DANIEL 2:21 - Ngawm Bible

²¹ Amah in hun le cante cu bawl hi; kumpite tungdingin, khiasukleh hi. Amah cu cihnak le theihtupnak piatu hi.

DANIEL 2:21 Iomraidhean Croise

1 KUMPI 10:24

Pathian i piakmi cihnak thei nuamin le ngai nuamin leihum khua tihkim pen mihing tampi a lakah hung mek haw hi.

1 KUMPI 3:28

Solomon i thukhennak cu Israel miten a zak haw ten dikcangno in thukhen thiamnak cu Pathian in pia hi tih thei in, Solomon cu upatin kihcazet haw hi.

1 KUMPI 4:29

Pathian in Solomon cu cihnak le theihtupnak pia in, a cihnak cu ngun mawk a philnel zah sialcelh ma hi.

1 KHANGSIALNAK 22:12

Israel ngam cu ama Daan bangin na uk theihnak tukin Topa na Pathian in cihnak le theihtupnak pia zal tahen.

1 KHANGSIALNAK 29:30

Ngam a uk daan, huham a neih daan, a hum a hengmi thu le late le Israel le a elkim ngamte ah a piangmi thu le late vang kimno in ngan haw hi.

Esther 1:13

Atu-in, thil thupi le thu haksa a um ten kumpipa in ngaihsutnak piatu tei ngaihsutnak cu dong masa mek hi. Mah hangin amah ngaihsutnak piatute, iti bawl ahin pha tuk him tin dong hi.

JOB Laibu (The Book of Job) 12:18

Kumpipa i kol a bulhmite cu duhsakin, kumpite cu thawngah khia in, a tai hawah taikhap khap sak hi.

SUAHTULNAK 31:3

Amah cu ka hawvangin dimtik zo ing a, thil tihtheihnak, cihthiamnak le khutzung thiamnak a phunkim nei hi.

SUAHTULNAK 31:6

Amah tuah nadek tukin Dan phun sung pen Ahisamak i capa Oholiab cu teng zo ing. Bawl tukin ka thupiakmi hempoh a bawl theihnak haw tukin a dang khutzung thiam tei lak heiah thil tihtheihnak tamzet pia zo ing.

DANIEL 1:17

Pathian in, hi tangval pa lite cu cihnak, lai thiam theihnak le ngaihsut thiamnak pia hi. Mah hum pen Pathian in Daniel cu muhnak le mang hilhciang theihnak pia hi.

DANIEL 10:1

Darias in Persia kumpi a deh kum thumnakin Belteshazzar tih hei a sammi Daniel i lakah thu pa khat heng hi. Mah thu cu thudik hi naven theih haksazet hi. A lakah muhnak tuah a hilhciangmi hi.

DANIEL 11:6

Kum tampi nungten Izipt kumpi cu Siria kumpi tuah tang langkhatnak tuk laikhet bawlin, a canute vang a zi tukin pia tuk hi. Mahnaven mah laikhet cu ngeiphat tukma hi. Izipt kumpipa i canu, a pasal, a cate le amah zuitu umlawhte thah khawng hi haw tuk hi.

DANIEL 2:20

“Pathian cu cipin huham nei hi! Kumkhua in amah cu thangphat un!

DANIEL 2:23

Ka pu le pa tei Pathian, nangmah cu thangphatin upat ing. Cihnak le ngilnak pia ci; ka thungetnak ngai in, kumpi lak a hilh tukmi vang hilh zo ci,” ti hi.

DANIEL 2:9

na venghawng uhin bawlsiatnak bangten pia tung, tin ka ngaihsutsa mi na theih uh hangin hi. Hun a ngei deuh tale thu cu thekdunleh tuk poh tin, muansannak na neih uh hangin nangmu lakah theihdunnak nei in zolthu bebek hilh li thong uh ci. Ka mang cu i hum tih hilh un. Ka mang i sullam vang hilh thei uh ci tih thei tung,” ti hi.

DANIEL 4:14

Aw ngingzet tuah thuthanin, ‘Thingkung hi phuk unna, a kakte talh khawng un. A cehte heuh khawng unna, a ngahte khenkhek khawng un. A lak pen ngamsate le a kak pen vanote hawlvawk khawng un.

DANIEL 4:17

Hi cu a ngallingzettu vancungmi i soncatmi hi. Mah a hih hangin leihum khua hempoh ten thei haw hen: Cungnungbel Pathian in mihing i ngam uknak humah thunei in, mah ngam uknak cu a deihmi lakah pia hi, leihummi nautabel lak hei ah pia thei,” ti hi.

DANIEL 4:22

“Maw kumpipa, a sang zetmi le a kho zetmi thingkung cu nangmah hi ci. Nasezet ci a, vankhong ci; na ngilnak huham cu leihum hempoh ah hengkim khawng hi.

DANIEL 4:32

Mihing umnak khua le ngam pen hawlvawk hi tuk ci; hampa lak ngamsa tei lakah umin, kum salih sung khuicang bangin hampa ei tuk ci. Cungnungbel Pathian in mihing ngam uknak humah thunei in, mah ngam uknak cu ama nuammi lakah pia thei tih cu thei tuk ci,” ti hi.

DANIEL 7:25

Cungnungbel Pathian sonsia tuk a, Pathian mihingte bawlsia tuk hi. A biaknak daante le puaite thek tum tuk hi; Pathian mihingte cu kum thum le a lang sung a khutnuai ah koih tuk hi.

LUKA 21:15

Itahim titale awn kam thiamnak le cihnak nase zetin pia tung a, na awn uh a don theitu tuk pa khat hei um haw tukma hi.

ROM Khua Khristian Tei Lakah Paul i Laikuat (Paul’s Letter to the Romans) 13:1

Ngam uktu bawi tei thu ngai un; itahim titale Pathian lungkim ngawlin kuamah thuneitu in um theihmi kha ma hi; mahten tu a thuneitute hi Pathian i koih mite haw hi.

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

JAMES 1:17

A phami le a cangkimmi laksawng hempoh cu vancung pen a hung mite hi. Vancung a, vaknak bawltu Pathian lak pen hung haw hi. A bawlmi nate kheel naven Pathian cu kheel awng ma hi. Hun le cante a hel li vangin Pathian lak pen khuathim tih um awng ma hi.

JAMES 1:5

Nangmu lakah cih le thiamnak a tingsammi na um uh tale Pathian nelah ngen henna, Pathian in pia tuk hi. Itahim titale akua i lakah hei hihen Pathian in phal zetin le hehpihnak tuah pia hi.

MANGMUHNAK 19:16

A puan le a kawngah min a ngat haw mi cu, “Kumpi hempoh lak pen kumpi, Topa hempoh lak pen Topa Bel hi,” tin ngan hi.