DANIEL 12:3 - Ngawm Bible

³ Hotu micipte cu van a vaknak hempoh tuah vak haw tuk hi. A dikmi bawl tukin mi tampi a zilhtute cu aksi bangin kumkhua in al leleng haw tuk,” ti hi.

DANIEL 12:3 Iomraidhean Croise

SUAHTULNAK 34:35

Moses i mitmai cu al zetin mu haw hi. Thuhilh a celh ten a mai khuhnak tuah khuhleh hi. Topa tuah otpihdun tukin Puanbuk sungah a tumleh laklawh a mai cu khuh leleng hi.

THUPAUCAP 11:30

Diknak i ngah cu nunnak hi. Mahnaven phatngawlnakin nunnak cu paitik thei hi.

THUPAUCAP 3:35

Micip ten upatnak le sunloihnak co haw tuk a, misil ten zahcak mualphonak co haw tuk hi.

THUPAUCAP 4:18

Mahnaven midik tei lampi cu zing khuavak pen sun tiang a vak dedeuhmi vaknak tuah bangve hi.

THUHILHTU 12:9

Thuhilhtu in, a cihnak tuah a theihmi cu mipi lak zilh pepel hi. Thupaucap a tuatuam a theihmi cu dongkanin, ciangtik pepel hi.

ISAIAH 53:11

Haksatnak a thuak nungten lungdamnak tawk tuk; A thuaknak cu a thawnthong ma hi tih cu thei tuk hi. Amah cu a dik, a manmi keima nadektu a hih hangin ka lungdam ing. Mi tampi tei ca in dantatnak thuak tuk a, amuhte cu a sualnak haw ngaidam tung.

JEREMIAH 23:22

Ka thukuh ngaihsut mite a thei hawta bang ahin, ka mitei lakah ka thu cu hilhin, a nuncan pha ngawl le thil sual a bawl haw mite zamsan zo haw tuk toh hi.

DANIEL 11:33

Mipi lak a, hotu ten a cihnak haw cu mi tampi tei lakah kawm bok haw tuk hi. Mahnaven a ngei ngawlin mahmi khenkhatte cu ngaldonakah thi haw tuk a, khenkhatte cu mei tuah halkang haw tuk hi. Mi khenkhat cu a van haw lonsak hi haw tuk a, thawngah khiak hi haw tuk hi.

DANIEL 11:35

Mah dotu micip khenkhatte cu thahnak tawk haw tuk hi. Hiti bang thuaknak hangin mipite cu thiangtho deuh haw tuk hi. Pathian i tekmi hun tawpnak a hen laklawh cu hi bangin cang pepel tuk laih hi.

DANIEL 12:10

Mi tampi cu thiantiknak ngah haw tuk hi. Mipha ngawl ten thei zo haw tukma, pha ngawl pepel haw tuk a, micipte bekin thei zo haw tuk hi.

MATTHAI 13:43

Pathian i mite cu a Pa Pathian haw i Uknak sungah ni bangin vak haw tuk hi. Mah hangin beng a neitu ten zata un,” ti hi.

MATTHAI 19:28

Jesuh in amuh tei lakah, “Thungai in hilh ing hi, san thak hengin Mihing Capa cu a khunnak sunglawi humah a khun ten noh ka nungzuitu sawm le pa nihte cu Israel miphun sawm le pa nih uktu hi bok tukin khunnak humah khung bok tuk uh ci.

MATTHAI 24:45

“Mahti bang ahi tale, akua tuk him, muantak le a cip umlawh cu? Muantak le a cipmi umlawhpa cu a bawipa in, a dang umlawhte a khawngtu in koih tuk hi, a hun man zetin umlawh dangte an pia theimi hi tuk hi.

JOHAN 4:36

An a cawmtu pa cu a thaman piak hi in, an cu kumkhua a nunnak tukin cawm hi. Mahten anci a cingtu le an a cawmtu cu langkhatin lungdam khawm haw tuk hi.

JOHAN 5:35

Johan cu a vakmi mei inn bang hi a, a vaknak cu hun comno sung bek pahcawi uh ci.

NUNGZUITU 13:1

Antiok khua pawlpi sungah profet le zilhtu khenkhat um haw hi. Amuh cu Barnabas, Simeon ahimata mihaang tih hei sam haw, Sairin khua mi, Ngamuktu Herod tuah a khangcuntu Lusias, Manean le Saul haw hi.

1 KORIN 3:10

Pathian in keimah a piakmi ka covo laksawng mangin innsa thiamzet bangin innkuul khuampi phut ing a, midang ten mahmi humah sa haw hi. Mahnaven itin kaw a sak uh tih cu kua hei in, a ngallin tek uh kul hi.

EFESA 4:11

“Mihing tei lakah laksawng a piatu,” hei cu amah hi. Laksawng a piakmi a khenkhat cu tiikmite, khenkhat cu profette, khenkhat cu Thuthangpha phuangtute, a khente cu pastor le zilhtu haw hi.

HEBRU 5:12

Atu-in zilhtu dinmunah ding hun toh nave uhcin; Pathian i thu cu a tawpatnak pen hilh kul laih uh ci. An ngai ei hun toh nave uhcin khuinawi in laih uh ci.

2 PETER 3:15

A ihmi a unau uh Paul in, Pathian i piakmi cihnak tuah amuh tei lakah a ngatmi laikuat sung a um bangin Topa in eimuh tei hum a, thinsaunak a neihmi cu eimu nunpan tuk a deih hangin hi tin ngaisung un.

MANGMUHNAK 1:20

Ka taklam khut a na muhmi aksi salih le sui meivaknak salih tei sullam thu-ip cu hitih bangin hi. Aksi salih cu pawlpi salih tei vancungmite hi haw a, mei vaknak salih cu pawlpi salih hi haw,” ti hi.

THUKHENTUTE 5:31

Mah hangin, Maw Topa na ngal cu lalthong haw tahen. Mahnaven nangmah a ittu cu, Zinglam a tulmi ni bangin, vak haw tahen. Mah ngam sungah lemdaihnak kum sawm li um hi.