DANIEL 2:11 - Ngawm Bible

¹¹ Kumpipa na thudotmi hi hak leita a hih hangin pathiante tih ngawl mihingin, na ca in, a let theitu kuamah um haw tukma hi. Mihing le pathiante lakah um sih haw ma,” tin donleh haw hi.

DANIEL 2:11 Iomraidhean Croise

PIANPATNAK 41:39

Kumpipa in Josef lakah, “Pathian in hi na hempoh hi nangmah a theihtik hangin, nangmah sangin thu thei saw le micip saw kuamah um haw ma hi, tih cu cangcianzet hi.

PIANPATNAK 41:8

A zingten a lungnop viang ngawlin, Izipt ngamsung a, mitzial thiamte le micip hempoh sam khawng hi. A mang cu hilh khawng naven, a hilhciang thei kuamah um haw ma.

1 KUMPI 8:27

“Mahnaven Pathian, nang cu leihumah um thei ngangai ni cim? Khua tihkim vanhaang nuai hempoh hei hi nangma ca in cawngcikzet laih hi. Mah hangin hi Biakinn ka sakmi ah hin itin kaw na thawl theih tuk?

2 KHANGSIALNAK 6:18

“Mahnaven, maw Pathian aw, leihum mihing tei lakah um thei ngangai ni cim? Van i van sawlawn hei ah va ma vecin, ka sakmi Biakinn ah itin kaw na thawl theih tuk?

SAAM LABU 132:14

“Hilai ah kumkhua in um tung, ka umnak tukin deih ing.

SAAM LABU 68:18

Topa cu muallekah kai hi. A ngalmatmi tampi hawhpih hi. Ngalthotu tei lak pen laksawng tampi ngah hi. Topa Pathian cu mahlai ah um tuk hi.

SUAHTULNAK 29:45

Israel tei lakah um tung a, Pathian haw hi tung hi.

SUAHTULNAK 8:19

a mitzial thiam ten kumpi lakah, “Hihi cu Pathian i bawlmi!” tin ti haw hi. Mahnaven kumpi i lungmu cu abang lengin khohin, Topa i hilh hamsa bangin Moses le Aaron i thu cu ngai nuam ma laih hi.

ISAIAH 47:12

Na mitzial le na mitzial thiamnakte hah suah pahsun; Na neulaih pepan na manmi haw hi. Nangmah bawmleh hei hi kha thei haw! Na ngal ten a lau haw hei hi kha thei hi.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

ISAIAH 8:18

Hilai ah Topa i piakmi canote tuah um ung. Cungnungbel Topa i khunnak cu Zion Mualah umin, keimuh hi Israel tei lakah a langtiktu tukin a hahmi ung.

DANIEL 4:4

“Ka innah nunnopzet le neinung zetin um mek ing.

DANIEL 5:11

Na ngam sungah pathian thiangtho tei hawvang a neitu mi pa khat um hi. Na pa kumpi a hih laihin, mahpa in ngaihsutnak dik le theihnak a neihdante langtik zo in, a cihnakte cu pathian cihnak bang hi. Mah hangin na pa, kumpi Nebuchadnezzar in khutlam zothiamte, mitzial thiamte, kungkhai thiamte le aksi zothiam tei hotu in bawl hi.

MIPUM SIALNAK 35:34

Na umnak ngam uh cu nawngkaitik pahsuh un, itahim titale keimah hi Topa hi ing a, Israel tei lakah um ing,” ti hi.

MATTHAI 19:26

Jesuh in, a maicang zo in, “Hihi cu mihing tei ca in, a cangthei ngawlmi hi. Mahnaven Pathian i ca in ihempoh cangthei hi,” tin ti hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 14:17

Amah cu Hawvang hi ama Pathian thutak langtiktu hi. Leihumpi in amah pom thei ma hi. Itahim titale a theih haw ngawl hangin le amuh bat haw ngawl hangin hi. Mahnaven noh ten amah khi thei uh ci. Itahim titale nangmu lakah umcih leng a, na sung uhah amah a nun hangin hi.

JOHAN 14:23

Jesuh in, “Kei a ittu pawpohin ka thu khi ngai tuk hi. Amah cu ka Pa in, it bok tuk a, keimah le ka Pa cu hungin ama lakah um tuk ung hi.

2 KORIN 6:16

Pathian i biakinn le umngawltu tei milimte itang kaw a lemdun theih haw tuk? Itahim titale oh cu a nungmi Pathian i biakinn hung hi. Pathian amah loli in: “Ka mihing tei lakah ka umnak inn sa tung a, amu lakah um tung. A Pathian haw hi tung a, amuhte cu ka mihing hi haw tuk,” ti hi.

MANGMUHNAK 21:3

Kumpi khunnak pen aw ngingzet ka zakmi in, “Pathian umnak inn cu mihing lakah hi zo! Amah cu amu lakah um tuk a, amuhte cu ama mihing hi haw tuk hi. Pathian amah loli cu amu lakah um tuk a, a Pathian haw hi tuk hi.