DANIEL 11:12 - Ngawm Bible

¹² Mahti bangin a ngual zawhnak le Siria ngalkap tampi a thah hangin tuangkhawngzet tuk naven, ngual zo leleng tukma hi.

DANIEL 11:12 Iomraidhean Croise

2 KUMPI 14:10

Atu-in Edom mi na neh hangin pualthau in ultungzet ci. Na minehnak humah na lungkim inna, mengdenin um pohin hi. Nangmah le na mihing tei ca siatsuahnak ahi tukmi thil cu ita tokpil li kam?” tin thutheitikleh hi.

2 KHANGSIALNAK 25:19

Atu-in Edom mite neh ing, tin pualthauzet ci, mahnaven phano in hilh ing, mengdenin, na innah um saw inna, nangmah le na mihing tei ca in siatsuahnak tuk nate ita tokpil nuam li kam?” tin ti hi.

2 KHANGSIALNAK 26:16

Mahnaven kumpi Uzziah cu huham neizet a hih ten mi uangkho thei zetin suak, mah a ultunnakin, amah cu dok vawk hi. Topa a Pathian a langpang hangin Biakinn sungah hawhin, namtui halnak biaklandawhah namtui haal hi.

2 KHANGSIALNAK 32:25

Mahnaven Hezekiah cu uangthuang leita in, Topa in, a hum a thilpha a bawlmi humah lungdamnak imah langtik ma hi; mah hangin Judah le Jerusalem mitei humah Topa cu a thinuk hi.

THUPAUCAP 16:18

Uangkhonakin siatnakah, le tuangkhawnnakin kiamsuknakah henpih hi.

EZEKIEL 28:17

Mipiang na hih hangin uangthuangin, na minthannakin misil suaktik hi. Mah hangin lei ah vawksukin kumpi dadang tei ngallinnak tukin zamsan ing.

EZEKIEL 28:2

“Mihing pa, Ezekiel aw, Taiar uktu bawi lakah Cungnungbel Topa keima otmi hi hilhin: Uangthuang zetin pathian ing ti ci. Pathian ing a, kumpi khunnak humah khungin tuipi in kil khawng, pathian hi toh ing, ti ci. Nangmah le nangmah cu pathian bangin ngaisung duncop tuk navecin pathian kha ma ci, mihing hi ci.

EZEKIEL 28:5

Sumbawl cu thiamzet ci, amet vang tampi ngah ci. Na hauh hangin pualthauzet ci.

DANIEL 11:11

a thinukin Izipt kumpi in Siria kumpi cu do tuk a, ngalkap tamzet man tuk hi.

DANIEL 11:13

“Siria kumpi vang kikleh tuk a, masa sangin ngalkap tam saw deuh khawm tuk hi. A hun lemcang ten hiamnam phazet cawitu a ngalkap sialcelh ngawl tuah Izipt do tukin zuan tuk hi.

DANIEL 5:23

Vancung Topa dodalin, na bawlmi Biakinn pen na puakmi khuat le kuangte cu hilai ah keng khawng ci. Nangmah le na laitate, na zi le na zineu ten mah khuat tuah zu in haw a, sui le ngun, daal le thik, thing le suang tuah bawlmi khuazingte thangphatnak pia uh ci. Khua mu thei ngawl, imah thu thei zo ngawl le theihnak a nei ngawlmi pathian dangte cu pahcawi tawtok uh ci. Na nunnak uh le thihnak humah thuneitu, na bawlmi hempoh humah thuneitu Pathian saw cu upatnak pia ma uh ci.

DANIEL 8:25

Mi zeltel a hih hangin mizolnak tuah tihtheihnak nei pepel tuk hi. Amah le mah muangdunzet tuk naven a phawhkhak ngawlin mi tampi siatsuah tuk hi. Kumpi lakah kumpi thawmngengbel tianin langpang tuk naven amah cu mihing ngilnak tel ngawlin siatsuahnak tawk tuk hi.

DAAN PIAKLEHNAK 8:14

pualthau in sal na tannak uh Izipt ngam pen a puitultu, Topa na Pathian uh cu phawkngil pahsuh un.

1 TIMOTE 3:6

Upnak lamah papi muantak hi tuk hi. Thinthek semmi hi tukma, mah ngawl cu ultung sual tuk a, Dawihmangpa khi vawk a tawh bangin amah vang vawk co kha sual bok tuk hi.

1 PETER 5:5

Mahtibang bokin noh khangnote nangmuh sangin kum upa saw tei thu khi ngai tuk uh ci. Na venghawng uhin niamkhiatnak tuah thuam unna, pa khat le pa khat bawmdun un. Itahim titale Lai Thiangtho in, “Mi tuangkhawngte cu Pathian in do in, mi niamkhiatte cu mitmai pha pia,” ti hi.