2 PETER 3:9 - Ngawm Bible

⁹ Topa cu a thutepmi kimtik tukin a zuancum hi, tin mi khenkhat ten a ngaisung haw hei in, a zuancum hi kha ma hi, nangmu humah thinsaunak a neih hang hi saw hi, itahim titale pa khatno hei siatnak tawk ngawlno in, mi hempoh a sualnak haw pen a kihleh theihnak haw tuk a deih hangin hi.

2 PETER 3:9 Iomraidhean Croise

SAAM LABU 77:8

A itnak cu bo ngangai tatuk maw? A thutepnak hi ituk mahten a kim ni umleh tukma toh maw?

SAAM LABU 86:15

Maw Pathian aw, nang cu itnak, hehpihnak tuah a dimmi Pathian hi ci. Thinsau in hehpihnak nei leleng tu hi ci. Mi hehpihin muantak hi ci.

SUAHTULNAK 18:23

Hitih bangin na bawl tale nangmah le nangmah siatsuahdun ngawlin mipi tei thu vang soncat sak khawng a hih tuk hangin, a inn hawah lungnopno in kik haw tuk,” ti hi.

SUAHTULNAK 32:32

A sualnak haw cu ngaidam zalin hi. Na ngaihdam tuk ngawl sangin na mihingte a min haw na khumnak na laibu pen ka min phiat saw in hi,” tin kun hi.

SUAHTULNAK 33:11

Ngualcam pha otpihdun bangin Topa le Moses cu maitonin otpihdun mek haw hi. Mah nungten Moses cu ngiahnak munah kikleh mek hi. Moses bawmtu tangval Joshua, Nun i capa cu buk sungah tangta mek hi.

SUAHTULNAK 34:6

Topa cu Moses i maiah hawh vawkin, “Pathian Topa cu lainatnak le hehpihnak tuah a dimmi Pathian ing. Ka thinsau in, muantakmi le itnak a nei lelengtu ing.

THUHILHTU 8:11

Mipha ngawl tei hum a, dantatnak cu manlangin cawh a hih ngawl hangin sualnak cu ngalpha zetin bawl haw hi.

ISAIAH 30:18

Mahti hi naven Topa cu na hum uhah hehpihnak nei laih hi. Amah cu thudik bebek a bawl hangin nangmuh hehpih tukin ngak laih hi. Lungdamnak tatak cu Topa muansannak pen heng hi.

ISAIAH 46:13

nehnak ni cu cawi ing a, heng awndiak toh; Khawlalehma toh hi. Ka mi nehnak cu kuamah in cumtik thei haw tukma. Jerusalem cu pan tung a, Israel tei nelah minthannak pia tung,” ti hi.

EZEKIEL 33:11

Phano in hilhin; Cungnungbel Topa keimah cu a nungmi Pathian ka hih bangin hilh ing hi; misual pa khat a thih muh cu ka lungdam zawng kha ma hi. Sualnak zamsanin, a nuntuk cu mu nuam saw ing. Maw Israel, thilpha ngawl na bawlmi cu cawl tohin hi. Ita thih tuk cu nuam li nge cim?

DANIEL 4:29

Ha sawm le ha nih nungten, Babilon khua a, kumpi inn humah a vah lih laihtakin,

HABAKKUK 2:3

Ngan ciangin, a hun heng ma laih hi. Mahnaven mah hun cu manlang zetin heng tukin ka lakmi cu kim ngangai tuk hi. A kimnak hun cu khuanuzet bang tuk naven thinsau in ngakin; kim ngangai tuk a, khuanuleh tukma toh hi.

ROM Khua Khristian Tei Lakah Paul i Laikuat (Paul’s Letter to the Romans) 13:11

Hihi cu na bawl kul hihim uhmi hi, itahim titale na hihbuhnak uh pen na khatlawhnak tuk uh hun heng zo hi tih thei uh ci. Nunpat a hihnak tuk uh huncan cu a masa a, up pattung uh laih sangin atu-in nai saw zo hi.

ROM Khua Khristian Tei Lakah Paul i Laikuat (Paul’s Letter to the Romans) 13:12

Zan bo awn tohin, sun heng awndiak toh hi. Khuathim sung a, nadehte cu zam toh unna, khuavak sungah ngaldo tukin hiamnam la nung hi.

ROM Khua Khristian Tei Lakah Paul i Laikuat (Paul’s Letter to the Romans) 2:4

Mah ahimata Pathian hehpihnak, a mi ngi na zia le a thinsau lungduainakte a nase leita mi hi imah simsial ngawlin um cim? Pathian hehpihnak cu na sualnakte sik tukin a ngaisungtiktu hi tih cu ciang zetin thei ci.

ROM Khua Khristian Tei Lakah Paul i Laikuat (Paul’s Letter to the Romans) 9:22

Mahti bang bok lengin Pathian i thil bawldanah hei in, hi bok hi. A thinuknak langtik tukin le a huham muhnak tuk khi deih hi. Mahnaven a thinuknak a thuaktu tuk le siatsuahnak a tawktu tuk tei humah a thinsau zetin hehpihzet sih hi.

1 TIMOTE 1:16

Mahnaven Pathian in ka humah hehpihnak nei hi. Mahtibang a neihnak cu tunung lam ten Khrih Jesuh cu umin, kumkhua nunnak a ngahtu tuk tei ca in zohtehtak hi tukin misual hempoh lak pen misualbel keimah lakah a langtik zo hangin hi.

1 TIMOTE 2:4

nunpantu Pathian a lungdam tuk hi.

HEBRU 10:37

Itahim titale Lai Thiangtho in, “A ngei ngawlin amah cu heng tuk hi.

1 PETER 3:20

Mahti bang a hilhmi hawvangte cu Noah tinbaw bawl laih khin Pathian in thinsau zetin ngak naven thu a ngai nuam ngawl mite haw hi. Tinbaw sungah a tumtute cu mi dawmno haw hi. A venghawngin mihing liat bek haw hi. A muhte cu tui sung pen nunpatmi haw hi.

2 PETER 1:4

Mahten a tepsa mi a thawmngengnak le a sunglawi laksawng cu pia in, mah laksawng hangin a siatsuah theitu leihum tisa deihnak pen luatin, Pathian hihnak mangkawm thei tuk uh ci.

2 PETER 3:15

A ihmi a unau uh Paul in, Pathian i piakmi cihnak tuah amuh tei lakah a ngatmi laikuat sung a um bangin Topa in eimuh tei hum a, thinsaunak a neihmi cu eimu nunpan tuk a deih hangin hi tin ngaisung un.

MANGMUHNAK 2:21

A sihkik lehnak tukin hun pia naveng a nunsualnak lampi pen kikleh nuam ma hi.