2 PETER 1:1 - Ngawm Bible

¹ Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

2 PETER 1:1 Iomraidhean Croise

ISAIAH 12:2

Pathian cu keimah Pantu hi; Amah muang tung a, imah lau tuk mang. Topa in huham le thazaang pia hi; Amah cu keimah Pantu hi,

JEREMIAH 33:16

Judah mi le Jerusalem mite cu patsuah hi haw tuk a, ngimta zetin um haw tuk hi. Hi khuapi cu, ‘Topa, kohtei Himnak,’ tih hi tuk hi.

MATTHAI 10:2

Nungzui sawm le pa nih tei minte cu: pa khatnakin; Simon (Peter tihmi) le a nau Andru, Zebedi capa James le a nau Johan;

MATTHAI 4:18

Jesuh cu Galilee a, tuinim mawkah a hawhlih laih takin ngasa mantu unau pa nihte suuk vawkin ngasa man li khi mu hi. Mah unau pa nihte cu Simon (Peter tin sammi) le a nau Andru haw hi.

LUKA 1:47

Kei nunpantu Pathian sungah ka Hawvang a lungdam hi;

LUKA 11:49

Mah hangin Pathian cihnakin, ‘A muh tei lakah profet le kamtai hawhtik tung. A khenkhat cu that haw tuk a, khenkhat cu dantat haw tuk hi,’ tin ti hi.

JOHAN 1:42

Mahten Simon cu Jesuh lakah hawhpih hi. Jesuh in amah cu zo in, “Na min cu Johan capa Simon hi ci; mahnaven Sefas tin sam hi tuk toh ci,” ti hi. Sefas tih cu Peter tih tuah bangve in, a sullam cu ‘suangpi’ tihnak hi.

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 20:21

Jesuh in amuh tei nelah, “Nohtei lakah lemdaihnak um tahen! Ka Pa in, a tiik bangin nangmuh vang tiik bok ing,” ti hi.

NUNGZUITU 15:14

Simon in atu a, a hilhmi cu za uh ci! Pathian in Gentail tei ca ngaisungin amu lak pen mi khenkhat cu ama mi hi tukin teng hi, tin hilhciang zo hi.

ROM Khua Khristian Tei Lakah Paul i Laikuat (Paul’s Letter to the Romans) 1:1

Pathian in, a Thuthangpha phuangtu tukin a tiikmi le a tenmi, Khrih Jesuh i sal, nungzuitu keimah Paul in laikuat ing hi.

ROM Khua Khristian Tei Lakah Paul i Laikuat (Paul’s Letter to the Romans) 1:12

Mahtin ka tih ten keima upnakin nangmu upnak tha khotikin, nangmu upnakin keima upnak tha khotik bok tuk ka tihnak hi.

ROM Khua Khristian Tei Lakah Paul i Laikuat (Paul’s Letter to the Romans) 1:17

Itahim titale Pathian in Amah le mihing tei laklawhah itin lemnak bawl him tih khi langtikin; mahmi cu a patnak pen a tawpnak tian upnak hangin hi. Lai Thiangtho vangin “Upnak hangin Pathian tuah a lemdunmi cu nung haw tuk,” ti hi.

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

1 KORIN 15:9

Kei cu tiikmi lak pen a neubel, tiikmi tih hei in sam tak ngawlmi ing. Itahim titale Pathian pawlpi bawlsiatu ing.

1 KORIN 9:1

Miluat hi ma ing maw? Tiikmi hi ma ing maw? A Topa uh Jesuh mu zo ma ing maw? Nohte cu Topa ca tukin ka nadehmi i a ngah hi uh ci,

2 KORIN 4:13

Lai Thiangtho in, “Ka up hangin hilh ing.” Mahti bang upnak lungmu nei in ka sannak uh hangin Pathian Thuthang phuang bok ung hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

GALATI 2:8

Itin kaw titale Pathian huham hangin Judah mitei lakah Peter cu palai a hih bangin kei vang Gentail mitei lakah palai hi bok ing.

