DANIEL 12:6 - Ngawm Bible

⁶ Mahmi pa khatin tui humlam a dingtu vancungmi lakah, “Hiti bang thasiahhuai nate a bo laih ngawlin hun iti can um tuk laih kaw?” tin dong hi.

DANIEL 12:6 Iomraidhean Croise

SAAM LABU 74:9

Sialsiahnak a neih uhmite umleh ma zo. Profet pa khat hei umleh haw ma toh; Hitih bangin ituk tian um tuk tih cu kuamah in thei ma hi.

EZEKIEL 9:2

Thakhatin, Biakinn saklam kongka pualam pen mihing pa luk cu hiamnam cawi tekin tul haw hi. A lak hawah puan pa dildelno a silhmi mihing pa khat umin, laingatnak cawi hi. A venghawng haw in daal biaklandawh elah ding haw hi.

DANIEL 12:5

Mah nungten tui mawkah mi pa nih ding mu ing, mawk khatah pa khat veve ding haw hi.

DANIEL 12:8

Mahtibang a tihmi cu za naveng, a sullam thei zo mang. Mah hangin, “Topa, iti bangin kaw a bonak ahi tuk?” tin dongleh ing.

DANIEL 8:13

Mahten vancungmi pa khatin, a dang vancungmi lakah, “Hi muhnak sungah a langmi hi itik tian kaw a ngei tuk? Hiti bang mullinghah sualnakin itik tian kaw nisial bawlmi biakpiaknak cu a khahtan tuk? Itik tian kaw van ngalkapte le Biakinn cu sihpek a hih tuk?” tin, a dot cu za ciang hi.

DANIEL 8:16

Ulai Ngunpi hum pen aw pa khatin au in, “Gabriel, a muhmi i tihnuammi cu a lakah hilhciangin,” ti hi.

MATTHAI 24:3

Jesuh cu Olif Mual humah a khun laihtakin, a nungzuitute kuamah i theih ngawlin a lakah hawh haw in, “Hilh hemin i tuk ten kaw na hilhmi bangin a hen tuk? Na hunlehnak tuk le hun a bonak tuk, hun nai zo tih theihnak tukin melciknak i heng tuk kaw,” tin dong haw hi.

MARKA 13:4

“Na sonmi i hun cu ituk ten tuk kaw? Hilh tehin! Mah hun cu hengpal tuk tih theihtupnak tukin i melciknakte um tuk kaw?” tin dong haw hi.

EFESA 3:10

Ita mah tin sel hum ti ahin a pawlpi i hangin vancung a vancungmi uktu le thuneitu ten Pathian i cihnak cu a phunkimin, tu khang hunah a theihkim theihnak haw tukin hi.

1 PETER 1:12

Profet tei nadehnak cu amuh tei nemcuamnak tuk hi ngawlin nangmuh tei ca tukmi saw hi, tihmi Pathian in amuh tei lakah langtik hi. Mahten profet tei a hilh haw mi cu atu-in vancung pen a hahsukmi Hawvang Thiangtho i huham hangin Thuthangpha a phuangtu tei lak pen na zak uhmi hi. Hi thu hi vancungmite hei in, a theih nuam haw mi thu hi.

MANGMUHNAK 15:6

A lauhuai zetmi bawlsiatnak salih hunpihtu vancungmi salih cu mah biakinn sung pen tul haw hi; mahte cu puan ngo silhin, sui awm kilhnak tuah a awm haw cu kilh haw hi.

MANGMUHNAK 19:14

Vancung ngalkap ten patzai tuah tahmi puan ngo thiangtho silhin, cipuh ngo humah khungin zui haw hi.

MANGMUHNAK 6:10

Amuh ten nging zetin hitin au haw, “A thiangthomi le a dikmi Cungnungbel Topa aw, leihummi, kohte thatin, thi a luangtiktu hi phu la ngawlin le dantat ngawlin na um tuk,” tin ti haw hi.