DANIEL 12:4 - Ngawm Bible

⁴ Ka lakah, “Daniel, atu-in laibu cu khup inna, leihum a bo laklawh kuamah i hon theih tuk ngawlin a humah tacik khenin hi. Mi tampi ten iti bang thu piang tih a sullam theih tum li haw tuk naven thawnthong tuk,” ti hi.

DANIEL 12:4 Iomraidhean Croise

ISAIAH 11:9

Pathian mual thiangtho Zion ah, Liamsuahnak le phatngawlnak imah um tukma hi. Itahim titale tuipi ah tui a dim bangin, leihumah Topa i thutheihnak dim tuk hi.

ISAIAH 29:11

Profet tei muhmi langnak hempoh a sullam na theih thiam ngawlnak tuk uhin selin um tuk, tacik khet haw mi laizial bang hi haw tuk hi. Lai a sial thiam tei lakah hawhpih uh ci a, sialsak hemin, na ti uh hei in, sial thei mang, tacik khen haw si ti haw tuk hi.

ISAIAH 30:26

Hade cu ni bangin vak tuk a, ni cu a satdan sang hei in let salihin al tuk; ni salih i vaknak cu ni khatah khawm ahin, mah bang tuk hi. A humah a piang tukmite cu Topa in, a mitei lakah a hentikmi meimate tuamsakin, a damtik hun ten kim khawng tuk hi.

ISAIAH 32:3

Mipi tei kinmi le kulmi ah mit hakin ngai haw tuk hi.

ISAIAH 8:16

Noh ka nungzuitute, Topa in, ka lakah a hilhmi thute a cingkhawitu le a nungtiktu tuk hi uh ci.

JEREMIAH 5:1

Jerusalem mite, na khuasung lampi tuanah tai kawkawi le uh ci, khuadang hekin zo cangcian hem un. Dawl bawlnak mun tianin zei hem un! Thildik a bawltu le Pathian i muantakin, a nungtu, mi pa khat bek tawk ni uh cim? Na tawk uh tale Jerusalem cu Topa in ngaidam tuk hi.

DANIEL 10:1

Darias in Persia kumpi a deh kum thumnakin Belteshazzar tih hei a sammi Daniel i lakah thu pa khat heng hi. Mah thu cu thudik hi naven theih haksazet hi. A lakah muhnak tuah a hilhciangmi hi.

DANIEL 10:14

Mailam ten a mihing tei humah i heng tuk hum tih theitik tukin hung zo ing. Hi muhnak cu mailam ca,” ti hi.

DANIEL 11:33

Mipi lak a, hotu ten a cihnak haw cu mi tampi tei lakah kawm bok haw tuk hi. Mahnaven a ngei ngawlin mahmi khenkhatte cu ngaldonakah thi haw tuk a, khenkhatte cu mei tuah halkang haw tuk hi. Mi khenkhat cu a van haw lonsak hi haw tuk a, thawngah khiak hi haw tuk hi.

DANIEL 11:40

“Siria kumpi i hun a bo tutuh toh ten Izipt kumpi in amah cu do tuk a, Izipt kumpi cu a ngilnak venghawng, a cipuh, a cipuh lengte le timbaw tampi tuah do bok tuk a, tuilun bangin ngam tampi do tuk hi.

DANIEL 12:13

“Nang Daniel, a bo tian muantak zetin umin hi. Leihum na nunnak cu bo tuk naven hun bonak ten laksawng co tukin tholeh tuk ci,” ti hi.

DANIEL 12:5

Mah nungten tui mawkah mi pa nih ding mu ing, mawk khatah pa khat veve ding haw hi.

DANIEL 12:9

Amah in, “Daniel, atu hawh inna, hi thute cu hun bonak a hen laihngawl sung cu kuamah i theih tuk ngawl selkuhin, tacik khetmi hi tuk hi.

DANIEL 8:17

Gabriel cu hungin ka elah a din ten lau leita in lei ah bok ing. Ka lakah, “Mihing pa, hi thu hi theih tuk zuamin hi. Na muhmi hi leihum bonak thu tuah pehdunnak nei,” ti hi.

DANIEL 8:19

“Pathian thinuknakin iti bangin piangtik tuk hum tih lak ing. Na muhmi muhnak cu hun nungdawlbel tuah pehdunnak nei hi.

DANIEL 8:26

Na lakah hilhcian sa zomi zinglam le taklam biakpiaknak thu ah na neihmi cu kim ngangai tuk hi. Mahnaven thukuhin koihin, itahim titale a kimnak tuk hun ngei tuk laih poh tin,” ti hi.

MATTHAI 24:14

Mahten miphun hempoh tei theih khawng tukin vancung Uknak Thuthangpha hi leihum khua hempoh ah phuan hi tuk hi. Mah nungten a tawpnak cu heng tuk hi.

ROM Khua Khristian Tei Lakah Paul i Laikuat (Paul’s Letter to the Romans) 10:18

Mahnaven ka thudot nuammi cu: “Thuthangpha phuanmi hi thei awng ma ngangai haw maw?” tihmi hi. Thei haw hi; itahim titale Lai Thiangtho in: “A ot nging haw cu leihum khua hempoh ah thang hi, A ot haw cu lei tawpnak tianin heng hi,” a tihmi khi a man hi.

MANGMUHNAK 10:4

A ot bek haw ten lai tuah ngan tukin el ing. Mahnaven van pen aw pa khat nging za ing hi, “Van thum salih tei otmi cu imdenin koihin, lai tuah ngan pahsun,” ti hi.

MANGMUHNAK 22:10

Mahten ka lakah, “Hi laibu sung a, ngatmi profet awnkam hi thu-ip bang koih pahsun, itahim titale hi thute hi kim pal tuk hi.

MANGMUHNAK 5:1

Kumpi khunnak humah a khungmi in, a taklam khutah laizial pa khat a cawi khi mu ing. Mah laizial cu a sunglam le a pawlamin ngatmi hi a, tacik salih tuah khetmi hi.