2 Samuel 2:4 - Ngawm Bible

⁴ Judah mite Hebron khua ah hungin, Judah kumpi tukin David cu sathau thih haw hi. Gilead ngam Jabesh khua ten Saul cu vui haw tih, David in, a zak ten,

2 Samuel 2:4 Iomraidhean Croise

2 Samuel 19:11

Israel tei son lihmi thu cu David lakah heng hi. Mah hangin thiampi Zadok le Abiathar cu Judah puitu tei lakah hahin, “Kumpipa a innah kiktik tukin ita cuamduang kam uh ci?

2 Samuel 19:42

Judah miten, “Ita bawl tukma kam ung? Kumpipa cu ka phunpih uh si. Ita hi hangin thinuk kam uh ci? Amah in an do hi tin ngaisung uh cim? Laksawng pia hi tin um uh cim,” tin donleh bok haw hi.

2 Samuel 2:11

David in Judah cu Hebron khua pen kum salih le lang sung uk hi.

2 Samuel 2:7

Cak unna, na ngalpha un. Na kumpi uh Saul cu thi zo hi, atu-in keimah cu Judah miten a kumpi haw tukin sathau thih zo haw hi,” tin thu cah hi.

2 Samuel 21:11

Rizpah i na bawlmi cu David in, a zak ten,

2 Samuel 21:12

hawhin, Saul le a capa Jonathan i nguhte cu Gilead a, Jabesh mitei lak pen la hi. Gilboa mualhum Filistin miten Saul a thah ni haw in, Saul le Jonathan i luang cu Filistin miten Bethshan a mipi khopnak munah khaih haw hi. Mahlai mun pen Jabesh miten ngu haw hi.

2 Samuel 5:17

David cu Israel kumpi hi zo hi tih Filistin ten a theih haw ten a ngalkap venghawng tuah tulin David man tukin hawh haw hi. David in mah thu a zak ten ngalpannak innah hawh hi.

2 Samuel 5:3

Mah hangin Israel mi hotu hempoh cu Hebron khua David lakah hung haw hi. Pathian mai ah David in amuhte tuah thutepnak bawlin, Israel kumpi David cu sathau thih haw hi.

2 Samuel 5:5

Hebron pen Judah ngam cu kum salih le lang uk hi. Jerusalem pen Israel le Judah ngam venghawngin kum sawm thum le kum thum uk hi.

2 KUMPI 11:12

Jehoiada in Joash cu tulpihin, kumpi lukhuh a khuh nungten thutepnak laizial le kumpi thuneihnak laipi tuah pia hi. Sathau thihin, kumpi in bawl hi. Mipi ten baibengin, “Kumpi, a nunkhua sau zal hen!” tin au haw hi.

1 KHANGSIALNAK 10:11

Filistin miten Saul hum a, mahti bangin, a khaih haw cu Gilead ngam Jabesh miten a zak haw ten,

1 KHANGSIALNAK 11:3

Israel mi hotute cu David umnak Hebron ah hung khawng haw in, Topa i mitmuhin David tuah thutepnak bawl haw hi. Samuel lak pen Topa i thutepnak bangin David cu Israel kumpi tukin sathau thih haw hi.

1 KHANGSIALNAK 12:23

Topa i thutepnak bangin David cu Saul ai-in, kumpi suak tukin ngal do mek ngalkap tampi cu Hebron a, David lakah hung susuih haw hi. A hung mite cu a nuailam bangin hi. Judah hinnam pen ngalthuam a cawi cikcek mihing thawng luk le za liat, lumphaw le ceipi cawi tek haw hi. Simeon hinnam pen ngaldo zilsa ngalkap thawng salih le za khat. Levi hinnam pen ngalkap thawng li le za luk. Aaron casuan Jehoiada zuitu ngalkap thawng thum le za salih. Ngaldo thei khangno, Zadok i sangngam mihing sawm nih le pa nih amuhte cu hotu ngeh haw hi. Benjamin hinnam pen ngalkap thawng thum, Saul cu Benjamin hinnam a hih hangin Benjamin mi tam saw ten Saul pan haw hi. Efraim hinnam pen, a hinnam sung haw a, ngalkap minthang thawng sawm nih le za liat. Nitumnak lam Manasseh pen, David kumpi cangtiktu tukin ten mite mihing thawng sawm le thawng liat. Issakhar hinnam pen hotu za nih le a khutnuai ngalkap tek tuah haw hi. Himi cu Israel ca in i a bawl uh ahin, phabel tuk tih le ituk ten bawl tuk tih a theitu haw hi. Zebulun hinnam pen ngaldo napzet le muantakzet, iti bang hiamnam vang a mang thiamtu ngalkap thawng sawm nga. Naftali hinnam pen lumphaw le ceipi tuah a thuammi ngalkap bawi thawng khat le ngalkap thawng sawm thum le thawng salih. Dan hinnam pen ngaldo zilsa ngalkap thawng sawm nih le thawng liat le za luk. Asher hinnam pen ngaldo zilsa ngalkap thawng sawm li. Jordan Ngun pen nisuahnak lam a um, Reuben, Gad le Nisuahnak lam, Manasseh hinnam pen hiamnam a phunkim mangthiam samin zilh sa ngalkap thawng za le thawng sawm nih.

1 SAMUEL 16:13

Samuel in olif situi la in, a unau tei mai ah David cu sathau thih hi. Topa i hawvang cu mah ni pepanin David lakah nase zetin heng hi. Mahnung ten Samuel cu Ramah ah pin hi.