2 Samuel 3:3 - Ngawm Bible

³ A pa nihnak Chileab, a nu cu Nabal thihsan mi, Karmel khua mi Abigail hi. A pa thumnak cu Absalom, a nu cu Geshur ngam kumpi Talmai canu Maakah hi.

2 Samuel 3:3 Iomraidhean Croise

2 Samuel 13:1

David i capa Absalom in celnu pa khat Tamar nei in, amah cu mi diangzet hi. David zi dang i capa pa khat Ammon in Tamar cu ngaizet hi.

2 Samuel 14:23

Mahten tho in, Geshur ngamah hawhin, Absalom cu Jerusalem ah pui hi.

2 Samuel 14:24

Mahnaven Absalom cu kumpi innah um tuk ngawlin David in thupia hi, “Mu nap mang,” ti hi. Mah hangin Absalom cu ama innah umin kumpipa i mai ah lak awng hihim ma hi.

2 Samuel 14:32

Absalom in, “Kumpipa i lakah ka hah theihnak tukin, hilai ah hung tukin ka samnak hi. Kumpipa i lakah hawh inna, ka ai-in hi bangin hilhin hi, ‘Itakaw Geshur ngam zamin, hilai ah ka hun? Hilai sangin Geshur ngamah ka um ahin ka ca in pha saw tuk naven,’ ti in hi. Kumpipa ka tawh theihnak tukin tuangtim sakin, mi khial hi tin, kei amu tale that hen,” ti hi.

2 Samuel 15:7

Kum li ngei nungten Absalom in kumpi David lakah, “Topa Pathian nelah ka thutepnak bangin Hebron ah hawhtik zalin hi.

2 Samuel 15:8

Geshur ngam a, ka umlaihin Topa i lakah Jerusalem ah na hengtikleh ahi tale Hebron ah nangmah bia tung tukin thutiam ing,” ti hi.

2 Samuel 18:33

Kumpi David cu a thasia zetin kongkhah hum a, khanah kaito in, “Maw ka capa Absalom, Absalom ka capa! Nangmah ai-in keimah saw ka thi saw ahin maw, ka capa! Maw Absalom, ka capa!” tin kap hi.

2 Samuel 2:2

Mah hangin David cu a zi pa nih: Jezreel khua mi, Ahinoam le Nabal i thihsanmi Carmel khua mi Abigail tuah Hebron ah hawh hi.

1 KUMPI 2:15

Adonijah in, “Kumpi hi tuk tohmi naveng Israel mite hei in kumpi hi tuk hi tin um haw tih cu thei ci. Mahnaven upnak bang hi ngawlin Topa i lungkimnak tuah ka nau Solomon saw kumpi suak hi.

1 KHANGSIALNAK 3:1

A nuailamte cu Hebron a, David a umlaihin, a hinmi capate cu amu kum bang zui in: Amon, a nu cu Jezreel khua mi Ahinoam hi. Daniel, a nu cu Karmel khua mi Abigail hi. Absalom, a nu cu Geshur khua kumpi Talmai i canu, Maakah hi. Adonijah, a nu cu Haggith hi. Shefatiah, a nu cu Abital hi. Ithream, a nu cu Eglah hi.

DAAN PIAKLEHNAK 3:14

Bashan ngam, le Argob ngam buppi cu Manasseh capa Jair in Geshur le Maakah ngam ngi tian la hi. Mah ngam a, khua cu ama min la in, Jair khuano tin ti haw laih hi.

JOSHUA 13:13

Mahnaven Geshur mi le Israel miten hawlvawk haw ma hi. Israel ngam sungah um haw laih.

1 SAMUEL 25:42

tho vutin, a laak humah khung hi. A umlawh numei pa nga ten zui in, David i umlawhte tuah hawh haw hi. Abigail cu David zi in cang hi.

1 SAMUEL 27:8

David le a mihing ten mah ngamsung a, kum tampi um zo mi Geshur mi, Girzi mi le Amalek mite cu do mek haw hi. Izipt ngam heng tianin sut mek haw in,