EFESA 3:5

Ni dang laihin mahmi thu-ip cu kuamah i lakah phuan hi awng ma hi; mahnaven atu cu Pathian in, a thiangmi a kamtai le a profet tei lakah a Hawvang tuah phuang zo hi.

EFESA 4:11

“Mihing tei lakah laksawng a piatu,” hei cu amah hi. Laksawng a piakmi a khenkhat cu tiikmite, khenkhat cu profette, khenkhat cu Thuthangpha phuangtute, a khente cu pastor le zilhtu haw hi.

EFESA 4:5

Topa khat um a, upnak pa khat um, tuiphumnak pa khat um hi.

FILIPI 1:1

Khrih Jesuh i sila Paul le Timote in, Khrih Jesuh tuah a pehzommi Filipi khua a Pathian i mihing tei lakah le nangmu pawlpi sung a lamhuaitu le bawmtu tei lakah laikuat ung hi.

FILIPI 1:29

Khrih na upnak uh bekah hi ngawlin ama ca na thuaknak uhah covo sepmi na hih uh hi, mi bawngpha hi uh ci.

FILIPI 3:9

Amah i hangin ihempoh cu vawk khawng ing. Khrih ka co theihnak tukin le amah tuah thiamting zetin ka pehzomdun theihnak tukin ihempoh hi buak bang thongin ngaisung ing. Keima bulin dikcangnak nei lehma toh ing. Atu a dikcangnak ka neihmi cu Khrih upnak hangin piakmi diknak hi; upnak thawmin Pathian lak pen a ngah uhmi diknak hi.

2 TIMOTE 1:5

Upnak cangcian na neihmi thei leleng ing. Mahmi upnak cu napi Lois le na nu Eunice tei neihmi upnak hi. Atu-in mah upnak cu nei lai tuk ci tih um ing.

TITUS 1:1

Pathian nadektu le Jesuh Khrih kamtai palai keimah Paul in laikuat ing. Pathian in, a tenmi a mihing tei umnak haw kho deuhtik tukin le eimu biaknak thudik sungah pui tukin, Pathian in tengin hah hi.

TITUS 1:4

Upnak bangve a neih uhmi sungah ka ca ngangai a himi Titus, na lakah hilai hi ngan ing. Pa Pathian le Nunpantu Khrih Jesuh in hehpihnak le lemdaihnak thupha pia tahen.

TITUS 2:13

Mahten a thawmngengmi a Pathian uh le Pantu Jesuh Khrih i sunloihnak lang tuk hi tin, a muansan uhmi Ni sunglawi cu ngak hung hi.

JAMES 1:1

Pathian le Topa Jesuh Khrih i sila keimah James in leihum khua hempoh ah a lengkekmi Pathian mihing nangmuh tei lakah laikuatin nuksat ing.

1 PETER 1:1

Jesuh Khrih i tiikmi keimah Peter in Pontius, Galatia, Kappadosia, Asia le Bithinia peng a ngaltai bangin a vakkekmi, Pathian i tenmite nangmu lakah laikuat ing.

1 PETER 1:7

Itahim titale hi haksatnak na thuak uhmi cu na upnak uh a ngangai maw, a ngangai ma him tih theihnak tukin hi. A sia theimi sui hei khi mei tuah khingkhai haw hi. Mahti bang bokin sui sangin a sunglawi saw mi na upnak uh cu haksatnak a thuak zotu hi tukin thiathazoh kul hi. Jesuh Khrih a lang Ni ten thangphatnak, sunloihnak le upatnakte ngah tuk uh ci.

1 PETER 2:7

Thu umtu nangmuh tei ca in suang manpha hi. Mahnaven umngawltu tei ca in, “Inn satu tei nemcuam ma tin, a lawl haw mi suang cu man neibel suangin suak hi,” tihmi khi hi.

1 PETER 5:1

Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.

2 PETER 1:4

Mahten a tepsa mi a thawmngengnak le a sunglawi laksawng cu pia in, mah laksawng hangin a siatsuah theitu leihum tisa deihnak pen luatin, Pathian hihnak mangkawm thei tuk uh ci.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.