2 PETER 2:1 - Ngawm Bible

¹ Tanglaihin Israel tei lakah profet manngawl um haw hi, mahti bang bokin atu nangmu lakah vang zilhtu manngawl piang tuk hi. Mi siatsuah theitu le a man ngawlmi updan luhtum pih tukin a Topa uh hei lawl haw tuk hi. Mahten amu hun sung lengah siatnak cu ngaihsut ngawl pi in hengtik haw tuk hi.

2 PETER 2:1 Iomraidhean Croise

1 KUMPI 22:6

Mah hangin Ahab in profet samin, za li hung haw hi. A mu lakah, “Ramoth do nang maw?” tin dong hi. Amuh ten, “Do in hi. Topa in nehnak pia tuk,” tin ti haw hi.

SUAHTULNAK 15:16

Launak le thinsuknakin dim haw hi. Na baantha ngil amuh haw ten a lau haw hangin Topa aw, na luattikmi, na mipi a suahtul haw laklawh suang bangin phe ngawlin ding haw hi.

ISAIAH 9:15

Mi upa le upattakte cu a lupi haw hi; zolthu bebek zilhtu profet cu a mei haw hi.

JEREMIAH 29:21

“Cungnungbel Topa, Israel i Pathian in, nangmu lakah ama minin zolthu a son litu Kolaiah capa Ahab le Maaseiah capa Zedekiah tei cungcangah thuhilhmi nei zo hi. Amuhte cu Babilon kumpi Nebuchadnezzar khutah pia tung a, nangmu mitmuh loli in that tuk hi.

JEREMIAH 37:19

Babilon kumpipa in nangmah le hi ngam cu do tukma hi, tin, a hilhtu na profet cu ilai ah kaw a um khawng haw?

JEREMIAH 6:13

Hi ngam mite akua kua hei hihen, a ngeng a neu in, thuman ngawllam bekin sum ngah tuk tum haw hi. Profet le thiampite hei in mizol haw hi.

KAH LA 2:14

Na profet ten zolthu a son haw tih ngawl hilh tuk nei dang haw ma! Zolthu bek a hilh haw hangin, na sualnak le phuang awng sih haw ma! Thuman ngawl a hilh haw hangin, sihkiknak kul ngawlin ngaisung ci.

HOSEA 9:8

A miphun Israel tei nelah ngallinnak thu hilh tukin Topa in keimah cu profet tukin hah hi. Mahnaven ka hawhnak hempoh ah vano bangin thang tuah awk tuk tum uh ci. Pathian innsung hei pen mipi cu profet pa i ngalin cang haw hi.

MIKAH 2:11

Mihing tei deihmi profet pa cu a suk le to ah vak kawkawi in, thuman ngawl le mizolnak bek sonin, ‘Na ca uhin sabittui le zu luang leleng tuk poh a ti haw huahtu khi hi.’

MIKAH 3:11

Khuapi uktu bawi ten nawhthuh la in, mi uk haw; thiampi ten sum ngah nuamin, Thukham laibu hilhcian haw a, profet ten sum deihin, mailam thu phuang haw; mahten a venghawng haw in, “Kohtei nelah Topa um hi,” tin ti khawng haw hi. “Keimu humah thilpha ngawl imah heng tukma. Topa cu kohtei nelah um,” ti haw tuk hi.

MIKAH 3:5

Sum piatu tei nelah lemdaihnak um tuk ti thutiamin, sum pia ngawltu tei nelah ngal heng tuk tin mi a thumtu profet ten ka mihingte cu zol khawng haw hi. Hiti bang profet tei nelah Topa in,

MALAKHI 3:5

Ihempoh tithei Topa in, “Na thu uh khen tukin noh tei lakah hung tung a, mitzial thiamte, angkawm sualnak a bawltute, theihpihtu man ngawlte, meivong le ca-ngah siat thei ngamdangmi tei humah metnak a zeitute le keimah a upat ngawltu tei humah dantatin thukhen tung,” ti hi.

MATTHAI 10:33

Mahnaven mipi tei mai pen kei a ngialtu cu vancung a, ka Pai ma i pen nialleh bok tung hi.

MATTHAI 24:11

Mahten profet manngawl tampi piang haw tuk a, mi tampi zol ngah haw tuk hi.

MATTHAI 24:24

Itahim titale Khrih man ngawl, naal profette tul haw tuk a, thasiahhuai nalamdangte bawlin a cangthei tawpin, Pathian i tensa mite zol haw tuk hi.

MATTHAI 24:5

Mi tampi ten keima minin hung haw tuk a, ‘Keimah hi Khrih ing hi,’ ti in mi tampi zol haw tuk hi.

MATTHAI 7:15

“Profet manngawlte na ngalling un: a pualam haw cu tuu bangin um haw naven a sunglam haw cu cingne hangsan bang haw hi.

