2 PETER 1:5 - Ngawm Bible

⁵ Himi loli hangin na upnak uh humah phatnak beet tuk tum unna, na phatnak uh humah theihnak beet tum un.

2 PETER 1:5 Iomraidhean Croise

FILIPI 4:8

Thukhupnakah, u le naute aw, na lungmu uh cu a phami le pahcoih tak hihnak tuah dimtik un. Thumanmi, nun paalloptak, a dikmi, a thiangthomi, a deih awhmi le minphatnak a nei mite cu na lungmu sung uhah umtik un hi.

THUPAUCAP 4:23

Ngalling zetin thu ngaisungin, itahim titale na ngaihsut mi thu in, na nunnak puahto tuk hi.

2 PETER 3:18

Ohtei Topa le nunpantu Jesuh Khrih hehpihnak le amah theihnak sungah khangto sesemta un. Ama lakah sunloihnak cu atu le kumkhua in um leleng tahen! Amen.

2 PETER 1:10

Mah hangin u le naute, Pathian i samnak le tennakte khi kumkhua kho tukin zuam dedeuh un. Mahtin na bawl uh tale na upnak uh pen pial awng tukma uh ci.

HEBRU 6:11

Na muansannak uh a cangsuak theihnak tukin a tawp tian zuam ten un, tih hi ka deihsaknak uh a ngengbelmi hi.

FILIPI 1:9

Pa khat le pa khat na itdunnak uh cu khangto sesem tahen na, mahmi tuah thuman theih theihnak le thu khenkhuai theihnak tuk cihnak tuah na khantoh theihnak tukin thungen ing.

2 PETER 3:14

Mah hangin ka ih mite mah Ni na ngak lih uh laihin, Pathian mai ah sualnak nei ngawl le a thiangmi hi tukin zuam unna, amah tuah a lemdunmi hi un.

HEBRU 11:6

Upnak ngawl tuah kuamah in Pathian lungdamtik theih ma hi, itahim titale Pathian a zuantu in Pathian um hi, tih le amah a zeitu tei lakah laksawng pia hi tih a up haw kul hi.

EFESA 5:17

Misil hi pahsuh un, Topa in bawltik a nuammi zei tum saw un.

ISAIAH 55:2

Itakaw an a hi ngawlmi ca in sum na manli uh? Itakaw vonvahtik thei ngawl ca in nilawh na piak lih uh?

FILIPI 2:12

Mah hangin, ka ihmi ngualcamte aw, nangmu lak ka umlaih a, ka thu na man leleng uh bangin le mah sangin a thupi saw laihmi cu nangmu lak ka um ngawl vangin ka thu na zui tuk uh khi hi. Nunpatnak cangkim na ngahnak tukin upat le lauthawng thahno in dek li poh un hi.

SAAM LABU 119:4

Na daante cu pia zo ci a, cangkim zetin zui thei leng nuam sing!

KOLOSE 2:3

Khrih cu Pathian cihnak le a thu-ip hempoh theih theihnak tawhcang hi.

JOHAN 6:27

A sialeh theimi an ca in, nadek pahsuh un. Kumkhua a phaatmi nunnak an ca tukin dek saw un hi. Mah an cu Mihing Capa in, nohte pia tuk hi. Itahim titale Pa Pathian in, a humah lungkimnak tacik khen zo toh hi.”

LUKA 24:21

Amah cu Israel mite luatnak piatu tuk hi tin ka muansan uhmi pa hi. Mah i humah atu-in hi bang a um sawng a ni thumnak hi.

KOLOSE 1:9

Hitih bangin na thu le la uh ka theihbek uhten nangmu ca thungen leleng ung. Pathian in ama deihnak theih theihnak tukin Hawvang i piakmi cihnak le theihtupnak tuah a dimtiknak tukin Pathian nelah ngen ung hi.

1 PETER 3:7

Mahtibang bok kekin pasalte aw na zi uhte cu nangmuhte sangin thanem saw mi haw tih khi theitum un. Nangmuhte bang bokin Pathian i nunnak laksawng co bok tukmi haw hi. Mah hangin upatnak tuah tuamlawm un hi. Mahti bangin na um uh tale na thungetnak uh cu imah in siatsuah zo tukma hi.

HEBRU 12:15

Pathian i hehpihnak khi kuamah in nungheksan tuk ngawlin ngalling un hi. A sia le a kha mi thingkung khangto in, a ngu pha ngawlin mi tampi cimnak a piak bang hi kha pahsuh un hi.

1 KORIN 14:20

U le naute aw, na thu ngaihsutnak uh naupang bangin um pahsuh un. Na pha ngawl bawlnak naupang bang unna, thu ngaihsutnak lamah ngilcang un.

LUKA 16:26

Mah sial ngawl a laklawh uhah luam thukzet um hi. Mah hangin hilai pen nangma lakah a hawh nuam kuamah hawh thei ma hi. Mahti bang bokin nangma umnak pen kohtei umnakah vang a hung nuam tampi um naven hung thei haw ma hi,’ tin ti hi.

ZEKHARIAH 6:15

Topa i Biakinn cu sak bawm tukin ngam khawlapi a ummite vang hung haw tuk hi. Mahtibang a sak haw ten Cungnungbel Topa in, nangmu nelah keimah a hahlam cu thei tuk uh ci. Na Topa, Pathian i thupiakmi na zui kim uh tale, a humlam a thu hempoh cu kim khawng tuk hi.

2 PETER 1:11

Mahten a Topa uh le pantu Jesuh Khrih i kumkhua uknak sungah tum theihnak thu ngah tuk uh ci.

JOSHUA 7:3

Joshua lakah “A venghawng uhin hawh kul tukma. Ai khua do tukin mihing thawng nih thawng thum laih hah inna, tham tuk poh. A venghawng uhin do tuk tak ma hi. Mi demno bek haw,” tin hilh haw hi.