DANIEL 2:22 - Ngawm Bible

²² Thuthuk le thukuhte vang, amah in langtik khawng hi. Khuathim lak a, selmi vang thei khawng hi. Amah cu vaknakin kil hi.

DANIEL 2:22 Iomraidhean Croise

PIANPATNAK 41:16

Josef in, “Kumpipa aw, keima tih theihmi kha ma hi; mahnaven Pathian in hilhciannak dik pia tuk,” ti hi.

JOB Laibu (The Book of Job) 12:22

Khuathim sung a, thukuhte langtikin, a sah zetmi meingo cu vaaknak tuah thektik hi.

JOB Laibu (The Book of Job) 26:6

Mithi khua Sheol cu Pathian mai ah lang khawng; lalthongnak mun cu limtu imah nei ma hi.

SAAM LABU 104:2

Vaknak tuah thuam ci, Vante khi puanbuk bangin phalh ci a

SAAM LABU 25:14

Topa cu a thu zuitu tei ngualcam hi in, a thutepmite na zilh hi.

SAAM LABU 36:9

Nang cu nunnak hempoh tei nunnak ciktui hi ci. Nangma vaknak hengin vaknak mu ung.

THUHILHTU 8:1

Micipte bekin na a piangmi i sullam thei haw hi. Cihnakin micip tei mitmai vaktikin, mitmai siate paitik khawng hi.

ISAIAH 41:22

Hilai ah hung unna, thil a piang tukmi hilh ham hem un; Thil a piang zo tohmi tei tihnuammi hilhciang hem un! Mailam a, thil a piangmi a um ten a tihnuammi a theih theihnak tukin Itih zawngin kim tuk hum tih hilhciang hem un!

ISAIAH 41:26

Hi thil piang tuk hi, tin, a hilh ham theitu kua beek um uh cim maw? Dik ngai uh ci tih tukin a kua beek um uh ci maw? Mahti bang a awntu kuamah umma si uh si; kam khatno hei awn ma si uh si, Na awn uh a zatu pa khat hei um haw ma si!

ISAIAH 42:9

Heng tuk hi tin, ka hilhsa mi cu heng ngangai zo hi. Atu-in thil thak hilh tung. A hen laih ngawlin hilh ham tung,” ti hi.

ISAIAH 45:7

Vaknak le thimnak bawltu ing. Thupha le thihnak poimawh piangtiktu hei hi ing. Hi hempoh a bawltu cu Topa keimah ing.

JEREMIAH 23:24

Ka muh theih ngawl tianin, a ngelh theitu kuamah um haw ma. Lei le van, ilai banglai ah ka um hi thei ma uh ci maw?

JEREMIAH 33:3

“Sam inna, donleh tung. Na theih awng ngawlmi thasiahhuai na lamdang hilh tung hi.

DANIEL 2:11

Kumpipa na thudotmi hi hak leita a hih hangin pathiante tih ngawl mihingin, na ca in, a let theitu kuamah um haw tukma hi. Mihing le pathiante lakah um sih haw ma,” tin donleh haw hi.

DANIEL 2:19

Mah zan loli ah Daniel in muhnak nei in, thuthukzette cu a lakah ciangtik hi. Daniel in vancung Pathian cu thangphat hi.

DANIEL 2:47

Kumpi in, “Na Pathian hi pathian dang hempoh lak pen thawmngengbel hi; kumpi tei humah Topa hi a, thasiahhuai nate hilhciangtu Pathian hi. Hi cu thei ing, itahim titale thasiahhuai nate nangmah in hilhciang zo ci,” ti hi.

DANIEL 5:11

Na ngam sungah pathian thiangtho tei hawvang a neitu mi pa khat um hi. Na pa kumpi a hih laihin, mahpa in ngaihsutnak dik le theihnak a neihdante langtik zo in, a cihnakte cu pathian cihnak bang hi. Mah hangin na pa, kumpi Nebuchadnezzar in khutlam zothiamte, mitzial thiamte, kungkhai thiamte le aksi zothiam tei hotu in bawl hi.

DANIEL 5:14

Pathian hawvang thiangtho cu na sungah umin, thiamnak, theihnak le cihnak nei ci tih za ing.

MATTHAI 13:13

Itakaw amu lakah ka ot ten tehkipnak mang ing kaw titale amuh ten zo haw naven mu thei haw ma hi, ngai haw naven za thei haw ma hi.

JOHAN 1:9

Mah vaknak cu vaknak ngangai hi. Mah vaknak cu leihumah hungin mi hempoh a vaktiktu vaknak hi.

JOHAN 21:17

Jesuh in, “Johan capa Simon, keimah it cim?” tin, a vei thumnak dong lehleu hi. Mahti bangin vei thum tian Jesuh in, “Keimah it cim?” tin, a dot hangin Peter cu a thasia in Jesuh i lakah, “Topa nangin ihempoh thei khawng ci. It ing hi tihvang cu thei khawng poh sisi,” ti hi. Jesuh in, “Ka tuute cingkhawi in hi.

JOHAN 8:12

Jesuh in Farasi tei lakah, “Kei cu leihum vaknak ing hi, akua hei hihen keimah a zuitute cu nunnak khuavak nei haw tuk a, khuathim sungah vakvai haw tukma,” ti hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

EFESA 3:5

Ni dang laihin mahmi thu-ip cu kuamah i lakah phuan hi awng ma hi; mahnaven atu cu Pathian in, a thiangmi a kamtai le a profet tei lakah a Hawvang tuah phuang zo hi.

DAAN PIAKLEHNAK 29:28

Topa cu a thinukzet hangin a mihingte cu a ngam haw pen lawntulin, ngamdangah vawk hi, tuni tian mahlaiah umta haw hi.’

1 TIMOTE 6:16

Amah bek hi a thi thei ngawlmi Pathian hi; a umnak mun cu vak leita in kuamah in zuan zo haw ma hi. Amah cu kuamah in mu awng haw ma hi; Kumkhua ngilnak, huham le upatnak cu ama lakah um leleng tahen! Amen.

HEBRU 4:13

Pathian lak pen sel theihmi imah umma hi, Pathian i semsuahmi na hempoh cu ama mai pen hon khawngmi le phalhlet zingzengmi bangin lang haw hi. Ni kha khat ten a venghawng uhin ama mai ah phuangleh khawng pilpial tuk laih hung hi.

JAMES 1:17

A phami le a cangkimmi laksawng hempoh cu vancung pen a hung mite hi. Vancung a, vaknak bawltu Pathian lak pen hung haw hi. A bawlmi nate kheel naven Pathian cu kheel awng ma hi. Hun le cante a hel li vangin Pathian lak pen khuathim tih um awng ma hi.

1 JOHAN 1:5

A Capa i lak pen a theih uhmi thu le nangmu lakah ka phuan uhmi cu hi thu hihi; Pathian cu vaknak hi, a sungah thimnak umma hi.