DANIEL 2:12 - Ngawm Bible

¹² Mah bek ten, kumpipa cu a thinukin, Babilon ngamsung a, kumpi ngaihsutnak piatute hempoh that khawng tukin thupia hi.

DANIEL 2:12 Iomraidhean Croise

JOB Laibu (The Book of Job) 5:2

Thinuk leleng a nun cu misilte thattu hi. Iksiknak cu mi tawinate thattu hi.

SAAM LABU 76:10

Mihing tei thinuknak a um ten nangmah thangphatnak tam dedeuh hi. Ngaldonak pen thi ngawlin a tang ten, Nangma puaite bawl haw tuk hi.

THUPAUCAP 16:14

Micipin kumpi lungdamtik tukin tiam hi. Kumpi a thinuk tale pa kha khat thi kha tuk hi.

THUPAUCAP 19:12

Kumpi thinuknak cu kiosa thum bang hi. Mahnaven a hehpihnak cu hampa hum a daita bang hi.

THUPAUCAP 20:2

A thinukmi kumpi cu a hawk khu khummi kiosa na lau bangin lau in hi. Amah a thinuktik tu cu amah le mah thatdun tuah bangten hi.

THUPAUCAP 29:22

Thincom ten hauhdunnak le buainak tampi na tultik haw hi.

DANIEL 2:24

Daniel cu kumpi ngaihsutnak piatute that tukin dehvo a piakmi Ariok lakah hawhin, “That pahsun, kumpipa i lakah hawhpih inna, a mang cu let tung,” ti hi.

DANIEL 2:5

Kumpipa in, a lak hawah, “Ka mang le a tihnuammi na hilh tuk uh ka tupmi le ka khencat zomi hi. Na hilh thei uh ma tale na khut le ke uh botbal khawng tung a, na inn uhte vang buak khukin cangtik khawng tung hi.

DANIEL 3:13

Mah thu hangin, kumpipa a thinukzet a hih ten mah pa thumte cu a mai ah hunpih tukin thupia hi.

DANIEL 3:19

Mahtin a ot haw mi cu Nebuchadnezzar in, a theih ten a thin sup thei ngawlin, Shadrak, Meshak le Abednego tei humah a thinuk leita in, a maisan khawng hi. A mihingte cu thupia in, mei a tuah mek haw sangin let salih sa tukin tuahtik hi.

DANIEL 5:19

Nase zetin miphunte, hinnam le awn hempoh a mang miten lau in can haw hi. Mi pa kha khat that a nuam tale that thong, nungtik a nuam tale nungtik hi. A nuanuamin mite cu minphatnak pia in, mualphonak vang umtik hi.

MATTHAI 2:16

Herod in nisuahnak lam a micip ten zol haw hi, tih a theih ten a thinukzet hi. Micip tei hilhmi aksi a tul hun tuah khawthu tuk tuatin, Bethlehem le a elkim khua ah a ummi pano naupang kum nih le a nuaisiah thah khawng tukin thupia hi.

MATTHAI 5:22

Mahnaven kei in, a unau humah a thu um ngawl pi in, a thinuktu cu thukhennak thuak tuk hi; a kuakua hei hi tahen a unau imah simsial ngawltu cu thukhentu mai ah hawhpih hi tuk a, a unau cu ‘Imah nei cuamnak nei ngawl!’ tin tamsia in, a titu cu hellah heng tuk tih lauhuai hi.