2 PETER 1:9 - Ngawm Bible

⁹ Mahnaven hih phatnakte a nei ngawltu cu mitcaw mi hi in, naino bek amu theitu hi. Tanglaih a sualnak haw pen thiangtik zo hi, tih hei theileh haw ma zo hi.

2 PETER 1:9 Iomraidhean Croise

THIAMPI NADEHNAK 13:55

Mah nungten zoleh tuk a, zalh ma naven baalbu lengin, a pianzia adang cuang ma tale, a thiangtho ngawl leleng hi tuk hi. A baalbu cu nunglam ahi vang, mailam ahi vangin, mah na cu haal un hi.

MARKA 10:21

Mahmi pa cu Jesuh in itnak tuah zo cangcianin, “Thil pa khat sam laih ci. Hawhin, na neihmi hempoh zuak inna, na ngahmi cu mi ca-ngahte pia in hi. Mahti bangin na bawl tale vancungah mihau pa hi tuk ci, mahceng ten keimah zui in,” ti hi.

LUKA 18:22

Jesuh in, a zak ten, “Thil pa khat na bawl tuk sam laih hi. Na neihmi hempoh zuakin, na ngahmi sum le pai cu mi ca-ngahte sem inna, vanhumah sum le pai nei tuk ci. Mahceng ten hung inna, ka nungzui in,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 6:11

Mahti bang bokin nangmuh vang sualnak lam pen mithi hung tin ngaisung bok unna, nunnak lam thu ah Khrih Jesuh i hangin Pathian tuah phialdunin nung hung, tin ngaisung un hi.

GALATI 5:13

Mahnaven u le naute aw, nohte cu miluat hi tukin sam mite uh ci. Mahmi luatnak cu na taksa nopsaknakin cangtik pahsuh un. Mah sangin itnak tuah pa khat le pa khat nadek tondunin bawmdun saw un hi.

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

EFESA 5:26

Hitih bangin a bawlnak cu pawlpi hi, tui sungah a somciangnak hangin a thianthohtik nungten a thu in Pathian nelah ap tukin hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 9:14

Mahti bangin sualnak a thiang thei ahi tale Khrih i thisanin amah le mah biakpiaknakin pia hi. A nungmi Pathian na a deh theihnak tukin, imah nemcuam ngawlmi a zui nuamnak uh lungmu bawmngit khi a thisanin thiangtik tuk hi.

1 PETER 3:21

Mahmi cu atu-in nangmuh nunpantu tuiphumnak i lim laktu hi. Hi tuiphumnak cu nangmu taksa pumpi a ninmi somnak tuk hi ngawlin, a sia le pha khenkhuainak lungmu thiang tuah Pathian nelah thutiam bawl na hi saw hi. Jesuh Khrih thawhlehnak hangin tuiphumnakin nangmuh nunpan hi.

1 JOHAN 1:7

Mahnaven amah cu vaknak sungah a um bangin, eimuhte vang vaknak sungah a um uh tale pa khat le pa khat pawlkomnak nei in, a Capa Jesuh Khrih i thisanin, a sualnak uh hempoh thiangtik zo hi.

MANGMUHNAK 3:17

Nangmah in, “Kei cu mihau mi neinung ing, ka kin ka sapmi hempoh nei ing,” tin ti ci. Mahnaven nangmah cu mi ca-ngah, mi hehpihhuai na hihlam theidun cawm ma ci. Nangmah cu mi ca-ngah, puansilh ngawl thacang le mitcaw mi hi ci.