thei hi.

ISAIAH 12:1

Mah ni a hen ten mipi ten; “Topa aw, nangmah thangphat ing. Ka humah na thinuk naven, atu-in, keimah hehnem ci a, na thinuk ma toh ci.

JEREMIAH 33:3

“Sam inna, donleh tung. Na theih awng ngawlmi thasiahhuai na lamdang hilh tung hi.

DANIEL 1:17

Pathian in, hi tangval pa lite cu cihnak, lai thiam theihnak le ngaihsut thiamnak pia hi. Mah hum pen Pathian in Daniel cu muhnak le mang hilhciang theihnak pia hi.

DANIEL 2:18

Babilon ngamsung kumpi ngaihsutnak piatute tuah thahcih a hih ngawlnak haw tukin le mah nalamdang cu a lak hawah ciangtikin, Pathian lakah hehpihnak ngen tukin hilh hi.

AMOS 3:7

Cungnungbel Topa in, a nadektu profet tei lakah a tumtahmi phuang hihta ngawlin nadek awng ma hi.

MATTHAI 11:25

Jesuh in, “Maw ka pa, lei le van i Topa! Micip le mithiam tei lak pen a sel lelengmi khi atu-in imah a thiam ngawl tei lakah na langtik hangin lungdam ing.

LUKA 10:21

Jesuh cu Hawvang Thiangtho in lungdamnak tuah dimtikin, “Maw ka pa lei le van i Topa, micip le mithiam tei lak pen na selmi cu cihnak le thiamnak a nei ngawl tei lakah langtik zo toh na hih hangin na min thangphat ing. Hizuh hi, Ka pa, himi hi nangma deihzawng hi.”

JOHAN 11:41

Suangpek cu thawn haw in, Jesuh cu van hekto in, “Pa aw, ka thu na ngaih hangin lungdam ing.

JOHAN 15:15

Nohte cu sila tih hei in, samleh tukma toh ing. Itahim titale sila ten a bawipa i bawlmi thei kha awng haw ma hi. ‘Sila,’ ti ngawltohin, ngualcam, tin sam ing: itahim titale ka Pa i lak pen ka zakmi hempoh hilh khawng zo ing hi.

MANGMUHNAK 1:1

Hi thu hi Jesuh Khrih i phuanmi hi: A hengpal tukmi nate, a sila tei lakah langtik tukin Pathian in, a lakah a phuanmi hi. Mahmi cu Khrih in, a vancungmi pa khat hahin, a sila Johan lakah a theihtikmi hi.

MANGMUHNAK 5:5

Mahten upa pa khatin, “Kap pahsun; zo inna! Judah hin sung pen a hungmi Kiosa tin sammi, David i casuan mi sunglawi tin sammi cu nehtu hi zo a, tacik salih cu botkekin laizialpi cu hong tuk,” ti hi.