2 PETER 1:4 - Ngawm Bible

⁴ Mahten a tepsa mi a thawmngengnak le a sunglawi laksawng cu pia in, mah laksawng hangin a siatsuah theitu leihum tisa deihnak pen luatin, Pathian hihnak mangkawm thei tuk uh ci.

2 PETER 1:4 Iomraidhean Croise

ROM Khua Khristian Tei Lakah Paul i Laikuat (Paul’s Letter to the Romans) 9:4

Amuhte cu Pathian i mihingte haw hi; Pathian in, a cate ah bawlin, a sunlawinak cu amu lakah langtik hi. Amuh tuah thutepnakte hei bawlin amu lakah Daan vang pia hi. A thumanmi biaknak cu nei in, Pathian i thutiamnak a cotu haw hi.

2 KORIN 1:20

Mah hangin Jesuh Khrih thawmin Pathian sunloihnakah, “Amen” tin a tih uh meknak hi. Itahim titale Jesuh Khrih cu Pathian thutiammi hempoh tei lakah, “Mahzuh hi,” tihmi khi hi.

2 KORIN 3:18

Ohte hei cu a venghawng uhin a mai uh puan tuah tuammi a hihleh uh ngawl toh hangin Topa i sunloihnak cu thalang bangin a langtiktu hung hi. Mah sunloihnak cu Hawvang a himi Topa i lak pen a hun hangin a nunnak uh sunglawi sesemin le amah bang dedeuhin thek tawto hi.

2 KORIN 6:17

Topa in, “Amuh zamsan unna, amuh tei lak pen tulsanin khen un hi. A thiang ngawlmi cu tok kha hihim pahsuh un, mahten nangmuhte cu keimah in cosang tung hi.

GALATI 3:16

Mahti bangin Pathian in Abraham le a casuan tei lakah a thutiamnak bawl hi. Lai Thiangtho in, “Casuante” tih awnkam mang ma hi. “Casuan” tih bekin mang hi, a tih nopmi cu mihing pa khat hi a, Khrih hi.

GALATI 6:8

A taksa deihnak huanah a cingtu in thihnak cawm tuk hi. Hawvang anci a cing tale cu mah Hawvang i lak pen kumkhua nunnak cawm tuk hi.

EFESA 4:13

Mahten a upnak uh le Pathian Capa a theihnak uh pa khat sungah khawm khawng tuk hung; pasal piting hi tuk hung a, Khrih i pasal piting a hihnak a sannakbel munah heng bok tuk hung hi.

KOLOSE 3:10

nunnak thak cu a bawltu Pathian in ama mel bang tawto tukin catngawlin thaktik leleng hi. Mahti bangin a thaktiknak cu Amah cangkim zetin, na theih sesem theihnak tukin hi.

HEBRU 12:10

A pa uhten pha tin, a ngaihsut haw hangin hun comno sung dantat hih haw hi; mahnaven Pathian in eimu phatnak tukin le ama thianthohnak a kawm thei boknak tuk uhin nun hilh hi.

HEBRU 9:15

Mahti bang a hih hangin Pathian i sammi ten Pathian i tepsami kumkhua thupha co theihnak tuk thutiamnak thak a ngaisungtu cu Khrih amah hi. Mah bangin a hih theihnak cu ama thihnak hangin hi. A thihnakin thukham masa i nuai a um haw laihin, a sualnak haw sung pen luattik hi.

JAMES 1:27

Pathian mai pen a thiangthomi biaknak cu, nu le pa nei ngawl ca-ngah le meivong haksate cawm le vaktu, a cingkhawitu le hi leihumpi i siatsuah ngawlte khi hi.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

2 PETER 3:13

Mahnaven ohte cu Pathian i tepmi diknak umnak mun, van thak le lei thak ngak hung hi.

2 PETER 3:9

Topa cu a thutepmi kimtik tukin a zuancum hi, tin mi khenkhat ten a ngaisung haw hei in, a zuancum hi kha ma hi, nangmu humah thinsaunak a neih hang hi saw hi, itahim titale pa khatno hei siatnak tawk ngawlno in, mi hempoh a sualnak haw pen a kihleh theihnak haw tuk a deih hangin hi.

1 JOHAN 2:25

Mah kumkhua nunnak cu Khrih amah loli i thutiammi hi.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.