DANIEL 10:6 - Ngawm Bible

⁶ A taksa pumpi cu suangval bangin de hi. A mai cu khuaphelep bang vakin, a mitte cu mei alh bangin alh hi. A baan le a kete cu nawt ciangmi daal bangin de zawzokin, a aw cu mihonpi au thawm bang hi.

DANIEL 10:6 Iomraidhean Croise

SUAHTULNAK 28:20

thuang linakah tangphaw, sandup le a ngo mi suang manpha belh un hi. Hi suang manpha cu sui tuah a kimsuakin tuam un hi.

SOLOMON LA 5:14

A kut mawi sawi tuk um ngawl, Suang manpha zungbut bun; Suangsan mangpha belh, saihono bang kek vei, a thuang mom zilzel vei.

EZEKIEL 1:14

Mah ngamsate cu khuaphelep bangin nunglam le mailamah manlangzet dawk haw hi.

EZEKIEL 1:16

Mah lengke pa li cu bangten haw hi; suang manpha bangin de haw a; mah lengke sungah lengke dang pa khat cam zetin, a tan zawngin, a tummi na um ten haw hi.

EZEKIEL 1:24

A ha zah nging cu tuipi thum aw bang haw hi. Ngalkap sialcelh ngawl tei thawm bang hi a, Cungnungbel Pathian aw nging bang hi. A len ngawl ten a ha cu khup haw hi.

EZEKIEL 1:7

A ke haw cam zetin, a tinte cu khuicang tin bang hi, de zetin nawtmi daal bang hi.

EZEKIEL 10:9

Lengke cu a pa li bangten haw a, cherubim tei elah um tek haw tih mu ing. Lengkete cu suang manpha bangin al zawzokin, lengke pa khat sungah lengke dang pa khat a thuah bangin nei tek haw hi.

EZEKIEL 40:3

Nek deuhtikin daal bangin a de mi, pa khat mu ing. A tehnak tuk nimkhau le ngolhkang cawi thahin kongkhahah dingin mu ing.

EZEKIEL 8:2

Ka zoto le mei bangin mihing pian bang mu ing. A tai nuailam cu mei bang hi; a tai humlam cu nawt ciangmi daal bangin de hi.

MATTHAI 17:2

A mitmuh loli haw in Jesuh a melthekin, a mai cu ni bangin vakin, a puante cu midet thei tianin ngo hi.

MATTHAI 28:3

A mel cu khuaphelep bang hi in, a puante cu vuk bangin ngo hi.

LUKA 9:29

A thunget lih laih takin Jesuh cu a melthekin, a puan silh de susulin ngo hi.

MANGMUHNAK 10:1

Mahten a ngil zetmi vancungmi pa khat cu vancung pen a tolhsuk mu ing. Amah cu meingo in tuam a, a lu elkimah uical um hi. A mai cu ni bangin vak hi, a ke cu mei alh khuam bang hi.

MANGMUHNAK 19:12

A mitte cu mei alh bang hi a, a lu humah kumpi lukhu tampi khu hi. A humah a min ngatsa in um hi. Mahnaven amah sial ngawl kuamah in thei haw ma hi.

MANGMUHNAK 2:18

“Tiatira pawlpi i vancungmi lakah hi bangin ngan hi. “A mit mei alh bang vak a, a ke cu ciangzet nawtmi daal bangin a de mi Pathian Capa i thucah cu hi bangin hi.

MANGMUHNAK 21:20

a pa nganak cu onyx suang manpha, a pa luknak cu karnelian suang manpha, a salihnak cu aile le sui pianzia tawhhelmi quartz suang manpha, a liatnak cu beryl suang manpha, a kuahnak cu topaz suang manpha, sawmnak cu chalcedony suang manpha, sawm le pa khatnak cu turquoise suang manpha, a sawm le pa nihnak cu amethyst suang manpha nam tuatuam tuah bawlmi hi.