2 PETER 1:3 - Ngawm Bible

³ A sunloihnak le a phatnak co bok tukin a samtu Khrih a theih theihnak uh hangin Pathian kihcaknak tuah a nun theihnak tukin a kul le sap uhmi hempoh cu Pathian ngilnak huhamin pia zo hi.

2 PETER 1:3 Iomraidhean Croise

SAAM LABU 110:3

Na ngalte na do ni-in, na mihingte tho tawtok haw tuk! Zingtungno daita bangin, mual thiangtho ah na khangnote cu na lakah hung haw tuk hi.

SAAM LABU 84:11

Topa cu humhimtu le a sunglawi kumpipa hi. Hehpihnak le sunloihnak tuah muicu pia hi. Thilpha a bawltu tei nelah thilpha piak tuk cu phalzet hi.

THUPAUCAP 12:4

Zi pha cu pasal i sui lukhu hi, mahnaven pasal hum a zahcaknak a piatu numei cu a nguh sung a khensa natnak vei tuah bangve hi.

THUPAUCAP 31:10

Zi pha cu izahin ngah hak him? Suang manpha sangin man nei saw hi!

THUPAUCAP 31:29

A pasalin, “Numei tampi hi zi pha hi khawng haw naven, nang hi a phabel hi ci,” ti hi.

MATTHAI 28:18

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

ROM Khua Khristian Tei Lakah Paul i Laikuat (Paul’s Letter to the Romans) 8:32

A dodaltu cu Pathian kha ma hi, a Capa neihcalamno hei khawih ngawlin eimuh venghawng ca in pia zo hi! Ama Capa loli hei a pia tale thil dangte hi a thawnthongin pia tukma maw?

ROM Khua Khristian Tei Lakah Paul i Laikuat (Paul’s Letter to the Romans) 9:24

Itahim titale ohte cu ama mihing a sammite hung hi; Judah tei sung pen sammi bek hi ngawlin Gentail tei sung pen sammite hung hi.

1 KORIN 1:9

A Capa Jesuh Khrih a Topa uh tuah pawlkomnak nei tukin a samtu Pathian cu muantak hi.

2 KORIN 12:9

Mahnaven donlehin; “Ka hehpihnak cu nangma ca in tawk hi; itahim titale na thanem ten kei cu ka ngilnakbel,” ti hi. Mah hangin Khrih i huham le humhimnak cu keima lakah a umnak tukin ka thanemnakah vangin mitmai nei in lungdamzet ing.

EFESA 4:1

Topa i nadehnak hangin thawngta mi keimah in; Pathian sapmi na hih uh bangin na nunnak uhah Pathian sammi na hihnak uh langtik un, tin so ing.

EFESA 4:4

Pathian in, a samnak sanbel a muansan uhmi cu pa khat a hih bangin pumpi pa khat um a, Hawvang pa khat um bok hi.

FILIPI 3:8

Hi thil bek hei kha ma hi; thildang hempoh hei hi ihempoh sangin a sunglawi saw mi ka Topa Khrih Jesuh ka theihnak hangin sunnak tawp khawk, tin ngaisung ing.

FILIPI 4:8

Thukhupnakah, u le naute aw, na lungmu uh cu a phami le pahcoih tak hihnak tuah dimtik un. Thumanmi, nun paalloptak, a dikmi, a thiangthomi, a deih awhmi le minphatnak a nei mite cu na lungmu sung uhah umtik un hi.

KOLOSE 1:16

Itahim titale Pathian in Khrih i sung pen ihempoh vancung le leihumah hihen, muh theihmi le muh theih ngawlmi hihen, hawvang lam cahnak huham neitute, bawite, uktute le thuneitu hei hihen bawl hi. Pathian in van le leihum hempoh Khrih sung pen, bawlin, Khrih ca in hulawmdun khawng tukin bawl hi.

1 THESALON 2:12

A Uknak le a sunloihnak kawm tukin a samtu Pathian lungdamtik tukin le nung thei tukin, catngawlin sosuah ung hi, nangmuh hehnemin thapia ung hi.