MARKA 13:22

Itahim titale Khrih man ngawl le profet man ngawl tampi piang haw tuk hi. Pathian i tensate nangawn zol theih tawp zol tukin thasiahhuai nalamdang tampi bawl haw tuk hi.

LUKA 12:9

Mahnaven mi mai pen kei a nialtu cu mi capa in Pathian i vancungmi tei mai pen niallehbok tung hi.

LUKA 21:8

Jesuh in, “Ngalling un; Zoltheihin umta pahsuh un hi. Keima min pu in, mi tampi hung haw tuk a, ‘Keimah hi amah ing hi tih le a hunkim zo hi,’ tin ti haw tuk hi. Mahnaven zui kha viang pahsuh un hi.

LUKA 6:26

Mi hempoh ten a pahcawi haw tale hehpih huai uh ci. Itahim titale a pu le pa ten mahti bangin profet man ngawlte khi pahcawi zo haw toh hi.

ROM Khua Khristian Tei Lakah Paul i Laikuat (Paul’s Letter to the Romans) 16:18

Mahtibang na a dektute cu a Topa uh Khrih ca nadektu hi haw ma hi; amu pumpi ca nadektute haw hi. A ot naldan le a awnmawi dan haw in, imah thei ngawl mipite cu zol khawng haw hi.

1 KORIN 11:19

(Thudik theih theihnak tukin a manmi le a man ngawlmi a dadang a um cu a nemcuamnak um bok hi.)

1 KORIN 6:20

Aman piakin lei mite uh ci. Mah hangin na taksa uh Pathian sunloihnak tukin mang un hi.

1 KORIN 7:23

Man piakin Pathian i lei mite uh ci; mah hangin mihing tei sila in um pahsuh un.

GALATI 2:4

Vunceptan hen a titu hei um haw hi. Mi khenkhat thu umtu ngangai bang um hemin, eimu bu sungah tum kuhin Khrih Jesuh tuah a pehzop dunnak uh i hangin zalennak a conak uh thu a zawldawttu um haw hi. Eimuhte salah cangleh tukin a deih haw mi hi.

GALATI 3:13

Mahnaven Khrih cu eimu ca in tamsiatmi a hih hangin Daan i henpihmi tamsiatnak pia in, tanleh zo hi. Itahim titale Lai Thiangtho in, “A kuakua hei hihen thing hum a takmi cu Pathian i tamsiatnak cotu hi,” ti hi.

GALATI 4:17

Midang ten nangmu ca ngaisungzet bang haw naven a tuptah ngangai haw mi cu sia hi. A tuptah haw mi cu nangmuh le keimah khenduntikin, nangmu ca ngaihsaknak a neih haw bangin nangmuh vang amu ca in ngaihsaknak nei in amu lam tangtu hi le uh ci tih a deihnak haw hi.

GALATI 5:20

Mi pa khat le pa khat ngaldunin haudun haw, iksikdunin, thinuk haw, hampumin, ahon ahonin khendun haw hi.

EFESA 1:7

Itahim titale Khrih i thisan i hangin a sualnak uh cu zahin, a luatmi hi zo hung hi. Pathian in, a hehpihnak cu eimu lakah tam zetin, a piak hangin,

EFESA 4:14

Mahti bangten mizoltu tei thuzilhnak le lampeng tawn haw hen tin, a bawlcawm haw zolthu, tui cawkpi le huihsia in ilai banglai ah a soih vawkmi naupang bangleh tukma toh hung.

DAAN PIAKLEHNAK 32:6

Hitin maw Topa i humah na nuntuk uh; Misil le theihtupnak nei ngawl mihingte! Amah cu a semsuahtu le na Pa uh hi, Minam pa khatin, a bawltu cu amah hi.

FILIPI 3:19

Mahte cu hellah heng haw tuk hi, itahim titale a pathian haw cu amu taksa nopnak bek hi. Zakca tukmi hi haw naven ultunnakin mangleh lam haw, hi leihum a thil bebek ngaisung haw hi.

KOLOSE 2:18

Muhnak a cuangin nei ing tin midang sangin dangsa cuangin, a ngaisung duntu tei muhnak bekah niamkhiat cuang ing, a tiduntute le vancungmi a biatu ten hihen, kuamah in sual nawn haw pahsuh hen, Mahti bang mite cu sullam imah nei ngawlin mihing ngaihsutnak thongah tuangkhawng haw hi.

KOLOSE 2:8

Ngalling un! Mihing cihnak nemcuamnak a nei ngawl, pa khat le pa khat zoldunnak le cihnakte mangin kuamah in sila in bawl haw pahsuh hen. Mahti bang cihnak cu Khrih lak pen a hungmi kha haw ma hi; mihing le van le lei laklawh uktu hawvangsia tei thu le la zilnak pen a hungmi hi.

