DANIEL 12:1 - Ngawm Bible

¹ Nimzang ma neuno tuah tahmi puan a silhtu vancungmi in, “Mah hun ten na mihingte cingkhawitu vancungmi Mikhael lang tuk hi. Hi miphun tei lakah a pianpat haw pepanin, a tawh awng haw ngawlmi haksatnak nasezet heng tuk hi. Mah hun ten Pathian laibu sung a, min ngatmi na miphunte cu pat suak hi haw tuk hi.

DANIEL 12:1 Iomraidhean Croise

SAAM LABU 56:8

Izah takin ka lungkham him tih cu nangmah in thei ci. Ka hitui tulnak cu cazin sungah ngan zo hi ma cim maw? Na laibu sungah ngan toh cim?

SAAM LABU 69:28

Nunnak laibu sung pen a min haw phiat inna, na mihing tei cazin sungah telhcih hihim pahsun.

ISAIAH 4:3

Jerusalem ah a tangmi, nungca tukin Pathian i tenmite cu mi thiangtho tin, sam hi haw tuk hi.

ISAIAH 9:7

A kumpi uknak le huham cu khangto pepel tuk; A uknak sungah kumkhua in lemdaihnak um tuk hi. David Kumpi ai-in uk tuk hi; Diknak le thuman tuah uk tuk, atu le kumkhua in uk tuk hi. Cungnungbel Topa in, hi thu hempoh hengtik tuk hi.

JEREMIAH 30:10

“Ka mite aw, lau pahsuh un; Israel mite aw lau pahsuh un hi. Ngam khua lapi pepan tung, na saltannak uh ngam pen. Na ngam uhah kikleh tuk uh ci a, lungmuang zetin um tuk uh ci. Him zetin um tuk uh ci a, khuaveng viang tukma uh ci.

JEREMIAH 30:7

Lauhuai le mulling hah ni heng tuk hi. Mahti bang ni cu um awng ma hi. Ka mihing tei ca in lungmu tamnak ni hi. Mahnaven thuak zo haw tuk,” ti hi.

EZEKIEL 13:9

Noh muhnak man ngawl a mutu le mailam thuman ngawlin a hilhtu profet cu bawlsia tung. Thusoncat tukin ka mite a khopkhawm haw ten noh cu tel kha tukma uh ci. Na ngam uhah kik awng tukma uh ci. Cungnungbel Topa ka hihlam cu thei tuk uh ci.

EZEKIEL 34:24

Topa keimah hi a Pathian hi tung a, amuh uktu kumpi cu ka nadektu David bang hi tuk hi. Keimah in hilh zo ing.

EZEKIEL 5:9

Ka huatzawng thil tampi na bawl hangin Jerusalem, nang cu ka bawl awng ngawlmi dantatnak pia tung hi.

DANIEL 10:13

Persia ngam cingkhawitu vancungmi in, ni sawm nih le ni khat sung kham hi. Itahim titale Persia ngamah keimah bek zammi ing.

DANIEL 11:45

A kumpi puanbukte hei cu tuipi le Biakinn dinnak mual laklawhah sa tuk hi. Mahnaven mahlai ah kuamah bawmtu nei ngawlin thi tuk,” ti hi.

DANIEL 7:10

meiling cu tui luang bangin mahlai pen tul zuzung hi. A nadektu tukin mihing a thawng a za um haw in, a mai ah mihing a thawng athawngin, ding haw hi. Thukhennak cu panin, laibute keu haw hi.

DANIEL 9:12

Keimuh le ka uktu tei humah hengtik tung na tihmi cu hengtik ngangai ci. Leihum khua dangte sangin Jerusalem cu nase saw deuhin bawlsia ci,

JOEL 2:2

Khuathim le khawngaih ni heng hi. Meingo thimpi le khaaumawng tei khuhbing ni heng hi. Mual humah khuathim bangin khaaumawng ngalkap honpi heng hi. Hih ni bang um awng ma hi. Mailam hei ten um awng tukma hi.

MALAKHI 3:16

Topa a kihcatute cu pa khat le pa khat otpihdun haw in, a ot haw mi cu Topa in ngai in, za hi. A mitmuh haw cilcelin Topa a kihcatu le a upattu tei thu la cu laibu sungah khum haw hi.