1 THESALON 4:7

Pathian in nupa sualnak bawl tukin sam ma hi, a thiangtho tukin sam saw hi.

2 THESALON 2:14

Hiti bangte co tukin, Pathian in nangmuh tei lakah ka phuan uhmi Thuthangpha sung pen sam hi. Topa Jesuh Khrih sunloihnak a cotu hi bok tukin sammi hi uh ci.

1 TIMOTE 4:8

Taksa damnak tukin cunmi cu man nei bok naven hawvang damnak tukin cunmi cu ihempoh ah man a neimi hi. Itahim titale atu-in hihen, mailam ca hei in hihen, nunnak tukin thutiam hi.

2 TIMOTE 1:9

Pathian in ama mihing hi tukin samin, nunpan zo hi. Mahti bangin a nunpatnakah eimu bawl theihmi a um hang hi ngawlin, a hehpihnak le tumtahnak a neih hang hi saw hi. Hi a hehpihnak cu Khrih Jesuh lak pen hun a pat laih ngawlin pia zo hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

1 PETER 1:15

A samtu Pathian cu Pathian Thiangtho a hih bang bokin, nisial na nunnak uhah thiangtho zetin nungbok un.

1 PETER 1:5

Hun dawlbel ten langtik tukin, atu a koihsami nunpatnak cu upnak hangin Pathian i huham tuah cinkhawimi nangmuh tei co tukmi lo le lam hi.

1 PETER 2:21

Mahtibang haksatnak thuak tukin Pathian i sammi hi uh ci; itahim titale Khrih amah loli in, nangmu ca haksatnak thuakin, a ke kal na zui theihnak tuk uhin zohteh tuk a zammi hi.

1 PETER 2:9

Mahnaven nohte cu tensa miphun, Kumpipa i thiampi, miphun thiangtho, Pathian i miphun hi uh ci. Khuathim sung pen thasiahhuai vaknak sungah a samtu Pathian in nalamdang a bawlmite tangau pih tukin a tenmi hi uh ci.

1 PETER 3:9

Phat ngawlnak cu phat ngawlnak tuah lulleh pahsuh unna, tamsiatnak tuah lulleh ngawlin le thupha muicu tuah lulleh saw un hi. Itahim titale Pathian in, a sam ten thupha muicu piatu tukin a sammi hi.

1 PETER 5:10

Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.

2 PETER 1:10

Mah hangin u le naute, Pathian i samnak le tennakte khi kumkhua kho tukin zuam dedeuh un. Mahtin na bawl uh tale na upnak uh pen pial awng tukma uh ci.

2 PETER 1:2

Pathian le Topa Jesuh Khrih na theihnak uh hangin hehpihnak le lemdaihnak cu cangkim zetin co zalta un hi.

2 PETER 1:5

Himi loli hangin na upnak uh humah phatnak beet tuk tum unna, na phatnak uh humah theihnak beet tum un.

2 PETER 1:6

Na theihnak uh humah supdun theihnak beet hih unna, mahten supdun theihnak humah thuak theihnak beetin, thuak theihnak humah Pathian kihcaknak beet un.

2 PETER 1:8

Hi phatnakte hi na kulzet uhmi hi a, cangkim zetin, na nei uh tale Topa Jesuh Khrih na theihnak uh hu le thawm hangin tha caktiktu le mualneitiktu hi haw tuk hi.

2 PETER 2:20

A Topa uh le nunpantu Jesuh Khrih cu bulpak tek a theihnak haw hangin ningdelhhuai sualnak sung pen suakin, mahtin a suah ngah ceng haw ten mah ningdelhhuai sualnak lengah awkleh kikin, a lel tale, a masa ngamtat sang sia saw tuk hi.

2 PETER 3:18

Ohtei Topa le nunpantu Jesuh Khrih hehpihnak le amah theihnak sungah khangto sesemta un. Ama lakah sunloihnak cu atu le kumkhua in um leleng tahen! Amen.

RUTH 3:11

Atu-in, imah lau pahsun, numei pha na hihlam vang, khuapih ten thei khawng haw hi.