1 TIMOTE 5:8

Mahnaven mi pa khat cu ama unaupih, a innkua hei cingkhawi ngawlin le imah a simsial ma tale, a upnak nunghek hi a, umngawltu sang hei in sual saw laih hi.

2 TIMOTE 4:3

A pha mi hilhdunnak khi zui nuam ngawlin amu deihnak saw zui nuamnak hun heng tuk hi. Mahten amu theih nuammi bek hilh tukin zilhtu tampi la haw tuk hi.

TITUS 1:11

Mahmi cu kham kul hi. Itahim titale zilh tuk ngawlmi a zilh haw hangin innkua tampi buaitikin, a zilhnak haw cu zahcakhuai zetmi sumpai deihnak thong hangin hi.

TITUS 3:10

Khen kheknak a suaktiktu khi a masabelin ngallinnak vei nih pia in; mahceng ten hawlvawkin hi.

HEBRU 10:29

Mahti bang ahi tale Pathian Capa a simsial ngawltu le sualnak pen a thiangtiktu Pathian thutepmi thisan a simsial ngawltu le hehpihnak neitu, Hawvang a zawnsaktu itih bangin bawl haw kam ni? Mahti bang mihing ten itihzah bawlsiatnak thuak haw kam ni? Ngaisung un!

1 PETER 1:8

Amah cu mu awng ma nave uhcin it uh ci, mu ma nave uhcin um uh ci. Mah hangin kam hei son zawh ngawlmi a sunglawimi lungdamnak nei uh ci.

2 PETER 2:3

A hampumnak haw hangin hi zilhtu man ngawl ten tangthu bawlcawm hilhin, nangmuhte cu sum zeinakah mang haw tuk hi. Mahnaven amuh Thukhentu cu a ngallinnak ngeipi zo a, amuh siatsuahtu tuk vang hihbu ngawlin um hi.

1 JOHAN 2:26

Nangmuh a zolnuam litu tei thu hangin hilai hi kuat ing.

1 JOHAN 4:1

Ka ih mite, Hawvang nei ing a titu hempoh sang kha pahsuh un, a neihmi Hawvang cu Pathian lak pen a hungmi maw, kha ma him tih khingkhai masa un. Itahim titale profet man ngawlte cu mun hempoh ah heng zo haw hi.

JUDE 1:18

Nangmuh tei lakah a hilhmi haw cu, “Ni dawlbel hun a hen ten nangmuh a nuihsantu le Pathian kihcaknak nei ngawlin amuh tei lei tisa deihnak a zuitu mihing piang tuk,” ti hi.

JUDE 1:4

Itahim titale eimuh tei lakah Pathian cu imah in, a simsial ngawltute a theih uh ngawlin tumin, a ngamtat phat ngawlnak haw selcipnak tukin Pathian Thuthangpha cu a ping le pengah hilh haw a, eimuh tei Uktu le Topa Jesuh Khrih cu lawl haw hi. Mahtibang mihingte cu siatsuahnak co haw tuk hi, tin Lai Thiangtho sung pen tanglaihin hilhhamsa khawng zo hi.

MANGMUHNAK 13:14

A pa khatnak sahang i umlaih loli in nalamdang bawl theihnak khuan piak a hih tak cu leihum a ummi hempoh cu zol thei hi. Namsau tuah liam naven a nung lengmi sahang upat piaknakin ama zuk bawl un tin thupia hi.

MANGMUHNAK 2:13

Na umnak mun cu thei ing: Satan in, a kumpi khunnak a koihnak mun hi. Ka ca in muantak zetin nung ci; Satan umnak munah muantakmi ka thu theihpihtu Antipas a thah laih haw hei in, ka hum a, upnak na neihmi kiam cuang ma ci.

MANGMUHNAK 2:9

Haksatnak na thuak thei ing. Mi ca-ngah na hihlam vang thei ing; mahnaven a ngangai in mihau hi ci. Judah mi hi ung ti haw naven ahi ngangai ngawl tei a sonsiatnak haw vang thei ing. Amuh cu Satan tahaw hi.

MANGMUHNAK 3:8

Na nadehmi thei ing. Na zaangtha dawm tihvang thei ing. Mahnaven ka thuzilhmi zui in muantakin um ci. Na mai ah kongka hong ing a, kuamah in khak thei haw tukma hi.

MANGMUHNAK 5:9

La thak hi tin sa haw hi. “Nangmah cu laizial latu tukin le tacik duktu tukin tak ci. Itahim titale thahnak thuak zo ci a, na thihnak thawmin phun le nam hempoh le awn namkim ten za in, mi tampi Pathian nelah henpih ci.

MANGMUHNAK 6:10

Amuh ten nging zetin hitin au haw, “A thiangthomi le a dikmi Cungnungbel Topa aw, leihummi, kohte thatin, thi a luangtiktu hi phu la ngawlin le dantat ngawlin na um tuk,” tin ti haw hi.