MATTHAI 24:21

Itahim titale leipi a pian tung pepan tuni tian a heng awng ngawlmi mullinghuai haksatnak a lauhuai nate heng tuk a, mahtih bang a lauhuai haksatnak cu tunung hei ten hengleh tukma toh hi.

MARKA 13:19

Itahim titale hi thil a heng tukmi hi Pathian in, leipi a piantik pepan tutian a um awng ngawlmi haksatnak hi tuk hi. Mailam ituk mah hei ten a hengleh awng tuk ngawl tohmi hi.

LUKA 10:20

Mahnaven dawi ngilo ten na thu uh a ngaih haw hangin na lung uh dam pahsuh un. Mah sangin vanhumah na min uh nganin, a ummi hi na lungdam saw un,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 11:15

Itahim titale Judah mite lawl a hih haw ten leihum mihingte cu Pathian i ngal a hihnak haw pen a ngualcamin cang haw hi. Amuh Judah mite cosan a hihleh haw hun ten itih bang kam ni? Mithi tei ca in nunnak hi tuk hi.

ROM Khua Khristian Tei Lakah Paul i Laikuat (Paul’s Letter to the Romans) 11:26

Israel mi hempoh nunpat a hih haw tuk cu hitih bangin hituk hi. Lai Thiangtho in, “Zion pen Nunpantu heng tuk a, Jakob i casuan hempoh tei phatngawlnak hempoh cu vawk let khawng tuk hi.

EFESA 1:21

Mahlai ah Khrih cu uktu hi in, vancung a uktu dangte le thuneitu dadang hihen, huhamnei dangte hei hihen, a hum hawah Khrih cu thuneitubel hi. Hi lei humah hihen a hengleh tukmi leihumah hihen thuneitu hempoh tei humah Tobel hi.

FILIPI 4:3

Mahten nang, muantak, ka nadehpih, hi numei pa nihte hi keimah tuah nadek langkhat mite haw a hih hangin na bop tuk vang deih bok ing. Clement le Pathian i nunnak laibu sung a min khummi ka nadeh pih hempoh tuah Thuthangpha zaitik tuk keimah tuah nase zetin nadektu hi haw hi.

JUDE 1:9

Vancungmi lak pen a upabel Mikhael hei in mahtih bangin bawl ma hi. Moses luang cu akua in co tuk him tin Satan tuah thu a dondun haw ten nautatnak awnkam tuah Satan tamsia ngam ma hi; “Topa in liat hi,” tin ti thong hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

MANGMUHNAK 12:7

Mahten vanah ngaldonak um hi. Mikhael le vancungmi ten ngulpi cu do haw hi; ngulpi le a vancungmite vangin do bok haw hi.

MANGMUHNAK 13:8

Thahnak thuaktu Tuuno i nunnak laibu sungah leipi pian laih ngawlin min khumsa mite sial ngawl, leihummi hempoh ten mahmi sahang cu bia haw tuk hi.

MANGMUHNAK 17:14

Amuh ten Tuuno do haw tuk hi, mahnaven Tuuno le a sammi, a tenmi le amah a muangtu ten neh haw tuk hi; itahim titale, Tuuno cu bawi hempoh lak pen bawibel, kumpi hempoh lak pen kumpibel na hi tin ti hi.

MANGMUHNAK 20:12

Mahceng ten a thi sate a neu a ngengin, kumpi khunnak mai ah a din haw mu ing. Laibu kau haw in; mahceng ten a dang laibu pa khat, nunnak laibu tihmi kau lehleu haw hi. Mithi sate cu mah laibu sungah khum sa mi a nadehnak haw bangin a thu haw khenin um hi.

MANGMUHNAK 20:15

Akua hei hihen nunnak laibu sung a, min ngan ahi ngawl hempoh cu tuiting bangmi meipi sungah vawk na hi haw hi.

MANGMUHNAK 3:5

Nehtute cu mahti bangin puan ngo silh haw tuk a, nunnak laibu sung pen a min haw phiat tuk mang hi. Ka pa le a vancungmi tei lakah kata hi haw hi, tin ciang zetin hilh tung hi.

MANGMUHNAK 7:14

“Thei ma sing, Topa, nangmah in thei saw tuk ci,” tin donleh ing. Amah in, “Hi mite cu bawlsiatnak nasezet sung pen a himno in, a suakmite haw hi. A puan haw cu Tuuno thisan sungah sawpin, ngotik zo haw hi.